Flet Doris Pack, por nuk duket e befasuar. Dhe shton: Shqiptarët i dhanë goditje Berishës e të tijve

Eurodeputetja gjermane Doris Pack, konservatore, ndjekëse dhe njohëse e mirë e jetës politike shqiptare, ka dhënë një intervistë për radion Deutsche Welle lidhur me zgjedhjet e mbyllura. Nuk duket e befasuar nga rezultati, por jo ngaqë e priste. Nuk duket e befasuar, ngaqë – dhe këtë e thotë pa u shqetësuar se dikush mund të dallojë një nëntekst përbuzës – “shqiptarët nuk e befasojnë më”. Por është “realiste”: “Kjo fitore e arritur nga aleanca e majtë është një goditje për politikanët që kanë qeverisur deri tani”.

Lidhur me heshtjen e gjatë të Berishës, ajo thotë: “Për këtë duhet të pyesni vetë Berishën. Normalisht, humbësi duhet të urojë fituesin, por ju e dini vetë se sa e helmuar është klima në Shqipëri. Unë jam e sigurt se edhe Rama nuk do ta kishte uruar Berishën, nëse ai do të kishte fituar.”

Re.Pu