Po bëhen spekullime urbane mbi leximin që Berisha do t’i bëjë humbjes së vet

Të gjithë po presin se cili do të jetë reagimi i Berishës dhe cili do të jetë leximi që ai i ka bërë votës plebishitare kundër tij. Po ndërkohë qarkullojnë tre variante, njëri më surreal se tjetri, të cilat ngrihen mbi premisën se ai nuk do të largohet nga kreu i PD-së e nga politika. Në njërin prej varianteve, Berisha do dalë e do na thotë se “faqeziu Edi Rama ju mashtroi, ai iu gënjeu me premtime të mëdha dhe me shpifje për familjen time, dhe unë nuk mund t’iu lë vetëm përballë një mashtruesi të tillë”. Në versionin e dytë, Berisha do të thotë se “zgjedhjet nuk i ka fituar Edi Rama; fituesi i vetëm i zgjedhjeve është Ilir Meta; dhe prandaj, unë nuk kam pse largohem”. Dhe në variantin e tretë do të thotë atë që, sipas atyre që e tregojnë, ai ua ka prezantuar do ambasadorëve që e kanë takuar, apo që e kanë kapur në telefon: “Unë jam i ri, jam plot energji, dhe nuk dëgjoj asnjë këshillë që përpiqet t’më pengojë që unë t’i shërbej vendit tim”.

Duken si barceleta urbane, që lozin me një gjendje të supozuar psiko-mentale të çoroditur, por një numër gazetarësh e politikanësh (të opozitës) vinin dorën në zjarr në mbrojtje të variantit të tyre. Duhet të presim që të gdhihet për të marrë vesh të vërtetën.

Re.Pu.