FRD-ja nuk merr asnjë deputet; nuk pati as shansin të dëmtonte Berishën

Përpara zgjedhjeve konsiderohej se një nga të panjohurat e ekuacionit elektoral ishte FRD-ja. Tani nuk është më e panjohur. FRD-ja ka dështuar. Ka ende vota për t’u numëruar, por leximi perspektiv i rezultateve na thotë se FRD-ja nuk do të marrë asnjë deputet. Nuk marrin as atje ku pritej të merrnin, në Tiranë e në Durrës. Ndoshta janë penalizuar nga polarizimi i fortë në prag të ditës së votimit? Ndoshta, por kjo është analizë që do bëhet në ditët e  ardhshme.

FRD-ja nuk pati as shansin që faktorizohej e valorizohej duke i bërë dëm PD-së së Berishës. Nuk e pati këtë shans, pasi aleanca e majtë ka fituar pavarësisht FRD-së, AK-së, Arben Malajt, Dritan Priftit, Agron Dukës, e pavarësisht çdo faktori tjetër.

Për FRD-në do duhet të hapet një fazë diskutimi: Ç’do bëhet me të?

Re.Pu.