Çdo vend është Taksim! Çdo vend është rezistencë!

Kjo është një nga parullat e revoltës. Sot në mëngjes vazhdojnë protestat në sheshin Taksim. Policia ka tentuar të heqë sot herët barrikadat në shesh nga zaptuesit që qëndrojnë aty prej një jave. Një bombë benzine ka shpërthyer në linjën e policëve gjatë përleshjeve, raporton The Guardian.  

Partia në pushtet e Erdoganit, Partia për Drejtësi e Zhvillim, ka hedhur zëra që të fillojë censurimi i Twitter-it, me qëllim që të zbutet kurba e revoltës,  njofton e përditshmja turke Hurriyet. Ali Şahin, zv/shefi i partisë për mediet citohet të ketë thënë: “një mesazh (tweet) që përmban gënjeshtra është më i rrezikshëm se një automjet i ngarkuar me bomba. Shpërthimi i mjetit me bomba është i kufizuar, ndërsa një mesaz i mbushur me gënjeshtra çon në një klimë konflikti”.

k.c.

Fotografia: Kostas Tsironis / AP