FMN-ja pranon gabimin me vonesë: Greqisë desh ia morëm frymën

E përditshmja financiare amerikane Wall Street Journal ka publikuar një raport të Fondit Monetar Ndërkombëtar, ku bëhet një mea culpa, gjë e rrallë për organizatën e drejtuar në ditët e sotme nga Christine Lagarde. “Austerity? No, thank You”, thuhet në thelb në këtë raport, dhe konkretisht ata e kanë me presionin që iu bë Greqisë, duke rrezikuar t’ia marrin frymën me shkurtime shpenzimesh, deficiti e borxhi, në një moment të vështirë ekonomik. Në fakt, Greqia ka kohë që është futur në rrugën që iu tregua e imponua nga Trojka (FMN, BE, BQE), e në këtë kuptim kjo mea culpa vjen si kofini pas të vjelit. Por ndoshta mund të vlejë për të korregjuar shenjestrën në rrethana të ngjashme në të ardhshmen.

Në fakt, BE-ja nuk bie dakord me këtë vërejtje, ndonëse kjo vërejtje i ka ardhur nga shumë zëra të përtej Atlantikut.

Re.Pu.