Meta shpjegon në Top Story pse fushatën e bën më vete dhe pse është i butë me Berishën

Ilir Meta ka qenë në Top Story, dhe aty gazetari Balla i ka nënvizuar një vëzhgim të tijin, që është dhe vëzhgimi i të gjithëve. Dhe e ka bërë në formë pyetjeje: “Në fushatë kemi vënë re se nuk keni ndonjë kundërshtim të madh ndaj Kryeministrit Berisha dhe nuk keni ndonjë aleancë të madhe apo partneritet të natyrshëm me Edi Ramën. Duket sikur nuk jeni as në opozitë të vërtetë me z. Berisha dhe as në partneritet me z. Rama. A është e qëllimshme, rastësore apo strategjik ky shpjegim?

Përgjigja e Metës: “Natyrisht askush nuk duhet të presë që unë të akuzoj apo akoma më tepër të shaj z. Berisha për shumë arsye. Sepse e para, kjo nuk është se na ndihmon ne të evidentojmë më mirë qëllimet tona, prioritetet tona dhe ajo që i intereson vendit apo që i intereson qytetarëve. E dyta, nuk është shumë etike sepse deri para disa muajsh unë edhe kam bashkëpunuar me të. Ndërsa sa i takon raporteve brenda koalicionit mendoj se raportet janë mjaft konstruktive. Objektivat janë të përbashkëta, prioritetet janë të përbashkëta, ndërsa çështja pse e bëjnë fushatën vetëm dhe pse nuk e bëjnë bashkë, është më shumë e stisur. Sepse PBDNJ-ja që është në koalicion e bën fushatën më vete apo edhe partitë e tjera e bëjnë fushatën më vete?”

Re.Pu.