Presidenti Nishani sot në Berlin. Askush nuk raporton. Aq më pak të pyesë, pse?

Presidenti i Shqipërisë Bujar Nishani zhvillon sot një vizitë zyrtare në Berlin. Lajmin e ka dhënë DW, por që ka gjetur fare pak jehonë në shtypin shqiptar. Ndërsa çdo vizitë e krerëve të partive, edhe kur vizitojnë ndonjë serë a panair jashtë shtetit ndiqet dhe me lidhje satelitore “live”, vizita e Nishanit duket se nuk “gudulis" askënd.

DW raporton se fillimisht ai do të takohet me presidentin e Bundestagut, Dr.Norbert Lammert dhe më pas me Presidentin, Joachim Gauck, në selinë e tij. Presidenti shqiptar do të ketë edhe takime të tjera me personalitet më të larta politike gjermane.

Qëllimi kryesor i kësaj vizite është thellimi i bashkëpunimit mes dy vendeve në fusha të ndryshme si ajo politike, ekonomike, në fushën e mbrojtjes dhe të sigurisë, etj.

Po pse është atje?

“Ne duhet të shkëputemi nga modeli i donacioneve gjermane dhe të shkojmë drejt një modeli të ri të investimeve të bizneseve gjermane apo nga Gjermania në Shqipëri dhe në vendet e tjera të Ballkanit”, ka deklaruar për DW, presidenti Bujar Nishani. Motivi duket i lavdërueshëm. Puna është që edhe mediat e kanë me sa duket vështirë ta shohin si një aktor që mund të ndikojë në çfarëdolloj politike apo vizioni në këtë vend.

k.c.

intervista e plotë me DW:

http://www.dw.de/presidenti-i-shqipërisë-viziton-berlinin/a-16863170