Socialistët ‘vip’ reagojnë ndaj listës së kandidatëve; mbizotëron solidariteti “për kauzën”

Debati politik është zhvendosur në facebook, ku gjatë dy ditëve të fundit janë vënë re një numër reagimesh ndaj listave. Ja disa reagime socialistësh ‘vip’, të vënë apo të hequr nga listat:

Elisa Spiropali: “Nuk jam në politikë për ta kaluar kohën duke pritur të më heqin a vënë emrin nëpër lista. Prezenca ime në politikë, në krahun e majtë të politikës, në krahun e progresit, në Partinë Socialiste, buron nga vetedija ime dhe s’ka lidhje me pritje, kulisa apo lista”.

Ilir Gjoni: “Më lejoni të them se ende nuk i di arsyet e mospërfshirjes sime në listat e kandidimit, ose më mirë të them nuk pata kënaqësinë t’i dëgjoj prej gojës së kryetarit”.

Dhe pak më poshtë: “Më thanë që kryetari e paskësh çështje personale me mua. Kjo ma lehtëson shumë punën, pasi qyqari nuk e di se fisi e miqësia ime nga veriu në jug mund ta mbysin vetëm me pështymë, pavarësisht gjatësisë së tij”.

Erjon Braçe: “Faleminderit të gjithë juve që u shqetësuat për mua, për ne, për çështjen, juve që më pyetët, që më dëgjuat, që më këshilluat…. Ju ishit fuqia.”

Keti Bazhdari: “Parlamenti do të ishte një fushëbetejë e mirë për ta bërë zërin të dëgjueshëm … [por] mendoj dhe besoj se gjithçka nis me fitoren e partisë socialiste më 23 qershor”.

Re.Pu.