Lista e PS-së në Vlorë bëhet “lista e sherrit”. It’s official: Kokëdhima është i treti në këtë listë

Po, është zyrtarisht e vërtetë: Koço Kokëdhima do të jetë kandidat i Partisë Socialiste për qarkun e Vlorës. Do të jetë i treti në listë, pas Edi Ramës e Valentina Leskajt. I katërti është Fatmir Toçi. E pesta Luiza Xhuvani.

Sidoqoftë, befasia e ka emrin Koço Kokëdhima. Në fillim u fol për vajzën e këtij të fundit, Besën, këngëtaren e njohur dhe të suksesshme. Më pas, gazetat zunë të flisnin për të shoqen, Brixhidën. Dhe vetëm në mbrëmje vonë po flitej për Koçon vetë. Në fillim u fol pa shumë siguri. Por në një moment doli Arben Malaj nga mbledhja, dhe kështu raportimi më në fund pati një burim zyrtar. Malaj la të kuptohej se Kokëdhima do të ishte i dyti. Me sa duket, do ketë pasur diskutime të tjera, që e kanë zhvendosur botuesin e Shekullit një vend më poshtë në listën e Vlorës, që rezultoi të ish “lista e sherrit”.

Re.Pu.