Një grup i quajtur “Islamic Ghosts Team” hack-on faqen e Avokatit të Popullit

Sipas njoftimeve të Balakanweb, faqja zyrtare e Avokatit të Popullit (www.avokatipopullit.gov.al) është e pahapëshme që prej mëngjesit të sotëm, pasi është sulmuar dhe pushtuar nga hackerat. Ai ose ata që e kanë bërë këtë akt e kanë identifikuar veten si “Islamic Ghosts Team” – “ekipi i fantazmave Islame”, kanë nxirë faqen e Avokatit të Popullit dhe kanë lënë një mesazh në anglisht, emrin e grupit dhe një frazë shekspiriane: “To be,or not to be” ( të jesh, apo të mos jesh).
Institucioni i Avokatit të Popullit bëri të ditur se do t’i drejtohet Prokurorisë me një kërkesë për të nisur hetimet mbi rastin. Vepër e lidhur me aktivitetin e institucionit? Apo një grup hack-erash të huaj në kërkim të pak vëmendjeje teknologjike?

k.c.