Të të vijë turp nga vetja – i shkruan Kozma Dushit, autori i teksteve të këngëve të tij

Arben Duka është autori i teksteve të këngëve të Kozma Dushit, të cilit iu dha një dekoratë nga Nishani pas pjesëmarrjes në një takim elektoral ku këndoi e hodhi valle bashkë me banorët e zonës për kryeministrin. Poeti Duka (ka shkruar tekstet e 45 këngëve nga rreth 50 që ka kënduar në vite Kozmai) i ka shkruar këtij të fundit një letër botuar sot në të përditshmen DITA ku ndër të tjera thotë:

“Kozma! Njeriu ka kohë gjithmonë të turpërohet dhe ti u turpërove në prag të pleqërisë. Jam shumë i pikëlluar për ty. Kjo nuk të falet dhe s’kam si të ta fal. Unë e di mirë se ç’mendime ke pasur ti për Berishën dhe PD-në, ndaj u skandalizova nga ato që lexova në gazette… Ti ke pasur një urrejtje patologjike, Kozma, për faktin se në vitin 1997 të është vrarë kunata (nusja e vëllait) nga një plumb qorr. Ndaj mendoj se dhe ti ke hyrë qorrazi në atë bandë vrasësish, që vranë dhe pas 97-s. Të gjithë kemi probleme ekonomike, por nuk mund ta nximë faqen karshi shumicës së popullit që na do dhe na mbështet moralisht. Ke tradhtuar veten o Kozma, askënd tjetër dhe kjo është tradhtia më e keqe. Po mundohem të të shkruaj me qetësi, po nuk mundem dot të mos të them: “Të të vijë turp nga vetja!” Me dhimbje, por pa respekt! Arben Duka". a.n.

Letra: http://gazetadita.al/arben-duka-i-shkruan-kozma-dushit-ke-hy...

Shih edhe: http://www.respublica.al/artikuj/2013/05/01/kozma-dushi-vota...