Edi Rama flet për Topin e Spahiun në të përditshmen Shqip

Rama ka dhënë një intervistë të gjatë për Kamber Velajn e Shqipit, dhe aty ka folur mes të tjerash dhe për dy partitë që nuk kanë pranuar t’u atashohen dy partive të mëdha, për FRD-në dhe AKZ-në.

Për FRD-në: “FRD mund të ishte në koalicion me ne, nëse nuk do të kishte qëndruar e ngurtë në pozicionin e vet. Por ama nga ana tjetër, është absolutisht e qartë që FRD nuk bën lojën e regjimit…. Pra FRD është shumë më e tërhequr nga projekti i shpëtimit të Partisë Demokratike dhe rilindjes së saj në opozitë, se sa nga një projekt më i gjerë dhe më i madh, siç është projekti i Aleancës për Shqipërinë Europiane. Unë besoj se neve [nesër] nuk do të na duhen numrat e FRD-së…”

Për AKZ-në: “Fatkeqësisht, të gjithë patëm iluzionin se ishte një forcë, e cila ishte krijuar për të luftuar regjimin. Ndërkohë që nga negociatat që kemi bërë, jemi ndier vërtet shumë keq përballë kërkesash sa qesharake aq edhe provokative që na dhanë idenë se s’ishim në kushtet kur po negocionim me një opozitë, por ishim në kushtet kur po negocionim më kot me një forcë që kishte një axhendë tjetër… Arsyet pse AKZ nuk është në këtë front janë sa qesharake, aq edhe të shëmtuara.”

Intervsitën e plotë mund ta ndiqni në linkun http://gazeta-shqip.com/lajme/2013/05/02/edi-rama-po-reflektoj-mbi-propozimet-per-te-kandiduar-jashte-qarkut-te-tiranes/

Re.Pu.