Kreshnik Spahiu, sipas Ago Nezhës

Ago Nezhën që ka bërë divorcin me Aleancën Kuqezi, gazetat e kualifikojnë si “sekretar për çështjet e Bujqësisë në Aleancën Kuqezi, Kryetar të shoqatës atdhetare kulturore ‘Labëria’, dhe akademik”. Ai ka shkruar sot një artikull të publikuar në Dita, ku bën denoncime të forta në adresë të Kreshnik Spahiut, që “vjen nga Saliu e shkon te Saliu”. Në shkrim, Nezha vë në gojën e Spahiut një shprehje prej xhambazi: “unë e shes shtrenjtë përfaqësimin në parti; po s’fitova nga aktiviteti politik, nuk kam pse qëndroj në krye të partisë”.

Nezha përshkruan e komenton, mes të tjerash, edhe tubimin e 7 prillit: “Për tubimin që organizoi  me rastin e 7 Prillit, e kompozoi vetë skenarin dhe nuk pranoi asnjë korrektim kur u diskutua në sekretariat. Doli para turmës minore, me një pamje madhështore, i pa shoqëruar, nga asnjë prej figurave kryesore të partisë. Kjo sjellje ra për keq në sytë e shikuesve, dhe u komentua gjatë, kur kryetari i partisë, parakalonte  përkrah kuajve. Një butafori diabolike. Donkishotizma anakronike. Ndaloi para kryeministrisë, me taborrin e tij në krah dhe aty mbajti një fjalim se si do i bëjë ‘gjëmën’ Berishës. Dhe se Berisha, sipas tij na qenka trembur dhe ka emigruar larg për të mos e kapur në ‘lak’ Spahi Saliu.”

Shkrimin e plotë të tij mund ta lexoni në linkun http://gazetadita.al/spaletat-e-spahiut-ne-oborrin-e-saliut-...

Re.Pu.