Banorët e nxjerrë në rrugë vazhdojnë në grevë urie: “Mediat nuk u lejuan të ndiqnin takimin tonë me Bashën. Policia po na dhunon.”

Prej të enjtes pasdite 9 persona janë në grevë urie. Ata kanë kërkuar ndihmë nga ambasadori i SHBA, prezenca e OSBE-së në Shqipëri dhe Avokatit të Popullit (i cili i vizioti dje e bisedoi me ta)

Janë 13 familje, 70 njerëz total, që u nxorën në rrugë nga përmbarimi në zbatim të akti normativ, që parashikon nxjerrjen e tyre dhe kthimit të pronave tek pronarët.

Banorët pretendojnë se është ushtruar dhunë ndaj tyre, sipas blogut historia-ime.com.

Mirela Aliaj, 47 vjeçe e cila vuan nga diabeti dhe tensioni është në grevë dhe ka shfaqur problemet e para shëndetësore. Ajo është në grevë së bashku me vajzën e saj. Akuza e Mirelës është: “shtëpinë po ma merr një hajdut, nuk e di se nga doli. Kam 70 vjet në atë shtëpi. Plaçkat që i kam blerë me aq mund m’i kanë nxjerrë në rrugë. Duam që të largohet policia nga këtu, e shohim që duan të na nxjerrin me dhunë nga greva, por edhe nëse më nxjerrin do të shkoj aty në rrugë pranë plaçkave të mia dhe do të vdes aty!” Lidhur me vizitën e kryetarit të bashkisë Lulzim Basha dhe propozimit që iu bëri ai ata thonë se nuk do ta pranojnë kurrë. “Po pas tre muajsh ku të shkojmë ne”, thotë Mirela. Më tej grevistët shprehen të indinjuar nga fakti që mediat nuk u lejuan të ndiqnin takimin me Bashën. “Doli jashtë dhe dha një deklaratë, përse vetëm ai duhet të dëgjohet, po ne!”

k.c.