1515 km apo 10.400 km?

Artan Lame bëri me dije sot se "së bashku me disa specialistët është përllogaritur çdo pëllëmbë rrugë e vendit dhe rezulton se gjithsej janë ndërtuar dhe rikonstruktuar 1515 km rrugë duke filluar nga ato me 4 korsi e deri tek rrugët rurale me 1 korsi".

“Autostrada, (rrugë të kategorisë “A”), të ndërtuara: 0 Km. Ato që ne në të folmen e përditshme i quajmë autostrada, jo me standardet Evropiane, por as me Kodin Rrugor të RSH nuk janë të tilla. Rrugë kombëtare me 4 korsi, (rrugë të kategorisë “B”), ose superstrada: Gjithsej 135 km. Rrugë kombëtare me 1 dhe 2 korsi, ose rrugë të kategorisë “C”: Gjithsej 560 km. Në përllogaritjet tona, natyrisht që mund të ketë edhe ndonjë pasaktësi, por që nuk shkon më shumë se 50 apo 100 km gjithsej. Kjo për arsyen e thjeshtë se Qeveria ka vendosur një terr informativ të plotë në këtë fushë.  Në deklaratën e tij Kryeministrit Berisha është shprehu se “kemi ndërtuar 10.400 km rrugë të të gjitha llojeve”.  Por rezultoi se gjithsej janë ndërtuar dhe rikonstruktuar 1515 km”, u shpreh Lame. a.n.