Nano e Berisha në burg?
Në Italinë e viteve ’90, ndodhi një revolucion juridik, i mbiquajtur i “duarve të pastra”. E filloi prokurori Antonio Di Pietro me çështjen “Tangentopoli”, e cila, fillimisht, kapi në rrjetë peshkun e vogël Mario Chiesa dhe përfundoi tek peshkaqenët Craxi e Andreotti. Në këtë mënyrë, revolucioni i “duarve të pastra” përmbyti një klasë të tërë politike, që për 40 vjet ishte krimbur nga korrupsioni.
Në qoftë se një gjë e ngjashme ndodh sot në Shqipëri, kam përshtypjen se të paktën 90% e politikanëve dhe zyrtarëve të lartë publikë do të përfundonin në burg, ose do t’ia mbathnin jashtë Shqipërisë. Përdora fjalën përshtypje, sepse nuk kam fakte konkrete për korrupsionin e 90% të politikanëve dhe zyrtarëve të lartë. Dhe përshtypja më është krijuar nga disa vrojtime personale në ambjentin që më rrethon.
Për shembull, unë e kam rrogën mujore (në një institut privat) më të lartë se çdo zyrtar publik në Shqipëri. Kjo rrogë më ka krijuar mundësinë të kem një veturë komode, por jo aq luksoze sa veturat personale të shumicës së zyrtarëve të lartë publikë që unë njoh. Rroga ime më ka krijuar mundësinë të kem një shtëpi komode, por jo aq luksoze sa ato të shumicës së zyrtarëve të lartë publikë që unë njoh. Rroga ime më ka krijuar mundësinë të bëj pushime verore e dimërore komode, por jo aq luksoze sa ç’i bëjnë shumica e zyrtarëve te lartë publikë që unë njoh. Për të mos folur pastaj për një shtëpi pushimi në plazh apo në mal…
Dhe pavarsisht nga çfarë shkruajta më sipër, unë marr pjesë në zgjedhje. Dhe gjithnjë kam qenë partizan i rotacionit të pushtetit…
Për shembull, fushata e Berishës në 2005-ën me moton “Me duar të pastra” nuk më bëri të besoj se do të ndodhte në Shqipëri ajo që kishte ndodhur në fillim të viteve ’90 në Itali, por sidoqoftë, e përkraha publikisht rotacionin e pushtetit. Dhe në fakt, “mamuthi i korrupsionit” Nano, siç e quante atëherë Berisha, nuk përfundoi në burg, por ekonomia shqiptare pati një hov të dukshëm në 4 vjetët e para të qeverisjes së re. Investimet publike arritën pothuaj 9% të PBB-së, nga 4.5% që kishin qenë, ndërsa vëllimi i tregëtisë me pakicë (në sasi, jo në vlerë) puthuaj u dyfishua.
Por në mandatin e dytë të Berishës, uji i ndënjur ka filluar të qelbet. Investimet publike kanë zbritur përsëri në nivelin 4.5% të PBB-së dhe vëllimi i tregëtisë me pakicë është pakësuar 12% në krahasim me qershorin e 2009-ës. Për të mos folur për rënien që ka pësuar Shqipëria në indeksin e demokracisë, të matur çdo vit nga revista britanike “The Economist”.
Aktualisht, PS-ja po akuzon përditë për korrupsion Berishën dhe familjen e tij biologjike e politike, ashtu siç bënte Berisha ndaj Nanos & co. para 2005-ës. Dhe kjo gjë gëzon shumë militantë të PS-së, e ndoshta u jep shpresë se do ta shohin në burg Berishën & co. për milionat e eurove që akuzohen. Por mua s’më ha buza kulaç…
Unë e disa si unë jemi partizanë të rotacionit, sepse mendojmë se ekonomia dhe demokracia përfitojnë nga ndërrimi i herëpashershëm i pushtetit. Qendrimin e gjatë të një partie në pushtet e kemi provuar ne shqiptarët dhe e dimë se ç’pasoja sjell për ekonominë dhe demokracinë…
Ndërsa forcimi i shtetit të së drejtës, i cili është antidoti më efikas kundër korrupsionit, nuk është një gjë që realizohet thjesht me një rotacion pushteti. Vërtet Craxi e Andreotti u dënuan nga drejtësia në vitet ’90 dhe parti të reja u krijuan në Italinë fqinje, por shteti i së drejtës ende s’e ka fituar atje betejën me korrupsionin …
Comments
Qe te futet Berisha ne burg,
<p>Qe te futet Berisha ne burg, ketu duhen futur ne burg te gjithe gjyqtaret dhe prokuroret shqiptare. Per nja dhjete vjet duhet nje task force europiane ne pamjen e EULEX, qe ti arrestoj te gjithe ne mes te nates e ti rras burgjeve. Nuk i ben kujt pershtypje vjedhja e korrupsioni galopant i qeveritareve, sepse per opinionin publik, nuk ka asgje, qe ai te mos e dije se ata vetem vjedhin. Kurioze per publikun eshte vetem shuma qe vjedhin.</p>
i dashur Zaloshnja sa me
<p>i dashur Zaloshnja sa me shume kalon koha aq me shume behet e qarte se "duart e pastra" ishin nje fenomen me baze politike. eshte si ajo puna : u poq molla, nuk ra vet, por dikush e keputi. Po edhe sikur te mos e kepuste Di Pietro, do te binte vete.</p><p>Ketu tek ne nuk behet fjale as per revolucion - aq me pak moralo-legal, as per ndryshime themelore. Ketu behet fjale per nje rotacion, i cili eshte pak a shume si te lyesh shtepine me boje ose ti futesh nje te pastruar te mire, se ndryshe ze krimba. Ne fakt krimbat ketu tek ne jane bere shirita derri...</p><p> </p>
Kush do ta fusë Berishën dhe
<p>Kush do ta fusë Berishën dhe Nanon në burg, një klan që ka rrjepur Tiranën për 10 vjet rresht?</p><p>Duhet më parë një gojë, që të shqiptohet fjala burg. </p>
Askush mos hyfte ne burg,
<p>Askush mos hyfte ne burg, s'ka pse, le ta ngrysin jeten prane familjeve. Ama, pasuria do konfiskuar, do futur ne arken e shtetit dhe te perdoret per sherbime publike. Pasurine tu marre drejtesia e ti leje si i ka bere nena. Eshte denim me i madh ky.</p>
Që të futen në burg të këta
<p>Që të futen në burg të këta kloun të politikis duhet të kemi një drejtësi asnjanëse dhe të ndershëm me prokurorë Halla nuk mund të ndolli një diçka e tillë ndolli një ndryshim në Itali por kishte prokurorë të denjë nga Di Pjero dri tek Falkone e drejtësia jonë i mugojnë të tillë prokurorë</p>
Se cfare shkroi Zaloshnja
<p>Se cfare shkroi Zaloshnja asgje smora vesh. Pasi na beri nje retrospektive te Italise se viteve 90 z. Zaloshnja e pranon qe asnjeri sdo te futet ne burg pavaresisht se politikanet tane jane te korruptuar dhe se i pelqen qe te behet rotacioni i pushteteve sepse sipas tij nje qeveri po te rrije gjate ne pushtet qelb ujin. Por z. Zaloshnja haron se edhe parlamentare te partise se Di Pietros jane denuar per korupsion pavaresisht se Di Pietro nuk ka qene ne qeveri mesa di une. Te vetmen gje qe kuptova ne mos gaboj z. Zaloshnja nuk ka hallin e ujit te qelbur por e do rotacion in qe meqe politikanet ketu tek ne nuk futen ne burg, ata qe z. Zaloshnja do qe te vine ne pushtet le te bejne korupsion sepse nuk do te futen ne burg. Jooooooooooo z. Zaloshnja jemi ngopur me politikane te koruptuar si te pozites dhe te opozites boll me te gjithe ne burg . Hajde shkrim hajde, te vesh duart ne koke dhe ne pretendojme qe gazetaret te jene shembull dhe antikorupsion kur ky thote qe merrni pushtetin ju te nderuar politikane dhe vidhni sa me shume se nuk do te futeni ne burg. Turp te te vije.</p>
O Zaloshnja, perse e do
O Zaloshnja, perse e do rrotacionin apo te hypesh ne vend te atyre zyrtareve qe ti permende, e ata zyrtaret kur ti t,ju zesh vendin te krijojne nje tjeter institut privat, sepse ti do ta mbyllesh e ata nga ai institut do te fillojne e te shkruajne per Ty, sigurisht Jo nga respublika por nga ndonje organ tjeter sepse respublika do te mbyllet pasi muci do ti kete hypur pushtetit. Keshtu mendojne shume kur shohim se ne analizat tuaja nuk flisni kurre per pushtetin 10 vjecar te Edi Rames. Me vjen keq per Ju, per menyren qe keni zgjedhur per te mbajtur familjen.
I dashur anonim, nga komenti
I dashur anonim, nga komenti i juaj kuptoj qe s'e ke ndjekur rregullisht kete faqe, si dhe deklarimet qe kam bere ne studio te ndryshme televizive. Une do te jem opozitar edhe kur Edi Rama te behet kryeminister. Kam qene gjithnje ne opozite me partite qe kane qene ne pushtet dhe gjithnje do te jem partizan i rotacionit politik, kushdo qe te jete ne pushtet. Por, sic kuptohet nga komenti juaj, ju nuk mund ta kuptoni dot sesi dikush mund te mos jete ne sherbim te dikujt...
EDUARD ZALOSHNJA
I dashur Zaloshnja me
I dashur Zaloshnja me pergjigjen ndaj komentit tim por edhe nga studiot qe Ju permendni eshte e qarte se fatkeqesisht une kam te drejte. Qe te me jepni te kuptoj se nuk kam te drejte me jepni nje pergjigje te thjeshte, per pyetjen: a ka bere Edi Rama korrupsion gjate ushtrimit te pushtetit te tij.
nga pyetja qe keni bere,
nga pyetja qe keni bere, duket qe s'keni dashur te lexoni artikullin dhe pergjigjen
Pushteti te prish, te bene
<p>Pushteti te prish, te bene dhe pusht !</p><p>Kur mandati i dyte pushtetor per nga numrat ishte shume delikat u harruan duart e pastra , pasi po te goditeshin leseistat e lerosur binte qeverisja, e keshtu u be nje ujdi (formale a informale nuk e di) qe te dy krahet do te hanin ne te njejten tenxhere...dhe kur ha ne te njejten tenxhere njeri ngutet e tjetri zgjedh thelen me te madhe, e ha e ha me ngut e zulm sa harruan miletin qe ua gatoi...</p><p>Pushteti te prish...por dhe te shpeton nga zullumet...me ca amnistira qe i qendisin sipas telajos se tyre.</p><p>Keni degjuar te jete denuar njeri per korrupsion pasiv apo aktiv ?! E perseris : DENUAR ?!</p><p>Asnje i denuar ! Jane arrestuar, akuzuar plot e perplot te vegjel e te mesem dhe ne perfundim gjykata i nxjerr te pafajshem dhe ministria e financave i zhdemton dhe pushteti i ofron ne poste te tjera.</p><p>Dhe ne kenaqemi vetem me njoftimet ne media se 'u ndaluan a arrestuan' sepse asnje media nuk i ka shkuar ne fund qe a u denuan ?!</p><p>Dhe kur ndrrohen pushtetet, behen si ene komunikuese, akuzo njeri tjetrin sa per miletin, sa per voten...Vini re tani qe sapo nisi fushata, hapin ca deftere te para shume viteve, sikur nuk ishin ketu por erdhen nga shtepia e bardhe, si pushteti dhe opozita...</p><p>Dokrra miq, dokrra !</p><p>Sa mire do ishte qe vetem nje mandat te kishin ! Rotacionet e vazhdueshme minimizojne dicka.<br />Pushtetin e kemi ne dore vete, dhe bejme si te duam nje here ne kater vjete !</p>
Jam shume i paqarte nga ky
<p>Jam shume i paqarte nga ky postim.</p><p>E para, Zaloshnja shpreh se demokracia ka rol te qarte ne zhvillimin ekonomik te nje vendi. Shume dakort deri ketu, u bashkohet shume ekonomisteve qe shohin faktoret institucional si me te rendesishmit ne kete proces. Po kuptohet qe me demokraci nenkuptohen shume mekanizma qe kane ne themel ndalimin e perqendrimit te pushtetit ne pak duar. Si e tille me habit qe Zaloshnja ende dhe sot nuk thote gje fare per sistemin e listave ne duart e kryetareve, per kushtetuten e 2008, apo per faktin qe dy partite tona kryesore jane qartesisht tribu ne kontroll te dy njerezve.</p><p>Duket komplet e pasinqerte te perdoresh faktoret institucional si argument vetem atehere kur i leverdisin njeriut qe ti mbeshtet e ti harrosh fare atehere kur keto faktore jane prove e qarte se dhe ai njeri nuk eshte gje tjeter vetem se nje diktator i shfrenuar.</p><p>E dyta, e di qe Zaloshnja eshte mikroekoomist po nuk mund te bej gabime makro te tilla. Renia e rritjes nga mandati i pare dhe i dyte qenka per faktore institucional??? Vetem nqs zgjohesh sot per here te pare nga nje gjum 5 vjecar dhe nuk e di qe bota eshte ne krizen me te thelle qe nga vitet 30 mund ta thuash nje gje te tille. Dhe per me tej, faktore institucional qe masin rritjen afatgjate e shprehin veten ne periudha te gjata kohore, qe maten me dekada e jo vite. Gati cdo gje ne periudha te shkurtra kohore leviz per shkak te ndryshimeve ne kerkese, dhe jo oferte.</p><p>E treta, mire Nano dhe Berisha ne burg, po ai Rama nuk me duket se ben jete varfanjaku apo jo?</p>
Albi, ti je i paqarte nga ky
<p>Albi, ti je i paqarte nga ky postim, sepse ke njohuri te percipta per koncepte si demokracia dhe intsitucionet e shtetit te se drejtes, apo per makroekonomine.</p><p>Demokracia eshte nje sistem ku mekanizmi per nderrimin e pushtetit nuk eshte forca e armeve apo trashegimia, por vota e popullit. Demokracia krijon mundesine per nderrimin e pushtetit me vote, por nuk garanton institucione te shendosha te shtetit te se drejtes. Honk Kongu nuk zgjodhi qeverisesit me vote per 200 vjet, por eshte shquar per institucione pothuaj perfekte te shtetit te se drejtes. Italia qe ka marre si shembull z.Zaloshnja, ka patur nderrime te shpeshta te qeverisesve me vote, qe nga renia e fashizmit, por nuk shquhet per institucione te shendosha te shtetit te se drejtes. (lexo Fahreed Zakarian, per me shume rreth kesaj teme).</p><p>Dy fjale per makroekonomine: pergjysmimi i peshes se investimeve publike ndaj GDP nuk ka ardhur prej krizes europiane. Kjo e fundit mund te ndikoje ne uljen e GDP (pra ne emeruesin e treguesit te mesiperm), por jo ne vendimin qe ben qeveria se sa para te alokoje ne buxhet per investimet dhe sa per te fryre shpenzimet korrente. Te njejten gje bene edhe socialistet dikur; fillimisht alokuan me shume fonde buxhetore per investimet publike dhe ne fund te mandatit te dyte u fokusun ne shpenzimet korrente, te cilat kenaqin nje mase me te gjere votuesish ne afate te shkurtra... Ardhja ne pushtet e opozites ka gjasa te medha te riktheje fokusin te investimet publike, qe jane mjeti me efikas ne doren e nje qeverie per te nxitur rritjen ekonomike afatgjate.</p>
Hmmm, me mire t'ia leme te
<p>Hmmm, me mire t'ia leme te tjereve te gjykojne se kush merr vesh nga cila fushe e kush jo. </p><p>- Institucionet. Argumenti qe sjell ti mbi HK, ne fakt eshte ne favorin tim e jo tendin. Pra ti permend nje rast ku megjithese nuk ka rotacion perseri ka patur institucione te forta dhe rritje te madhe ekonomike. Pra me pak fjale, HK konfirmon qe institucionet e forta kerkojne me shume se sa thjesht nje rotacion politik. Ne rastin ne fjale sistemi gjyqesor dhe administrativ britanik siguronte nje fushe te barabarte per te gjithe e jo perpqendrim pushteti ne pak duar. </p><p>p.s1 Teknikisht gjithsesi ti gabohesh per HK, sepse mund te mos kete patur rotacion por guvernatori i tij miratohej nga nje shtet si Britani qe rotacion kryen shpesh. </p><p>p.s2 Te lutem tani mos na permend gazetaruc si puna e Zakarias. Ne po flasim per studime akademike e jo dike qe edhe diplomen e tij e ka te kopjuar. Nese do te kuptosh per keto gjera mire eshte te dish ca jane regresionet ekonometrike e te fillosh te lexosh teorite e rritjes ekonomike nga Solow te Douglas North etj. </p><p>-Makroekonomia. Besoj qe qe te dy jemi dakort qe renia e ritmit te rritjes ekonomike nga 7-8% deri ne 2-3% nuk ka ardhur per shkak te institucioneve po per shkak te nje krize boterore. Dakort deri ketu? Tani cfare ndodh kur ka renie te ritmit? Mbi te gjitha ka rritje papunesie, kerkese me te medha per asistence e sherbime sociale etj, gje qe rrit shpenzimet korrente, qe ndodhin automatikisht. Kemi dhe rritje te borxhit sepse bie GDP dhe te ardhurat nga taksat. Ne keto kushte vende si Shqiperia jane nen presion te madh te kontrollojne borxhin sepse ekonomistet nuk besojne se gezojne te njejtin besim nga tregjet si vendet e zhvilluara ku edhe nivele te larta nuk shkaktojne probleme. </p><p>Sinqerisht beson se ka qeveri qe 6 muaj para zgjedhjeve nuk do te donte te investonte pafund neper rruge e kanalizime, nje nga menyrat me te sigurta per te blere vota?</p><p>Dhe dicka tjeter, investimet publike nuk jane determinanti kryesor i rritjes. Kjo ishte nje ide e keqperur nga teorite keynesiane. Sot keynesianismi eshte shume me i modifikuar. Ndryshe do perfundonim si Greqia, me Metro, trena te shpejtesise se larte ...... dhe kolaps ekonomik. </p>
albi, ti dukesh se ke lexuar
<p>albi, ti dukesh se ke lexuar nja dy-tre libra, por problemi eshte se nuk dike te kuptosh mire ate qe lexon. nga komentet e tua dukesh qe nuk ke kuptuar mire as cfare ka shkruar zaloshnja e as cfare kam shkruar une. cfaredo libri te lexosh mbi demokracine dhe shtetin e se drejtes, nje mesim do te marresh: demokracia eshte nje mekanizem per nderrimin e pushtetit me vote dhe jo me shpata, ndersa shteti i se drejtes bazohet ne institucione qe mund te jene te shendetshme edhe ne qofte se demokracia nuk eshte mekanizmi i nderrimit te pushtetit (te kujton gje Mark Aureli?)</p><p>Per makroekonomine: si keinsianistet edhe haiekistet pranojne se investimet publike jane mjeti me efikas qe nje qeveri ka ne duart e saj per te ndihmuar rritjen afatgjate te ekonomise. shpenzimet korrente kane efekt pozitiv afatshkurter (para zgjedhjeve per shembull), efekt negativ afatgjate (sipas haikisteve)</p><p> </p>
o zaloshnje po me nanon (jo
<p>o zaloshnje po me nanon (jo se nuk e meriton burgun) ca ke? ai ca do te kete bere i jan parashkruar krimet, meru me salen e me edin, apo edi eshte ai burri i ndershem me 3000 euro harrova un.</p><p>hajde denojme kundershtaret quhet kjo qe thua ti, jo drejtesi</p>
Dale mor burrë se duhen edhe
<p>Dale mor burrë se duhen edhe nja 17 vite që të plotësohen 40 vite si Italia, pastaj Shqipërise si vend i vogël shtoi dhe nja dhjetë vjet që të arrijë pjekurinë e duhur korrupsiçka e të bëhet Korrupsion si në Itali. Dmth duhen edhe 27 vite për të futur në burg korrupsionerët.</p>
Fatkeqsisht, te gjithe e dime
Fatkeqsisht, te gjithe e dime qe edhe sikur te ndodhe rotacioni politik, asnjeri nuk do futet ne burg. Kshu ka ndodhur gjithe kto vite e kshu do vazhdoje. Prandaj jemi ne kte batak. Sidoqofte rotacioni ktu ne Shqiperi eshte i domosdoshem, se ne shqiptaret zeme rrenje ne cdo pozicion ku jemi (edhe drejtori i shkolles se mesme nuk iken per 100 vjet).
O Zaloshnja, perse e do
O Zaloshnja, perse e do rrotacionin apo te hypesh ne vend te atyre zyrtareve qe ti permende, e ata zyrtaret kur ti t,ju zesh vendin te krijojne nje tjeter institut privat, sepse ti do ta mbyllesh e ata nga ai institut do te fillojne e te shkruajne per Ty, sigurisht Jo nga respublika por nga ndonje organ tjeter sepse respublika do te mbyllet pasi muci do ti kete hypur pushtetit. Keshtu mendojne shume kur shohim se ne analizat tuaja nuk flisni kurre per pushtetin 10 vjecar te Edi Rames. Me vjen keq per Ju, per menyren qe keni zgjedhur per te mbajtur familjen.
I dashur anonim, nga komenti
I dashur anonim, nga komenti i juaj kuptoj qe s'e ke ndjekur rregullisht kete faqe, si dhe deklarimet qe kam bere ne studio te ndryshme televizive. Une do te jem opozitar edhe kur Edi Rama te behet kryeminister. Kam qene gjithnje ne opozite me partite qe kane qene ne pushtet dhe gjithnje do te jem partizan i rotacionit politik, kushdo qe te jete ne pushtet. Por, sic kuptohet nga komenti juaj, ju nuk mund ta kuptoni dot sesi dikush mund te mos jete ne sherbim te dikujt...
EDUARD ZALOSHNJA
Add new comment