Një studente egjiptiane provokon me blogun e vet

Është egjiptiane, studente, njëzet vjeç. Quhet Aliaa Magda el Mahadi, dhe e konsideron veten liberale, laike, feministe, vegjetariane, individualiste. Dhe ka ca kohë që është shndërruar në një vip me përmasa nacionale. Pse? Sepse në blog-un personal ka postuar foto nudo të vetat. Janë më tepër se sa 100 mijë vetë ata që kanë klikuar në blogun e saj dhe kanë parë fotot “e turpshme”. Janë tetë foto të vajzës që studjon në Universitetin Amerikan të Kajros, që janë postuar me diciturën “ Arti cullak”. “Këto foto janë shkrepje të mijat të bëra në shtëpinë e prindërve”, thotë ajo.

Ka një llogari në facebook e në twitter, dhe nëpërmjet këtyre llogarive përcjell herë pas here mesazhet që do në mbrojtje të asaj që ka bërë, por edhe për çështje të tejra. “Fotot e mija janë një britmë kundër kësaj shoqërie të dhunshme, raciste, hipokrite e maskiliste”, thotë. Komentet janë të shumta. Ka që e quajnë provokatore, naive, kurajoze, të padjallëzuar, revolucionare. Por ka të tjerë që e dënojnë si gjest, që e quajnë budallallëk, e që - kështu mendojnë ca e  ca – gjeste të tilla dëmtojnë dhe kauzën e laikëve dhe të liberalëve në një Egjipt, ku po fiton gjithnjë e më shumë terren interpretimi rigjid i islamit e ku po shtohen gratë që veshin niqab.

Re.Pu.