Veprimtarët e Vetvendosjes shenjestrojnë me domate zyrtarët e BE-së

Sot, veprimtarë të Vetvendosjes kanë qëlluar me domate anëtarët e delegacionit të BE-së, që ishin në Prishtinë, gjë që ishte krejt e papritur për këta të fundit. Pamjet filmike i treguan duke dalë nga zyrat e qeverisë së Kosovës, dhe teksa zbrisnin shkallët u ndodhën “nën agresionin” e domateve që hidheshin nga përtej gardhit rrethues prej djemsh të rinj të lëvizjes Vetvendosja në shenjë pakënaqësie ndaj qëndrimit që mbahet lidhur me marrëdhëniet Kosovë-Serbi.

“Unë vetëm mund të shpreh tmerrin tim për atë për që ka ndodhur në mëngjesin e sotëm”, tha në një deklaratë të mëvonshme përfaqësuesi special i BE-së në Kosovë, Samuel Zhbogar (fotoja është e tij), duke e tepruar disi me termat. Në fakt, ish një skenë jo fort e lezetshme, por nuk kish ndonjë gjë tmerruese.Me sa duket, veprimtarët e Vetvendosjes kanë rivendikuar autorësinë e gjestit, dhe kjo gjë e ka shqetësuar më së shumti Zhbogarin. Vetvendosja është një lëvizje e përfaqësuar në parlamentin e Kosovës. “Kjo sjellje nuk mund të jetë alternativë e suksesshme”, nënvizoi Zhbogari, por pa u shtyrë në etiketime.Re.Pu.