Arta Dobroshi merr pjesë në Cannes; edhe nëse s’fiton, ajo ‘fitoren e ka në xhep’

Arta Dobroshi është e para aktore shqiptare që merr pjesë në garën e festivalit të famshëm në Cannes (Kanë). Është aty për filmin Trois Mondes (Tre Botët), tok me partnerët e kolegët Raphaël Personnaz e Clotilde Hesme. Arta ka famën e vet në kinemanë europiane, por qysh pardje është bërë edhe më e famshme për një fakt jo kinematografik. Teksa po pozonte për fotografët e shumtë, ajo përjetoi një moment alla Marylin Monroe. Ishte një gjë pa precedent edhe për vetë Cannes-n, ku në fakt çfarë s’ka ndodhur në harkun e shumë viteve për kënaqësinë e fotografëve.

Frynte erë, dhe krejt papritur fundi i saj u ngrit i tëri, duke zbuluar shumë më tepër se sa fotografët prisnin e shumë më tepër se sa ajo do donte. Një numër njerëzish që e kanë komentuar atë situatë, kanë qenë të bindur se e gjitha ishte një lojë e paramenduar e saj, por sipas versionit online të tabloidit Daily Mail, gjithçka ndodhi pa dëshirën e saj. Kur ajo u ftillua, zuri të të vinte në punë duart për të mbuluar ç’të mundte (pa ia dalë dot), dhe u skuq e tëra në fytyrë.

Në fakt, duket pak e çuditshme që ajo të mos kuptonte se ç’po ndodhte. Të shumtat e fotove e tregojnë atë krahëhapur, teksa era e fortë po luante ‘dhunshëm’ me fundin e saj në ngjyrë të kaltër.

E.G