Ku janë katolikët e moderuar?
“Ku janë muslimanët e moderuar?” ka qenë pyetja që kemi dëgjuar shpeshherë pas ndonjë proteste të dhunshme në botë të muslimanëve të indinjuar, si psh. me rastin e karikaturave të Profetit Muhamed a.s. (paqja qoftë mbi të), apo me filmin e fundit ofendues ndaj tij. Sigurisht që organizatat mainstream muslimane në Perëndim kanë dënuar çdo shfaqje ekstremizmi nga muslimanët dhe kanë bërë thirrje për vetëpërmbajtje dhe qetësi në frymën e mësimeve të Profetit Muhamed. Problemi në shumë raste qëndron tek mos-mbulimi mediatik i reagimeve të organizatave kryesore muslimane, dhe mbulimi me tepricë i akteve ekstremiste, edhe kur ato kryen nga grupe të vogla e margjinale që nuk përfaqësojnë shumicën dërrmuese të besimtarëve muslimanë në botë.
Në rastin e Shqipërisë, ka pasur herë pas here deklarata apo shkrime në media nga disa shqiptarë muslimanë të cilët kanë ofenduar shqiptarët e besimeve të tjera, ose, në një mënyrë a tjetrën, kanë shfaqur mungesë tolerance fetare. Një rast i tillë është deklarata e para disa kohëve nga një grup margjinal i quajtur Forumi i të Rinjve Muslimanë me qendër në Kosovë e cila thoshte: Kete dite te Xhuma, ne i apelojme te gjithe vellezerve tane muslimane, qe te dalim dhe protestojme ne Shkup kunder islamofobise ortodokse dhe katolike. I apelojme vellezerve tane muslimane qe nga Dibra e deri ne Shkup qe diten e Xhuma te dalin te protestojne me flamuj turq, te Arabise Saudite, Jemenit, Libise, Amerikes, dhe te gjithe vendeve muslimane. Ne proteste duhet t’i kerkojme Turqise qe te nderhyje ne Maqedoni dhe t’i shpetoje muslimanet shqiptare nga persekutimi katolik dhe ortodoks.
Kjo deklaratë e dënua menjëherë nga forumi musliman Ezani i Naltë të cilët u shprehën: Ngjarjet e kohëve të fundit në Maqedoni kanë ngjallur reagimet e myslimanëve në gjithë Ballkanin, përfshi të një farë Forumi i të Rinjve Muslimanë në Pejë të Kosovës. Teksa shumica e këtyre reagimeve kanë shprehur indinjatën xhenuine të myslimanëve me politikat e Shkupit si dhe me reagimet e Tiranës dhe Prishtinës, reagime si këto të këtij Forumi, në të kundërt, reflektojnë idiosinkrocinë shqetësuese që dëgjohet nganjëherë në bashkësinë tonë. Të tilla reagime, jo që nuk shprehin mbështetje për shqiptarët në Maqedoni, por në të kundërt mbështesin retorikën e islamofobëve maqedonas dhe atyre shqiptarë.
Gjithashtu, unë personalisht, në funksionin e atëhershëm të zëvendës-sekretarit të Qendrës Islame Shqiptaro-Amerikane të Nju Jorkut dhe Nju Xhersit, e dënova këtë lloj retorike në një shkrim të botuar tek gazeta shqiptaro-amerikane Illyria në datën 15 Maj, 2012, ku mes të tjerash thashë: “Forumi i të Rinjve Muslimanë është një organizatë fare e vogël në Kosovë e cila me të tilla deklarata duket se është e destinuar të margjinalizohet edhe më tej deri në harresë.”
E pranova këtë ekspozim të bezdisshëm publik për shkak se e ndjeva si detyrim distancimin dhe dënimin e kësaj retorike, pikërisht sepse ajo vinte nga një pjesë, sado e vogël, e komunitetit tim fetar. Është bindja ime personale dhe fetare se retorika e urrejtjes apo përçarjes fetare mes shqiptarëve të feve të ndryshme është krejtësisht e papranueshme dhe s’ka vend mes nesh.
Në të njëjtën frymë, edhe një imam kosovar, Shefqet Krasniqi, kërkoi ndjesë për komente fyese të bëra ndaj Nënë Terezës dhe forume muslimane mbajtën qëndrim ndaj fjalëve të tij.
Ndërkohë ama, ndërsa deklarata të tilla nga grupe muslimane marrin goxha mbulim mediatik dhe dënohen në shkallë të gjerë nga mediat dhe aktorët publikë shqiptarë, është jo e para herë që deklarata të ngjashme urrejtje-nxitëse apo intolerante bëhen nga gazetarë, analistë, apo edhe zyrtarë katolikë në dëm të komunitetit musliman. Ajo që bie në sy është se jo vetëm që nuk ka ndonjë dënim apo distancim prej këtyre deklaratave nga mediat shqiptare apo autoritetet katolike, por janë vetë mediat që i botojnë këto deklarata si të ishin krejt normale dhe mëse të pranueshme.
Dy shembujt më të freskët të këtij fenomeni janë deklarata e Dom Shan Zefit dhënë gazetës Express në Kosovë dhe shkrimi i Ardian Ndrecës me titull Deliri i Ndëshkimit i botuar tek Gazeta Mapo në Tiranë. Dom Shan Zefi, Kancelari i Ipeshkvisë Katolike të Kosovës, raportohet se në përgjigje ndaj tezës së shkrimtarit Kim Mehmeti se Islamizmi e ka ruajtuar shqiptarinë, ka thënë: “Shqiptarinë nuk e ka shpëtuar islamizmi, por është Kisha Katolike ajo që ka mbajtur gjallë fijet e shqiptarisë”
Sipas tij, është islamizmi, konkretisht Perandoria Osmane, që ka shkatërruar gjithë trashëgiminë materiale, kulturore dhe shpirtërore të shqiptarëve.
“Ky është një fakt historik që nuk mund ta mohojë askush”, shtoi ai, të hënën.
Ardian Ndreca, kryredaktor i revistës katolike “Hylli i Dritës”, mes të tjerash thotë në shkrimin e tij: “Edhe pse kontakti gjeografik me Turqinë mungon, mes nesh endet si nji shpirt i keq gërmadhash nji frymë që s’asht tjetër veçse gërbula që na ka lanë barbaria otomane. Ka 100 vjet që e tërheqim zvarrë mbas nesh ketë hije të zezë ase kufomë që na e qelb rrugën, tue shpresue gjithnji që të shkundet ma në fund prej jermit të etheve të liga, por më kot. “ dhe me pas: “Vetë lutjet në arabisht janë tregues i nji unjisimi shpirtnor me nji botë që gjithnji e ma tepër po shkatrron indin e shqiptarizmës.” Sipas kryeredaktorit të “Hylli i Dritës” Islami “endet si nji shpirt i keq gërmadhash.”
Prita me ditë të tëra të shihja ndonjë distancim apo dënim të këtyre deklaratave të turpshme e të papranueshme nga autoritetet katolike shqiptare apo mediat dhe shoqëria civile, por më kot. Vendosa t’i shkruaj një letër ankese liderëve katolikë rreth kësaj pune dhe e nisa letrën time në adresë të Nuncit Apostolik të Vatikanit në Tiranë, imzot Ramiro Moliner Ingles, Ndihmës Peshkopit të Ipeshkvisë Tiranë-Durrës, imzot George Frendo, dhe Zëdhënësit të Konferencës Ipeshkvore Katolike të Shqipërisë Dom Gergj Meta. Mes të tjerash në letrën time u shpreha zotërinjve se:
Si besimtarë muslimanë shqiptarë, une dhe rrethi im familjar e shoqeror ndihemi thellesisht te shqetesuar nga te tilla deklarata e qendrime zyrtare apo gjysem-zyrtare te ketyre figurave te larta katolike. Une jam i bindur qe ato nuk perfaqesojne qendrimin zyrtar te Vatikanit dhe per kete ju lutem qe te distancoheni publikisht prej ketyre deklaratave dhe te sqaroni pozicionin zyrtar te Vatikanit kundrejt shqiptareve muslimane dhe trashegimise se tyre islame.
Imzot George Frendo m’u përgjigj dhe për këtë e falënderoj. Përgjigja e tij është si më poshtë:
I dashur zoti Taraj,
Kuptoj shume mire shqetesimet tuaja. Fjale te tilla nuk kontribuojne per nje dialog konstruktiv mes katolikeve dhe muslimaneve, madje cenojne marredheniet e mira qe gjithmone kane egzistuar mes nesh.
Megjithate fjala te tilla nuk perfaqesojne fare pozicionin as te Vatikanit, as te hierarkise katolike ne Shqiperi. Vete kam pasur rast te flas per marredheniet pozitive mes katolikeve dhe muslimaneve ne nje takim nderfetar ne Parlamentin Europian ne Strasburg, kam dhene nje ligjerate mbi lutjen ne Kuran, dhe perseri do te flas per marredheniet tona me muslimanet ne Londer me 1 maj.
Ne te kaluar jane botuar artikuj nga muslimane qe na kane fyer, megjithate i kemi injoruar duke qene te bindur qe nuk perfaqesonin drejtuesit muslimane ne Shqiperi. Prandaj me mire te injorojme shkrime te tilla. Jemi shume te lumtur per faktin se lideret e besimeve te ndryshme ne Shqiperi tregojne nje pergjegjesi te madhe per ta ruajne marredhenien e mire mes nesh.
Te pershendes perzemersisht.
mons.
George Frendo
Kjo përgjigje dhe ky qëndrim është i mirëpritur dhe angazhimi i z. Frendo për ruajtjen dhe përmirësimin e marrëdhënieve ndërfetare në Shqipëri duhet vlerësuar. Më duhet të shtoj, gjithsesi, atë që shkrova në përgjigjen dërguar imzot Frendos se “e kuptoj sugjerimin tuaj qe ne raste te tilla eshte me mire qe komente te tilla te pahijshme te injorohen. Kjo eshte vertet menyra me e mire per te reaguar kur kemi te bejme me analiste apo gazetare. Por eshte pak e veshtire te aplikohet ky parim kur komentet shqetesuese vijne nga njerez qe deri diku jane zyrtare te larte katolike. Dom Shan Zefi psh eshte kancelari i Ipeshkvise se Kosoves, pra zedhenesi i institucionit me te larte katolik atje. Si mund te injorohen fjalet e tij aq kollaj? E kuptoj qe Kosova nuk eshte ne juridiksionin tuaj, por duke qene se Vatikani akoma nuk e njeh Kosoven, shpresojme ta njohe se shpejti, ne na mbetet te adresohemi tek ju dhe tek selia e Vatikanit ne Tirane.
Gjithashtu z Ardian Ndreca, i cili ishte edhe me i ashper ne gjuhen e tij, eshte kryeredaktori i gazetes “Hylli i Drites”. A nuk eshte kjo nje gazete zyrtare katolike dhe a nuk e ben kjo gje Ndrecen nje zyrtar katolik i cili nuk mund te injorohet lehte?”
Më vjen mirë që imzot George Frendo me të drejtë thotë se deklarata të tilla si ato të Dom Shan Zefit dhe Ardian Ndrecës nuk përfaqësojnë qëndrimin zyrtar të Kishës Katolike në Shqipëri apo Vatikanit, dhe se deklarata të tilla duhen injoruar. Mirëpo ndjej se duhen shumë më tepër zëra të moderuar katolikë shqiptarë, si ai i z. Frendo, në mënyrë që diskursi publik katolik shqiptar të mos ngelë peng e disa ekstremistëve. Këto qëndrime nuk mjaftojnë të shprehen në konferenca të dialogut ndërfetar apo letërkëmbime, por duhet të bëhen publike dhe ti tregojnë muslimanëve, katolikëve apo dhe njerëzve pa besim se kush është qëndrimi i liderëve fetarë. Gjithashtu ndjej se mediat shqiptare po ashtu duhet ta ndjekin këshillën e tij dhe ose t’i injorojnë këto shkrime, ose të distancohen prej tyre. Ato duhet ta kuptojnë se standartet e dyfishta bien në sy kollaj, dhe gjuha ekstremiste që promovojnë nuk i shërben aspak harmonisë fetare në Shqipëri apo Kosovë.
Comments
Ja se ku na shpie feja, ne
<p>Ja se ku na shpie feja, ne perçarje, ne armiqesi, ne vellavrasje - pikerisht çka deshirojne fqinjet tane armiqesore! Me pak fjale kush ndjek fene eshte bashke pak inteligjent dhe shume pak shqiptar!</p>
Shkrimi me sherbeu vetem per
<p><span style="font-family: 'lucida grande', tahoma, verdana, arial, sans-serif; font-size: 11px; line-height: 14px; background-color: rgb(237, 239, 244);">Shkrimi me sherbeu vetem per te kuptuar qe Kim Mehmeti paska pjerdhur. Nuk eshte cenim i bashkejeteses fetare te thuash qe 500 vitet e pushtimit turk na rrenuan, na shkeputen nga pjesa e botes se ciles natyralisht i perkasim, e per rrjedhoje jemi akoma ketu ku jemi. E nese, sipas Kimit (e paskan per emer keta; akoma s'po gjej nje Kim ne rregull nga trute), ishte islami ai qe e mbrojti Shqiperine, si shpjegohet qe vende qe kane qene njeheresh me ne nen pushtimin osman, por nuk e shiten fene e tyre, sot jane vite drite perpara nesh?!</span></p>
Dom Gjergj, Armir Taraj po
<p> </p><p>Dom Gjergj, Armir Taraj po citon Dom Shan Zefin ketu:</p><p> " <em>Sipas tij, është islamizmi, konkretisht Perandoria Osmane, që ka shkatërruar gjithë trashëgiminë materiale, kulturore dhe shpirtërore të shqiptarëve".</em></p><p><i>Shihet shume qarte se barazimin 100% te fese islame me osmanet e ka bere Dom Shan Zefi dhe ky nuk eshte i vetmi, as i pari. Nuk eshte Armir Taraj pra qe po ben ngaterrime e barazime te Islamit me osmanet. Te tjeret i bien daulles se osmaneve, dhe nuk eshte faji i Armirit pse kercen sipas ketij ritmi</i></p><p><em>Shan Zefi ka dale e ka thene haptas se Islami qenka shkaterrues i vlerave te shqiptareve, dhe eshte papergjegjesi te mbrohet ai. Shan Zefi duhet te kerkonte falje. Ne cdo vend do kishte qene skandal kur nje klerik i larte sulmon keshtu nje fe tjeter, kurse servilet e hipokritet ne Kosove e Shqiperi prodhojne skandale nga hici dhe merren me nje shkrimtar si Kim Mehmeti, </em><em>meqe ky paska thene se shqiptarine e Shkupit (pra jo te Mirdites, as te Beratit) e ka mbrojtur Islami nga shovinistet maqedonas. Sa per kujtese, Kim Mehmeti nuk eshte as klerik, as politikan, por thjesht</em><em>nje shkrimtar. Ka shume hipokrizi ne keto pune. </em></p>
Gjithsesi, nuk jam dakort me
<p>Gjithsesi, nuk jam dakort me vleresimin zemergjere qe i beni fjaleve te Ndreces. Eshte Ndreca ai qe po e barazon islamin me Turqine, e jo une. Ndreca thote: <em>Edhe pse kontakti gjeografik me Turqinë mungon, mes nesh endet si nji shpirt i keq gërmadhash nji frymë që s’asht tjetër veçse gërbula që na ka lanë barbaria otomane. Ka 100 vjet që e tërheqim zvarrë mbas nesh ketë hije të zezë ase kufomë që na e qelb rrugën, tue shpresue gjithnji që të shkundet ma në fund prej jermit të etheve të liga, por më kot.</em> “</p><p>Ndoshta me "nji shpirt i keq germadhash nji fryme qe s'asht tjeter vecse gerbula qe na ka lane barbaria otomane" Ndreca kerkon te tregoje me gisht dicka tjeter qe na kane lene turqit pervec Islamit, dicka kaq te keqe qe e shtetesoka Ndrecen kaq shume dhe i sillka te tilla emocione. Nuk e di c'ka pas ai ne mendje, ndoshta ai mundet te na sqaroje. Une dhe ata me te cilet e kam diskutuar kete shkrim, e kemi interpretuar kete reference te Ndreces si nje sulm dashakeqes ndaj Islamit.</p><p>Kjo reference behet dhe me e qarte me poshte ne tekstin e Ndreces, ku ai tashme thote: “<em>Vetë lutjet në arabisht janë tregues i nji unjisimi shpirtnor me nji botë që gjithnji e ma tepër po shkatrron indin e shqiptarizmës."</em></p><p><span style="font-size: 1.2em; line-height: 1.7em;">Ketu Ndreca nuk po merret më me turqit e otomanet, por me lutjet tona ne arabisht, qe per Ndrecen qenkan nje tregues se ne po e humbasim shqiptarizmen e po u bekemi nje me arabet, apo me ndonje entitet pa kombesi qe shkaterroka indin e shqiptarizmes. </span></p><p><span style="font-size: 1.2em; line-height: 1.7em;">Ndoshta ata qe e njohin Ndrecen me nga afer, sic e njihni ju me siguri, kane aq background mbi te sa t'ia marrin per hicgje te tilla fjale, (ndoshta ai kur shkruan ka qef ta ktheje ndonje gote a dy e s'i ka me te keqe keto qe thote, ku di une) por une zoteri nuk mund te jem aq zemergjere ndaj retorikes se tij, e cila eshte percarese, thellesisht ofenduese, dhe teper e demshme per kombin shqiptar. </span></p><p><span style="font-size: 1.2em; line-height: 1.7em;">Me respekt,</span></p><p><span style="font-size: 1.2em; line-height: 1.7em;">Armiri</span></p>
1-"...shkrimtarit Kim Mehmeti
<p>1-<strong>"...shkrimtarit Kim Mehmeti se Islamizmi e ka ruajtuar shqiptarinë.."</strong></p><p>2-<strong>Dom Shan Zefi, Kancelari i Ipeshkvisë Katolike të Kosovës,</strong> raportohet se në përgjigje ndaj tezës së shkrimtarit Kim Mehmeti se Islamizmi e ka ruajtuar shqiptarinë, <strong>ka thënë: <em>“Shqiptarinë nuk e ka shpëtuar islamizmi, por është Kisha Katolike ajo që ka mbajtur gjallë fijet e shqiptarisë”.</em></strong></p><p>Kim Mehmeti ka shprehe mendimin e vet dhe Dom Shan Zefi ka shpreh mendimin e vet. Ku asht problemi? A duhet qe pa tjeter te kene te dy te njajtin mendim/pikpamje?</p><p>3-"<strong>Ardian Ndreca</strong>, kryredaktor i revistës katolike “Hylli i Dritës”, mes të tjerash thotë në shkrimin e tij: “<em>Edhe pse<strong> kontakti gjeografik me Turqinë mungon</strong>, mes nesh endet si nji shpirt i keq gërmadhash nji frymë që s’asht tjetër veçse gërbula që na ka lanë barbaria otomane. Ka 100 vjet që e tërheqim zvarrë mbas nesh ketë hije të zezë ase kufomë që na e qelb rrugën, tue shpresue gjithnji që të shkundet ma në fund prej jermit të etheve të liga, por më kot.</em> “ dhe me pas: “<em>Vetë lutjet në arabisht janë tregues i nji unjisimi shpirtnor me nji botë që gjithnji e ma tepër po shkatrron indin e shqiptarizmës.</em>”</p><p>4-<strong>Armir Taraj</strong> thote: Sipas kryeredaktorit të “Hylli i Dritës” <strong>Islami</strong> “<em>endet si nji shpirt i keq gërmadhash</em>.”</p><p>Pse a identifikon z.Armir Taraj <strong>Turqine</strong> = me <strong>Islamin</strong>? Don me thane kur thona Turqi a duhet te nenkuptojme Islam, apo kur thona Islam na duhet te nenkuptojme Turqi? Atehere shqiptart qe festuen 100 vjetorin e shpalljes se pamvarsise me 12 nandor 1912 ne Vlore a u pamvarsuen nga Turqia apo u pamvarsuen nga Islami? </p><p>Zotni Armir Taraj ju nuk i keni te qarta idete per te cilat shkrueni.</p><p> </p><p> </p><p> </p>
Z. Armir Taraj, Shkrimi juaj
<p>Z. Armir Taraj,</p><p>Shkrimi juaj kerkon te ngaterroj kekun me byrekun. Edhe pse websajti i poetit Ervin Hatibi dhe ju ne vecanti kerkoni te ndaheni nga Turqia dhe otomanizmi e te luani muslimanet e mire, qe e kane mire me regjimit, mendoj qe jeni gabim qe i kerkoni z. Meta qe te distancohet nga shkrimet e Ardian Ndreces. Katoliket ne Shqiperi kane vuajtur njesoj si nga islamizmi ashtu edhe nga turqinizmi, te cilat ishin te dyja njesoj.</p><p>Per kete arsye mendoj se perpara se te merreni me katoliket, ju beni mire qe te rishikoni edhe njehere pikat tuaja te referimit, e jo me qe te denonconi disa njerez ne mesin tuaj, e me pas te vendosni piketat per komunitetet e tjera.</p>
ti Armir Taraj nuk dukesh
<p> </p><div class="_kso fsm direction_ltr" data-jsid="message" style="direction: ltr; font-size: 11px; margin-bottom: 3px; white-space: pre-wrap; word-wrap: break-word; font-family: 'lucida grande', tahoma, verdana, arial, sans-serif; line-height: 14px;">ti Armir Taraj nuk dukesh si musliman</div><div class="_kso fsm direction_ltr" data-jsid="message" style="direction: ltr; font-size: 11px; margin-bottom: 3px; white-space: pre-wrap; word-wrap: break-word; font-family: 'lucida grande', tahoma, verdana, arial, sans-serif; line-height: 14px;">e je njeri i dyshimte qe nuk perfaqeson komunitetin tone</div>
Eh mor Armir, ju jeni mbetje
Eh mor Armir, ju jeni mbetje osmane ne Ballkan e vetem keshtu mund te reagoni. Do te ishte mire te ikni ne Arabi pse tek ne po humbisni kohe.
Rrumi, nqs jemi mbetje
Rrumi, nqs jemi mbetje osmane, a nuk do ishte me mire te na sugjeroje te iknim ne Turqi e jo ne Arabi?
Rumi nuk merr vesh nga keto
<p>Rumi nuk merr vesh nga keto pune, sepse per vete eshte mbetje fashiste, tipike per turmat me kompleks inferioriteti, dhe te tillet jane gjithmone pastarde pa atdhe, qe vjellin vec urrejtje dhe psikopati shoqerore.</p>
Zoti Armir e dini si ndihet
<p>Zoti Armir e dini si ndihet një copë mish i huaj në trupin e njeriut e pra e tillë është edhe feja myslimane tek raca jonë</p>
Ku jane katoliket e moderuar?
<p>Ku jane katoliket e moderuar? Ketu shtrohet kjo pyetje edhe Rrumi i cili perfaqeson nje mentalitet mesjetare me kryqa te nalta qe te na pengojne te shohim diellin. Ky mentalitet i felliqte qe s'ka te bajne hic me miqte dhe shoket tone katolik te cilet vendosin objektivitetin para subjektivitetit dhe ndasise. Kjo fare e inkuizicionit spanjolle qe kerkon me na cu ne Arabi e Turqi sepse nuk biem dakord dhe nuk do biem dakord me kete fryme e cila gjane me te shtrenjte qe kena e shikon si "<em style="color: rgb(0, 0, 0); font-family: Arial, Verdana, Helvetica; font-size: 13px; line-height: 22px; ">nji shpirt i keq gërmadhash nji frymë që s’asht tjetër veçse gërbula".</em>Nje gje duhet te dihet se keto debate po hapen sepse islami po riperhapet dhe rinderton ate qe kane shkaterruar rregjimet e meperparshme. Kjo i ka prish shpresat e asaj fare inkuizicionare te cilen vete Oksidenti e ka refuzu. "O me jepo liri o me jep vdekje" nuk ikimi prej i tyne vendeve sepse ity kane lind dem baba dem parardhesit tone si Jakup Shpata me shoke para Turkut.</p>
Leonardo ti edhe emrin e ke
<p>Leonardo ti edhe emrin e ke te huaj mor merhum :) </p>
Nje gje po me ben pershtypje
<p>Nje gje po me ben pershtypje ne gjithe kete debat fetare ketu. Katoliket jane burra dhe nuk e tradhetojne njeri tjetrin, edhe kur jane gabim. Ndersa keta punetoret e faqes e-zani qe drejtohet nga Ervin Hatibi, jane gati te varrosin muslimanet e tyre vetem qe ti bejne qejfin disa njerezve me pushtet ne Shqiperi. </p><p>Per katoliket sikur Dom Meta, kerkesa dhe insistimi i cuditshem i Armir Tarajt qe te denoncoj shokun e tij Ardian Ndrecen, eshte tamam sikur kerkesat e Partise se Punes ndaj prifterijve katolike qe te denonconin shoket e tyre dhe Vatikanin. Por si ne vitet 60 ashtu eshte sot, katoliket pershkruhen nga fryma e besnikerise dhe dashurise per njeri tjetrin. Si malesore qe jane, ata nuk ja fusin shoku shokut per ti bere qejfin te huajit. Por kete nuk e bejne muslimanet e sajtit e-zani te cilet nuk kane lene shok e mik, besimtar, hoxhallare e mufti te tyre musliman pa e sulmuar. </p><p>U lumte katolikeve per besnikerine dhe burrerine qe tregojne kunder njeri tjetrit!</p><p> </p><p> </p>
Ti mer Gent, duket qe je nga
<p>Ti mer Gent, duket qe je nga ata lloj parazitesh qe jeton vec me konflikte dhe barbaritete. Mendja jote e mykur nuk arrin te kuptoje se njeriu, me shume se vellezerit e vet ne fe, klan, fis, atdhe, shoqni etj., ka te verteten. "E dua Sokratin, por me shume dua te verteten".<br />Djemte e E-zanit jane burra te vertete, sepse kerkon burreri te madhe te duash te verteten me shume se klanin, fisin, vellazerine fetare, politike, ideologjike, kulturore etj. Keta djemte jane muslimane mbi te gjitha dhe zbatojne porosine e Profetit a.s.: Thuajeni te verteten edhe ne qofte kunder miqve tuaj, te afemve tuaj, familjes tuaj dhe vetes tuaj.</p><p>Por mentalitetet klanore, fisnore, barbare si puna jote nuk i kuptojne dot keto gjera dhe hedhin shpifje ketu per nietet e te tjereve ne menyre kaq te paturp. Njerezit e felliqte, mbijetojne vetem duke hedhur balte mbi te gjithe te tjeret. Vetem keshtu mund te ndjehen rehat, duke u ndjere te barabarte midis felliqesive.</p>
O Olsi, ik o burr se le nam
O Olsi, ik o burr se le nam me kete inatin tend me Ezanin dhe Hatibin. Ti e di shum mire qe Hatibi nuk merret me ezanin, pse perhap pallavra kot. Kaq inatcor paske qene? Shko merru me shoket e tu te FRM ne Kosove
Ne nuk shkojme as ne Arabi as
<p>Ne nuk shkojme as ne Arabi as ne Turqi. Se Zoti vet e tha me goje qe jemi Shqipetare dhe Muslimane. Ju po te doni shkoni ne Palestine se atje eshte vendlindja e Krishtit te Shenjte. Ju harroni ose nuk dini rrenjet e fese-ve andej nga Arabia e nxehte jane, dhe u shperdane ne gjithe boten. Por urrejtja juaj ua ka blloku trurin dhe te shifni me thelle me kthelltesi. Islami eshte i Shqiperise po aq sa dhe Krishterimi. Nuk shkojme gjekundi jo, se po i ruajme vlerat dhe moraline e shoqerise tone, nuk shkojme ne asnje vend se ne e ngritem Flamurin ne Vloren e bekuar me Ismail beun, Isan (Jezus) e Boletineve...dy njerez te medhej me emra profetesh qe Zoti u dha suksese ne kete bote dhe ne tjetren. Ne nuk kemi probleme/komplikacione me Krishterimin se i njofim te derguarit e Zotit pa dallim. E kemi treguar paqen dhe miresin tone, si shmice qe kemi qene dhe do te jemi kemi bashkpunuar me Shqiptaret e tjere, dhe nuk i kemi masakruar sic do ta benin ata po te kishim qene ne pakice.</p><p> Kalofshi mire o njerez dhe shfletoni ca me shume nuk u ben keq, sa per kulture dhe edukate me shume, ndohsta do tu bjere inati....Selam/Shalom ;)</p>
Genti, burrnija asht me thene
<p>Genti, burrnija asht me thene te verteten. Burrnija asht karakterizu prej drejtesise jo prej cubllekut ... me mbrojt Ndrece asht si muslimanet me mbrojt Basharin. Po kjo s'asht burrni mor mik. Malesori aq sa eshte njofte per burrni asht dhe njifet edhe per cub sepse injoranca nuk asht virtyt i burrnise. Pa dashte me ja ul vleren atyne trimave qe e kane tregu vedin me pune e me dije. Nje gje nuk marre vesh prej ketyne mediave qe i japin akses ketij fare burri qe nuk njihet ose nuk merr vesh prej asnje gjaje qe ai flet. Pastaj ai me duket me shume si produkt i Kryqzatave sesa produkt i nje Oksidenti demokratik (po flasim te pakten per teorine) ku principet e harmonise, mirekuptimit dhe objektivizmit shoqerojne individin. </p><p>Apo jo Ndrece?</p><p> </p><div id="myEventWatcherDiv" style="display:none;"> </div>
Turqia na ka pushtuar,
<p>Turqia na ka pushtuar, shtypur, masakruar, vrare e grabitur per 500 vjet me rradhe. Ajo rrembente nga çdo familje "kaurresh", kupto te krishteresh, nje femije per ta bere jeniçer. Ajo kishte vene taksa te shumefishta mbi popullsine raja, qe nuk pranonte ta nderronte fene. Ne krye te vendit ajo vuri pashallare, bejlere dhe çifligare te sjelle qe nga Irani dhe Arabia. Shume familje shqiptare nuk e duruan dot kete menxyre 5 shekullore dhe per te shpetuar nga kjo vuajtje pranuan te nderronin fene. Ja çfare thote historiani turk per pushtimin turk te Shqiperise:</p><p>“ ...Arsyeja e kësaj fushate të dytë në Shqipëri ishte se raca shqiptare është bërë e tillë që në karakterin e saj kanë hedhur rrënjë mosbindja, këmbëngulja, rebelimi e arroganca. ...Ata derra qenë nënshtruar dhe kishin pranuar zinxhirin vetëm nga tmerri prej kordhës gjakderdhëse të Sovranit... Atëherë u dha urdhri të shtroheshin në bindje ata harbutë të pafe. Për këtë arsye, në çdo vendqëndrim sillnin para Sovranit fitimtar meshkujt e lidhur me zinxhirë që luftëtarët guximtarë e të shkathët të islamit me një të rënë të shpatës, - fap fap – i ekzekutonin.... Pati ndalesa ku u shkuan në shpatë deri në tre mijë, katër mijë, shtatë mijë të pafe. Prej kufomave të shumta, lugina të thella tanimë ngjasonin si të ishin kodra... Të gjithë djemtë e vashat e tyre u kapën dhe u bënë robër, ndërsa meshkujt e rritur u mblodhën dhe u lidhën me zinxhirë. ...Të shtyrë nga kjo frikë, të pafetë që kishin mbijetuar pranuan të bëheshin shtetas të shtruar osmanë dhe të paguanin xhizjen e përcaktuar nga Sheriati, si dhe taksat e zakonshme.”</p><p>Fragmenti i mësipërm bën fjalë për pushtimin osman të Shqipërisë. Ose më mirë të themi, të asaj çka kishte mbetur ende e papushtuar prej saj, pas dhjetëra vjetësh luftërash të përgjakshme, kur sulltan Mehmeti II mori më në fund Krujën e pas saj, Shkodrën. Është nxjerrë nga një libër me titullin “Kronikat e Tursun beut”, që ka për autor një ndër emrat më të njohur të literaturës së hershme osmane, njëherësh kronist zyrtar i sulltanit.</p><p>Kjo eshte e verteta e perhapjes se fese islame ne Shqiperi. Per mua fete perbejne nje kercenim per paqen dhe stabilitetin ne vend. Prandaj duartrokas thirrjen lapidar te te madhit Vaso Pasha:</p><p>Çonju Shqiptar, prej gjumit, çonju<br />I gjith si vëllazëri n’nji bes shtërngonju!<br />E mos shikoni kisha e xhamia<br />Fe e Shqyptarit asht Shqyptaria.</p>
Bravo Ardian Ndreca se e
<p> </p><p style="margin:0cm;margin-bottom:.0001pt">Bravo Ardian Ndreca se e paske thare fare: <b><i>"Il comunismo albanese di Enver Hoxha nel suo astio profondo contro la religione cristiana e nel suo totalitarismo privo di qualsiasi spiritualità, mostrava di unire in sé l’eredità del dispotismo ottomano con la “barbarie bolscevica” di stampo leninista.</i></b><o:p></o:p></p><p style="margin: 0cm 0cm 0.0001pt;"><o:p> </o:p></p><p style="margin:0cm;margin-bottom:.0001pt">Por vete disa komentuesa trashigimtar osmansh ketu barazojne OSMANIZMIN me ISLAMIZMIN.<o:p></o:p></p><p style="margin: 0cm 0cm 0.0001pt;"><b>Pyetje: A asht OSMANIZMI= ISLAMIZMIN?<o:p></o:p></b></p><p style="margin: 0cm 0cm 0.0001pt;">E gjithe Europa asht kristjane. Jezu Krishti ka qene i pari laik ne historine e njerzimit duke thane:<o:p></o:p></p><p style="margin: 0cm 0cm 0.0001pt;">"Jepni Çezarit çka i takon Çezarit, dhe jepni Zotit çka i takon Zotit"<o:p></o:p></p><p style="margin: 0cm 0cm 0.0001pt;">Prandej kush asht europian, parimisht asht laik, pra e ndane besimin fetar nga pushteti.<o:p></o:p></p><p style="margin: 0cm 0cm 0.0001pt;">Ndersa Muhameti mbas 7 shekujsh te Krishtit i ka bashkue ne nji te vetme Besimn fetar me pushtetin e sundimtarve, keshtu Muhameti krijoi (o i tha Zoti te krijoje, kjo asht pune e tij) Islamizmin qe asht nji Teokraci= Teo+Kraci= Pushteti i fetarve, dmthe Sheriat+besim fetar. Kjo asht permbajtja e Kuranit. <o:p></o:p></p><p style="margin: 0cm 0cm 0.0001pt;">Asht pikrisht kjo arsyeja qe muslimant, qofte autori i shkrimit qofte edhe ndonji komentues, nuk e ndajne Turqine/Osmanizmin nga besimi fetar musliman. Pra po u cenove pushtuesin turk-osman ata thone se ju kristjant na cenoni besimin fetar islam. E pse e festuen te gjithe shqiptart 100 vjetorin e pamvarsise nga Turqia Osmane, apo duhej festue njikohesisht edhe pamvarsia nga islami? Qesharake.<o:p></o:p></p><p style="margin: 0cm 0cm 0.0001pt;">Ndersa neve europianve besimi fetar islam nuk na prishe pune fare. Le te besojne kushdo çka te doje. Por na nuk mund te pranojme ne asnji menyre qe ligjet arabe te Sheriatit islam te shekullit te VII te aplikohen ne Europe paralelisht me ligjet e Kushtetutes sone laike. <o:p></o:p></p><p style="margin:0cm;margin-bottom:.0001pt">Pose kesaj asht fakt statistikor se te gjitha vendet muslimane ne bote jane vendet me nivelin ma te ulte kulturor dhe ekonomik, sepse botkuptimi i tyne nuk perputhet me perparimin botnor. <o:p></o:p></p><p style="margin:0cm;margin-bottom:.0001pt">A nuk keni sy me pà?<o:p></o:p></p><p style="margin:0cm;margin-bottom:.0001pt">A doni ju qe edhe shqiptart te mbesin mbrapa si vendet muslimane?<o:p></o:p></p>
Po nga na dolen gjithe keta
<p>Po nga na dolen gjithe keta islamike [deleted]? E turpshme qe ne shek XXI e kete ende krijesa te tilla fatkeqe...</p>
Po ti mer Albi, nga na
<p>Po ti mer Albi, nga na dole??????????</p>
Diçka duhet të jetë e qartë,
<p>Diçka duhet të jetë e qartë, feja luan akoma një rol të madh shoqëror, e sidomos në mentalitetin shoqëror. Ajo që shqiptarët kanë arritur është të mos bëjnë luftë mes njëri-tjetrin për shkak të fesë. Por duhet pranuar, se fetë e ndryshme në shoqërinë, nuk na bashkojnë, ato na ndajnë. Dhe për rrjedhojë, unë jam i mendimit që ndikimi fetar mbi shoqërinë shqiptare duhet të vijë duke u ulur gradualisht, ndërsa shteti dhe ligjet e tij duhet të vijnë duke u forcuar. Në këtë mënyrë, ndikimi negativ që vjen sidomos nga feja islame mbi shoqërinë shqiptare dhe i jep shoqërisë sonë një mentalitet e kulturë jo-Perëndimore, duhet të vijë duke u minimizuar, për këtë arsye propozoj që e-zani të mos thirret me altoparlante në trojet shqiptare, por të thirret vetëm brenda objektit fetar. Paralelisht me këtë, për të treguar se nuk e kam këtë propozim si sulm kundër myslimanizmit, për hir të mirëkuptimit ndërfetar, edhe fetë tjera, katolike e ortodokse në këtë rast, të mos i bien këmbanave të kishave për të shqetësuar banorët dhe për të shkaktuar ndotje akustike, siç bëjnë xhamitë me thirrjen e e-zanit 5 herë në ditë. Pra, të dobësohet ndikimi i fesë mbi shoqërinë, dhe të mos bëhet feja imponuese mbi besimtarët e tjerë, apo mbi ata që nuk besojnë. Kjo është mënyra më e mirë, për të kuptuar integrimin Evropian, pasi as në Evropë e as në Amerikën e z. Taraj, nuk gjen xhami duke thirrur e-zanin me alto-parlante, e duke shqetësuar shoqërinë. Apo jo z. Taraj?</p>
Albi, kriteri kryesor i cdo
<p>Albi, kriteri kryesor i cdo injoranti, eshte vetkenaqesia dhe mosvleresimi i te tjereve. Habija jote pse ne shek XXI ka ende muslimane, tregon shume per shkretetiren ne intelektin tend.<br />Ti ke dy klishe te medha me te cilat shpjegon te gjithe boten:<br />E para, mitin e shek XXI (miti i modernitetit), qe sot vijojne ta kene vetem injorantet.<br />E dyta, mitin e erresimit te se kaluares, qe perseri vijojne ta kene vetem injorantet.<br />Keshtu, ti Islamin e fut tek e kaluara, dhe habitesh se si ka mundesi qe e tashmja e perparuar te barte ende te kaluaren e prapambetur. Ne fakt, cdo njeri qe ka dy-tre njohuri me serioze ne keto pune, e kupton qe sot jemi ne nje prej epokave me te prapambetura intelektualisht. Mendja e njeriut modern eshte zvogeluar deri ne mikrospopi intelektuale dhe ti je produkti tipik i kesaj epoke.</p><p>Per kete arsye, nuk kupton dot as Islamin, as Krishterimin, as modernitetin as dijen, kulturen qyteterimin e me rradhe.<br />E njejta gje vlen edhe per filozofine turbofolk te Tedeskinit, qe pretendon te jape definicione mbi teokracine islame, te krishtere, e laike, madje edhe per raportin ndermjet besimit dhe pushtetit, pa ia pas haberin asnje gram ketyre diskutimeve.</p>
Mos fol me pergjithesime dhe
<p>Mos fol me pergjithesime dhe opinione, por fol meanaliza logjike dhe me argumenta ne qoftese nuk je dakort me Tedeschinin. Opinionet nuk jane argumenta bindes. Opinionet mbesin opinione.</p>
Ne 2013 kemi akoma
<p>Ne 2013 kemi akoma filo-turq.E verteta eshte se shqiptaret i sherbyen sulltanit me shume deshire dhe prandaj urrehen historikisht nga fqinjet e tyre. Nuk ka beteje per pamvaresi te shteteve ballkanike ku kane munguar shqiptare qe luftonin per turqine.</p><p>Dhe kjo eshte arsyeja e prapambetjes shekullore qe kemi trasheguar.</p>
Humbje kohe, me mire si une
<p>Humbje kohe,</p><p>me mire si une qe them dhe mendoj qe feja a Shqiptarit eshte Shqiptarizmi</p>
Shkodran paske nevojë për tek
<p>Shkodran paske nevojë për tek psikologu dhe meqënse emrin e kamë të huaj nuk paskam të drejtë të japë mendimin tim un nuk ndihem i mjerë ose merhum sepse jamë në vendin tim dhe në fenë e të parëve të mi dhe po të vihem përballë pasqyrës dhe të shikojë të parë t emi jamë krenar kurse e kundërta me juve po të kini pak mënd duhet të ndiheni merhumër se gjer athere kur na dolët si kërpullat mbas shihut gjithmonë po ecim mbrapa si edhe sotë dhe duhet ta pranoni dono apo sdoni Shqipëria do bashkohet me shoqërinë përparimtare kush do le të qëndrojë në mos po shkoni andej nga na erdhët</p>
E ku janë katolikët e
<p> </p><p style="margin:0cm;margin-bottom:.0001pt">E ku janë katolikët e moderuar? <o:p></o:p></p><p style="margin:0cm;margin-bottom:.0001pt">Kete e thote Edith Durham kur vizitoi Bushatin afer Shkodres:<o:p></o:p></p><p style="margin:0cm;margin-bottom:.0001pt"><b><i>“Duke kaluar permes Bushatit, i gjeta te krishteret te gjithe te egersuar. Ata deklaruan se, kur u mblodhen taksat, ata paguen pjesen kryesore, ndersa myslimanet u perjashtuen… “<o:p></o:p></i></b></p><p style="margin:0cm;margin-bottom:.0001pt">Marre nga Edith Durham, “Brenga e Ballkanit”, bot.T. 1991, fq. 255.<o:p></o:p></p><p> </p>
O Pal, nuk ka nevoje te
<p>O Pal, nuk ka nevoje te pergjigjesh ti sepse artikulli pyet ku jane katoliket e moderuar, jo ku jane katoliket ekstremiste.</p>
Leonardo, duhet me shku ne
<p>Leonardo, duhet me shku ne shkolle edhe me mesu sesi me i artikulu mire muhabetet. Prape, merhum me dukesh t'i ka trete shejtani mend nga as vete nuk i di ku t'i gjejsh. Te pakten shko tek ndonje "Shrink" te te kapi ne dore dhe te te marri per dore me i gjete mendte. </p><div id="myEventWatcherDiv" style="display:none;"> </div>
(deleted) Paul Gjermani thote
<p>(deleted) Paul Gjermani thote gjithe Europa asht e krishtere. Na kena jetu ne Europe sa te krishtere kena pa. Me kujtohej njeri kur thoshte edhe krishtelindjet i festojne si tradita jo se ndiejme ndonje sentiment fetare. Sidomos katolicizmi asht duke u tkurrur aq shume sa kishat jane tu u shit per nji leke.</p><div id="myEventWatcherDiv" style="display:none;"> </div>
eh, more shqiptar te mjere.
<p>eh, more shqiptar te mjere. sa e perzunet shkjaun, tash i gjuheni njeni tjetrit, deri sa te zhdukemi ne favor te fqinjeve tane, qe s´na kan dasht kurre te miren. po nese zhduken katoliket prej kosove, kujna do ti gjuhen muslimanet. ose nese zhduken muslimanet kujna do ti gjuhen katoliket? shqiptari musliman apo katolik ka nevoje per nji krisht !!!! pse???????</p><p>sepse shqiptari nuk asht i zoti me i pranu e me i mbajt gjynahet/mekatet e tija ne shpinen e vet dhe ja leshon kryqin ne shpine vllaut te vet, ne menyren ma tinzake.</p><p>ju musliman dhe katolik, bani cka te bani, veq pash Zotin, na leni pak Kosove edhe neve shqiptareve.</p>
Add new comment