Rabini me 128 mijë ndjekës i gjeneruar nga Inteligjenca Artificiale

Rabbi Menachem Goldberg. Guidë Suksesi. Mençuri antike për prosperitet modern. Krijo pasuri, vendos qëllimin. Nis shndërrimin tënd.

Bioja informuese. Më poshtë edhe një adresë.

128 mijë ndjekës, foto dhe video ku flitet për rregullat e hebrenjve për t’u pasuruar.

Profili është shumë i gjetur dhe i stilizuar në mënyrë të goditur. Me një ton të qetë dhe pa asnjë lloj agresiviteti, rabini me mjekër dhe vjeshje të hasidikëve, frymëzon.

Vetëm se kemi të bëjmë me Inteligjencë Artificiale. Një gazetar i “Maariv” vuri në dukje se ndjekësit ngritën pyetje pas videove ku bëhej thirrje për të blerë online libra elektronikë dhe udhëzues për rritje shpritërore.

Rabini nuk ekziston dhe ekspozimi I këtij fakti ka ndezur një debat në Izrael mbi forcën manipuluese të teknologjisë.

Nisur nga ky rast, Qendra Tzohar për Etikën Hebreje ka bërë thirrje për standard të qarta dhe transparente. Dhe se audienca duhet të dijë se kush po e gjeneron përmbajtjen.