Pro reformimit të Këshillit të Sigurimit të OKB-së

Federata Ruse është shprehur pro reformimit të Këshillit të Sigurimit në OKB. Përmes një komenti, zëdhënësi i Kremlinit, Dmitry Peskov, ka deklaruar se Rusia mbështet propozimin e hedhur së fundmi nga Sekretari i Përgjithshëm i OKB-së, Antonio Guterres që bëri thirrje që Këshilli të reflektojë realitetet e botës së sotme.

Guterres po ashtu ka shprehur dakordësinë me propozimet e Francës dhe Britanisë së Madhe për kufizimin e të drejtës së vetos për çështje humanitare.

Nga ana e vet Rusia dhe Kina, të dyja anëtare të përhershme të Këshillit, janë në parim pro që Këshilli të zgjerohet me vende të reja nga Azia, Afrika deh Amerika Latine.