shba

Pew Research Center parshikon një rënie të pjesmarrjes në zgjedhjet presidencaiale amerikane. Në vitin 2008, morën pjesë në zgjedhjet presidenciale rreth 132 milionë votues, dhe ky numër përbën një rekord në historinë e zgjedhjeve amerikane. Në vitin 2012, morën pjesë rreth 128 milionë votues dhe këtë vit priten të votojnë rreth 120 milionë votues. Numri i amerikanëve me të drejtë vote është rreth 240 milion.

125 milje rrezja goditëse, i ushqyer dhe karikuar për qitje me një impiant energjetik prej 25 megavat, me shpejtësi të predhës prej 6 Mach dhe me kosto 500 milionë dollarë, ky top që punon me impuls elektromagnetik është një avantazh esencial për ShBA. Predha mund të godasë një objektiv në Filadelfia edhe nëse qitja kryhet nga Uashingtoni. Madje me precizion të lartë dhe me aftësi dëmtuese pesë herë më të madhe se armët aktuale. E përshtatshme për anije, ajo i jep flotës amerikane një fuqi dhe operativitet luftarak të jashtëzakonshëm.

Këtë vit mbushen 71 vjet nga hedhja e bombës atomike nga SHBA në Hiroshima të Japonisë. Obama është presidenti i parë amerikan që vizitoi vendin e ngjarjes që e futi botën në epokën e armëve atomike. Disa fotografi, të marra nga arkivi kombëtar i SHBA, publikuar nga "The Atlantic", dëshmojnë paosjat shkatërrimtare të bombës mbi një qytet si Hiroshima.

Jacob Marbury, një vjeç, u dhunua nga dadoja në muajin mars. Shenjat e dhunës duken qartë në foto dhe reagimi i vetëm ndaj kësaj ndyrësie është vetëm një: ndëshkim dhe dënim.

Gazeta e njohur amerikane “The Washington Post” i ka kushtuar një shkrim atyre që kanë nisur të quhen “patriotë” në Shtetet e Bashkuara të Amerikës, e të cilët shohin si kërcënim kryesore për liritë e tyre kushtetuese qeverinë federale. Në krye të lëvizjes, e cila po rritet shpejt, është një 40 vjeçar B.J.Soper, i cili nisi lëvizjen bashkë me 30 njerëz të tjerë.

Zgjedhja e presidentit të SHBA-së bëhet në mënyrë të tërthortë, përmes kolegjit elektoral. 50 shtetet e federatës dërgojnë përfaqësuesit e vet në kolegjin elektoral, në përpjestim me popullsinë e secilit (gjithsej 538 përfaqsues). Në shumicën dërrmuese të shteteve, nëse një kandidat e fiton garën e shtetit qoftë edhe me 0.1% më shumë vota të qytetarëve, ka të drejtën të dërgojë në kolegjin elektoral të përzgjedhurit e vet nga ai shtet.

Nga Shtetet e Bashkuara ku ndodhet për një vizitë dhe takime me kongresmenë, kreu i kuvendit Ilir Meta tha se procesi i vlerësimit po e pastron sistemin e drejtësisë nga njerëzit e korruptuar. “Ne e ndjejmë dhe ne jemi të bindur që ne kemi nevojë për të bërë një përmirësim spektakolar dhe kjo është arsyeja që ne po reformojmë që në themel sistemin tonë të drejtësisë. Ne po e riorganizojmë, sepse ne së pari do të ndëshkojmë vetë sistemin, dhe kjo është një reformë shumë drastike. Ne do ta bëjmë atë sepse ne jemi të ndërgjegjshëm që ne kemi nevojë për një ndryshim rrënjësor.

Presidenti iranian, Hassan Rouhani, ka deklaruar se Teherani do të padisë Shtetet e Bashkuara të Amerikës në Gjykatën e Hagës për kthimin e disa aseteve të ngurtësuara nga SHBA që nga koha e Revolucionit Islamik. Duke folur para një turme njerëzish në qytetin Kerman, Rouhani, bëri të ditur se Irani nuk do të heqë dorë nga pasuria e tij, duke e cilësuar aktin e fundit të SHBA si grabitje në mes të ditës. Fjala është për një vendim të Gjykatës së Lartë amerikane, e cila vendosi që 2 miliardë dollarë, asete iraniane, t’i kalojnë familjeve të viktimave të bombardimeve të vitit 1983 në Bejrut.

Armiqtë bëhen miq, madje edhe strategjikë. Kjo po ndodh mes Shteteve të Bashkuara të Amerikës dhe Vietnamit, i cili ka shkaktuar ndoshta plagën më të madhe në kujtesën amerikane. NJë raport ekskluziv i revistës “Foreign Policy” bën me dije, se Shtëpia e Bardhë po hedh hapa drejt heqjes së embargos së armëve ndaj Hanoit, gjithnjë me shqetësimin që po krijon Kina në rajon, si premisë.

Lufta në Siri ka qenë e organizuar nga SHBA dhe rolet kyçe për revolucionin që do të rrëzonte Assadin, i kanë patur Katari me Arabinë Saudite. Kështu ka deklaruar sheiku nga Katari, Hamad Bin Jassim Al Thani. Ish-kryeministri i Katarit Al Thani në një intervistë ka deklaruar qartë se “revolcuoni” i 2011 u nis nga Katari dhe Arabia Saudite me direktivë të SHBA-së. Ai pohoi se vendi i tij ka nisur të furnizojë me armë dhe para rebelët kundra regjimist të Assad.