kulture

Për vite me radhë, Pallati i Aleksandrit ka qenë një strukturë e bukur klasike në periferi të Shën Petërsburgut. I ndërtuar në 1796 nga Giacomo Quarenghi, me porosi të Katerinës së Madhërishme për nipin e saj të preferuar, Aleksandrin (që më pas do të bëhej Perandori Aleksandri I), ajo u bë rezidenca verore jozyrtare për perandorët e ardhshëm: Nikolla I dhe Aleksandri III, djali i të cilit, Nikolla, II lindi atje.

Vokalisti i grupit UB40, Terence Wilson, i njohur me emrin e skenës, Astro, ka ndërruar jetë në moshën 64-vjeçare. Astro ka performuar me bandën e reggae pop për 30 vjet më radhë.

“Na është thyer zemra. Bota nuk do të jetë e njëjta pa të”, shkroi grupi në llogaritë sociale.

Astro iu bashkua grupit UB40 në vitin 1979, vetëm pak kohë pasi ai ishte krijuar. Ai u largua në vitn 2013 dhe vijoi të performonte me Ali Campbell, i larguar gjithashtu nga grupi në 2008. Disa koncerte ishin planifikuar për vitin 2022.

Tre shtretër me litarë dhe dru me shenjat ende të dukshme të dyshekëve mbi ta, një enë pranë secilit, ndërsa rreth e qark hapësirën e zënë veglat e punës, parzmoret e kuajve dhe disa.

Në Pompei vijojnë të zbulohen pothuajse të paprekura element të jetës së përditshme të banorëve para vullkanit shkatërrues në vitit 79 pas Krishtit. Zbulimi i fundit është një dhomë skllevërish.

Grupi legjendar ABBA u rikthye të premten me albumin e ri “Voyage”, rreth 40 vjet pas ndarjes. Agnetha, Bjorn, Benny dhe Anni-Frid, që bëjnë akronimin ABBA, e kishin publikuar albumin e fundit, “Visitors”, në vitin 1981.

Pas vitesh spekulime, grupi njoftoi ribashkimin në shtator dhe lançoi dy këngë: “I still have faith in you” dhe “Don’t shut me down”.

Albumi me 10 këngë nuk është e vetmja risi e grupit. Ata do të zbulojnë edhe avatarë dixhitalë - të quajtur "ABBAtars" - në një koncert në Londër në maj, që ngjajnë me atë që kanë qenë në vitin 1979.

Abdulzarak Gurnah është fituesi i Nobelit të Letërsisë për vitin 2021. “Atij i njihet merita për njohjen e thellë dhe hetimin e pakompromis dhe të dhembshur të efekteve të kolonializmit dhe fatit të refugjatëve në hendekun midis kulturave dhe kontinenteve", tha Akademia Suedeze në ceremoninë e shpalljes së çmimit.

Romancieri tanzanian Abdulrazak Gurnah është fituesi i Nobelit të Letërsisë për vitin 2021.

Akademia Suedeze e vlerësoi Gurnah për "depërtimin e tij pa kompromis dhe të dhembshur në efektet e kolonializmit". Çmimi prestigjioz shpërblehet me 10 milionë korona suedeze (1.14 milion dollarë).

Gurnah është 73 vjeç dhe është autor i 10 romaneve, përfshirë “Parajsa” dhe “Braktisja”.

“Parajsa”, botuar në 1994, tregon historinë e një djali të rritur në Tanzani në fillim të shekullit XX dhe është vlerësuar me Çmimin Booker.

“Luftën” kundër të ashtuquajturave Big Tech, Franca po e shtrin edhe në tregun e librit. Deputetët francezë do të shqyrtojnë kësaj jave një ligj të ri, i cili ndalon Amazon të ofrojë dhe dorëzojë librat e shitur me kosto transporti zero. Ligji ka mbështetjen e presidentit Macron dhe synon t’i mbrojë libraritë fizike nga konkurrenca e Amazon, e cila ua ka reduktuar shitjet.

Në udhëtimin e tij të fundit, yllin e kinemasë franceze, Jean Paul Belmondo, e shoqëroi kolona zanore e filmit me të cilin ai mbahet mend nga shumë breza.

Nën tingujt e kolonës zanore të “Le professionel” dhe duartrokitjeve pa ndalur, arkëmorti i Belmondo u përcoll për në banesën e fundit, pas një ceremonie në nder të tij, ku ishte i pranishëm edhe presidenti Macron, personalitete të tjera të politikës e artit dhe admirues.

Aktori vdiq të hënën në moshën 88 vjeç, duke lënë pas një karrierë të gjatë në ekran, ku shkëlqeu në më shumë se 80 role.

Dy partitura të panjohura më parë, që mbajnë autorësinë e Robert Schumann (1810-1856) janë gjetur në koleksionin e dorëshkrimeve të mbledhura nga shkrimtari austriak, Stefan Cvajg (1881-1942). Zbulimi u bë në Zvicër, në Fondacionin Martin Bodmer. Këto nuk janë veprat e vetme të pabotuara që dolën nga fondi: përveç tyre u gjetën edhe një partiturë nga Georges Bizet (një aranzhim për piano solo, e panjohur më parë) dhe një kompozim nga Charles Gounod.

Aktori Jean-Paul Belmondo, një nga yjet më të mëdhenj të kinemasë franceze të pasluftës, buzëqeshja karizmatike e të cilit ndriçoi ekranin për gjysmë shekulli, ndërroi jetë sot në moshën 88-vjeçare në shtëpinë e tij në Paris.

Belmondo lë pas plot 80 filma. Belmondo u shfaq për herë të parë në ekran në vitet ‘50, por u bë i famshëm gjatë Valës së Re të dekadës pasuese, me rolet e tij në filmat "Pa frymë” dhe "Burri nga Rio".