kulture

Julian Stallabrass, akademik në Institutin e Artit Courtauld, shkruante në “London Review of Books” në 2013 se "sa më shumë arti hyn në punë për investime, mashtrim me taksat, pastrim parash dhe hyrje në elitë", aq më shumë shfaqet padobishmëria e tij parimore” në panaire. Qëndrimi polemik i Stallabrass ndaj tregut të artit pasqyron raste reale të shkeljes së ligjit dhe qëndrimet e disave që e shikojnë artin si mall të luajtshëm me vlerë subjektive.

Një pikturë e vitit 1887 që mban firmën e Vincent Van Gogh shfaqet në public për herë të parë. Piktura është ruajtur nga një familje franceze për më shumë se një shekull. Ajo del në shitje më 25 mars në ekspozitën impresioniste dhe moderne të Sotheby’s në Paris, në bashkëpunim me shtëpinë e ankandeve parisiene Mirabaud Mercier.

“Ulërima”, një prej pikturave më të famshme të Edvard Munch, fsheh një sekret, i cili është zbuluar së fundmi. Skanimet me rreze infra të kuqe kanë zbuluar një fjali të shkurtër, me germa të vogla në një cep të pikturës.

"Mund të pikturohej vetëm nga një i çmendur", është fjalia e shkruar me laps në këndin e sipërm të majtë. Analizat e kryera nga Muzeu Kombëtar i Norvegjisë kanë konfirmuar se fjalët janë shkruar nga vetë autori, raporton BBC.

Për implementimin e projektit të sallës së madhe të koncerteve në Universitetin e Arteve, sipas marrëveshjes së nënshkruar këtë të hënë mes Ministrisë së Kulturës dhe TAP, qeverisë shqiptare do t’i duhet të paguajë 2 milionë euro. Kësaj marrëveshjeje 7 muaj më parë i parapriu një tjetër që përfshinte edhe Ministrinë e Infrastrukturës dhe Energjisë dhe Agjencinë Italiane të Bashkëpunimit për zhvillim, ku nënshkruhej se vetëm studimi i fizibilitetit të sallës, kërkonte 150 mijë euro. E njëjta kosto siç bën me dije përfaqësuesi i TAP është dashur edhe për hartimin e projektit. 

Teatri Kombëtar i Operës dhe Baletit (TKOBAP) ka një logo të re, që nuk dihet kush e ka dizajnuar. Ajo që dihet deri tani është vetëm se ai është paguar 1 845 000 lekë dhe logoja është plagjiaturë. Denoncimi është bërë nga artisti i Arteve Pamore, Ardian Isufi, por nga TKOBAP nuk ka akoma asnjë informacion në lidhje me emrin e “autorit” që është paguar për logon. 

Rreth vitit 1568, murgesha fiorentine Plautilla Nelli - një piktore autodidakte që drejtoi një grup grash artiste të kohës në manastirin e saj - nisi projektin e saj më ambicioz: një skenë monumentale të “Darkës së Fundit” që i paraqet Jezusin dhe të 12 apostujt në përmasa reale.

Një grup arkeologësh egjiptianë zbuluan një tempull funeral, që daton mbi 4 000 vjet më parë dhe i përkiste mbretëreshës Near, gruas së mbretit Teti. Tempulli është pjesë e nekropolit të Saqqara-s, në Giza. Gërmimi atje vijon që prej vitit 2007. Arkeologët gjetën atje arkivole me mumje, statuja, lodra, anije druri dhe maska funerale si edhe një papirus të gjatë pesë metra (oborr) që përshkruan kapitullin XVII të librit të të vdekurve.

Fillon restaurimi i një prej kryeveprave më të famshme të antikitetit: Mozaiku i Betejës së Isusit, midis Aleksandrit të Madh dhe Darit të Persisë (333 para Krishtit). Kryevepra e gjetur në Pompei është simbol i njohur botërisht i shumë të tillave që mban Muzeu Arkeologjik Kombëtar i Napolit. Procesi i restaurimit, për të cilin do të vijë në ndihmë teknologjia, do të fillojë në fund të muajit dhe pritet të zgjasë deri në korrik, nën mbikëqyrjen e Institutit Qendror për Restaurimin.

Mbi gjashtë shekuj që arbëreshët e Italisë mundohen të mbajnë të gjalla gjuhën, traditat, identitetin e origjinës. Në meritë të kësaj përpjekjeje sa krenare aq edhe të guximshme që meriton të përçohet te brezat më tej, Komitetit Kombëtar Italian të UNESCO-s, i është dorëzuar këtë të hënë nga Fondacioni Universitar “Françeso Solano”, propozimi që ritet arbëreshe “Moti i Madh”, të regjistrohen si Trashëgimi Kulturore Jomateriale e Njerëzimit.

Stilisti francez, Pierre Cardin, është ndarë nga jeta në moshën 98 vjeç. Në një karrierë që zgjati më shumë se 60 vjet, Cardin mori njëkohësisht admirimin dhe përbuzjen e kolegëve të tij në botën e modës për nuhatjen e fortë për biznes dhe solli risi në pasarela.

Cardin, i cili ishte këshilltar i stilistëve si Jean Paul Gaultier, ishte aktiv në qarqet e modës deri në momentet e fundit, ndihmoi të rriteshin dizajnerët e rinj dhe mori pjesë në festa dhe evente, ndërsa shkonte rregullisht në zyrën e tij në Paris me Jaguar.