kina

Ka kohë që flitet për rendin ndërkombtër që është sfiduar në disa drejtime. Ndoshta personi më i njohur që ka ecur përpara me këtë tezë duke propozuar kundërveprim është Henry Kissinger, sipas të cilit bota po shkon drejt një gjeopolitike rajonesh pa një dominancë vertikale si sot, në krye të së cilës qëndron SHBA dhe Perëndimi në tërësi. Sfida nuk është vetëm në ngushtimin e diferencës ekonomike dhe teknologjike mes Perëndimit dhe aktorëve jo perëndimorë, por ajo është një sfidë instiucionale dhe strukturore e cila po katalizon realitete të reja vendimmarrëse.

Fotot që paraqiten këtu janë publikuar nga “The Atlantic” dhe kanë për autor Thomas Child. Në vitin 1870, asokohe vetëm 29 vjeç, Child u punësua nga Shërbimi Doganor Detar Perandorak për të t’u dërguar si inxhinier në Pekin. Ai ishte një nga 100 të huajt që jetonin në Kinën e periudhës së fundit të dinastisë Qing dhe për 20 vjet regjistroi rreth 200 fotografi. 

Revista e njohur gjermane “Der Spiegel” i kushton një shkrim të gjatë projektit kinez të “Rrugës së Mëndafshit”. Duke nisur me të dhënat fillestare për të dhe me vlerësimin e gjeopolitikës që ajo krijon, shkrimi përfundon me një shqetësim konstant të gjermanëve për këtë dalje të re të Kinës në Europë: “Është faji ynë që Europa nuk flet me një zë”, citohet në mbyllje të shkrimit kancelarja gjermane Angela Merkel.

Shqipëria dhe Kina kanë firmosur marrëveshjen e lehtësimit të vizave që është konsideruar si shprehje e “miqësisë tradicionale mes të dyja vendeve”. Akti është firmosur gjatë vizitës së ministrit shqiptar të Jashtëm, Ditmir Bushati në Kinë, ku është takuar edhe me homologun, Wang Yi.

Kina ka lëshuar në hapësirë të parin satelit kuantik(quantum satellite), apo që përdor komunikime përmes kompjuterëve kauntikë.
Sateliti u lëshua të martën nga baza e lëshimit në Jiuquan në shkretëtirën e Gobit dhe shpresohet që të realizojë komunikime të cilat nuk thyhen apo hakerohen me metoda klasike.
Është pra një hap më tej në sigurinë e komunikimeve, thyerja e të cilave krijon kosto gjithfarëshe në një sektor që sa vjen e zë më shumë vend në ekonomi dhe në ushtri.

Qeveria kineze ka bërë të njohur së fundmi planin e saj dhjetëvjeçar në fushën e Teknologjisë së Internetit. Këshilli Shtetëror dhe Komiteti Qendror i Partisë Komuniste kanë zyrtarizuar draftin për strategjinë kombëtare të IT-së, që do të drejtojë politikën e qeverisë kineze në dekadën e ardhshme.

Kina duhet të përgatitet për luftë në det. Kështu citohet të jetë shprehur ministri i Mbrojtjes së Kinës, Chang Wanquan, i cili ka vlerësuar se kërcënimet detare për shtetin kinez po çojnë drejt konfliktit të armatosur. “Ushtria, policia dhe publiku duhet të përgatiten për mobilizim për mbrojtjen e sovranitetit kombëtar dhe integritetit territorial”, ka thënë Wanquan. Mediat ndërkombëtare i kanë lidhur këto deklarime me vendimin e Gjykatës Ndërkombëtare e cila hodhi poshtë pretendimet e Pekinit zyrtar në Detin e Kinës Jugore.

Gjigandët e internetit si Netease, Sina dhe Sohu morën urdhër të hënën nga qeveria kineze të ndërpresin publikmin e artikujve me përmbajtje politike dhe shoqërore që nuk kanë si burim agjencitë shtetërore të lajmeve.
Në urdhër thuhet se përfaqësuesit e së ashtuquajturës gazetari e pavarur, të cilët kanë ndikim të fortë në publik kanë shkelur rregullat dhe kanë manipuluar informacionin.

Gjykata e Arbitrazhit në hagë ka rrëzuar pretendimet e Kinës për të drejta ekonomike në hapësirat e detit të Kinës Jugore. Vendimi po vlerësohet si fitore e Filipineve, një aleate e ngushtë e SHBA-ve. “Nuk ka bazë ligjore që Kina të shpallë të drejta historike”, deklaroi gjykata. Zona për të cilën flitet është një rrugë kalimi detar në të cilën lëviz përmes anijeve një volum tregëtar prej 5 trilionë dollarë. Vendimi përmban 497 faqe dhe cilëson se patrullat kineze kanë rrezikuar përplasjen me anijet e peshkimit filipineze dhe kanë provokuar dëme të pariparueshme në shkëmbinjtë koralorë.

Korrupsioni i elitës është sfida më e madhe me të cilën përballen jo vetëm vendet në zhvillim, por edhe ato të zhvilluara. "Partia Komuniste e Kinës duhet të përshtasë parimet e marksizmit me realitetin e përditshëm dhe t'i bëjë ato të prekshme si në teori ashtu edhe në praktikë". Kështu deklaroi presidenti kinez Xi Jinping, njeherësh edhe Sekretar i Parë i Partisë Komuniste në 95 vjetorin e partisë. Duke iu referuar udhëheqjes kineze, Xi Jinping theksoi se "kërcënimi më i madh me të cilin përballet udhëheqja është korrupsioni".