kina

Autostrada e parë në Malin e Zi ka mbetur pezull. Me 40 ura dhe 90 tunele, ajo ishte parashikuar të ndërtohej me financimin e qeverisë kineze. Që prej nisjes, projekti është karakterizuar nga akuzat për korrupsion, vonesat dhe dëmet mjedisore. Sot, nga 170 kilometrat e planifikuara, vetëm 40 kanë përfunduar.

Shtatë demokracitë më të pasura diskutojnë sot mënyrën se si do të përballen sfidat si Kina dhe Rusia.

I themeluar në 1975 si një forum për vendet më të pasura të Perëndimit për të diskutuar kriza të tilla si embargoja e naftës OPEC, G7 po debaton mbi këto dy vende, por edhe mbi pandeminë COVID-19 dhe ndryshimin e klimës.

"Nuk është qëllimi ynë të përpiqemi të kufizojmë Kinën", tha sekretari i Shtetit, Antony Blinken, të hënën para takimit të parë të ministrave të Jashtëm të G7 që nga viti 2019.

Rreth pesë muaj pas censusit, Kina nuk ka ende rezultatet zyrtare. Zvarritja e afatit të publikimit të të dhënave ka shkaktuar një efekt domino që përfshin, për shembull, statistikat zyrtare të lindjeve, thelbësore për azhurnimin e programeve të shëndetit dhe asistencës. Janë të shumtë ata që e motivojnë këtë vonesë me kohën që i duhet qeverisë kineze për përshtatjen e planeve zyrtare me të dhënat e reja.

Kina ka lëshuar modulin e parë të stacionit orbitues, një element ky i ambicieve të saj për një prani të përhershme njerëzore në hapësirë. Në këtë mënyrë, Kina ndjek gjurmët e SHBA, Rusisë dhe Evropës. Moduli 'Tianhe' siguron mjedis për jetën njerëzore dhe pajisje mbështetëse për astronautët. Ai u lëshua nga Wenchang, provinca Hainan, përmes raketës 'Long-March 5B', bëri të ditur televizioni shtetëror CCTV.

Rusia dhe Kina kanë vendosur të bashkëpunojnë për ndërtimin e një stacioni kërkimor në Hënë. Njoftimin e ka dhënë agjencia ruse e hapësirës, Roscosmos, që përcjell me këtë rast edhe deklaratën e përbashkët me Administratën Kombëtare Kineze të Hapësirës.

Ndërsa shumë vende të botës sapo kanë nisur të përqafojnë teknologjinë 5G, gjiganti kinez i teknologjisë Huawei po planifikon pasardhësin e tij akoma më të shpejtë.

Xu Zhijun, kreu aktual i kompanisë, i cituar nga mediat kineze, thotë se rrjeti 6G do të hyjë në treg në më pak se 10 vjet, deri në vitin 2030.

BE refuzon kërkesën e Malit të Zi për ndihmë në shlyerjen e një huaje të marrë në Kinë. Në një deklaratë për shtyp, zëdhënësja e Komisionit Evropian, Ana Pisonero, tha se BE nuk asiston në ripagimin e huave nga palët e treta.

“Bashkimi Evropian ka krijuar një instrument konkret për të mbështetur projektet kryesore të infrastrukturës në Ballkanin Perëndimor”, tha ajo duke theksuar se Plani Ekonomik dhe i Investimeve, i prezantuar në tetor të vitit të kaluar, do të ndihmonte për të marrë fonde nga investitorë të tjerë publikë dhe privatë, përfshirë Banka e Investimeve.

Autoritetet kineze ka gjobitur me 2.75 miliardë dollarë për shkelje të ligjeve të konkurencës në treg grupin e mirënjohur Ali Baba Group Holding Ltd. Gjoba përbën 4% të të ardhurave vjetore të brendshme të kompanisë së drejtuar nga Jack Ma. Agjencia “Reuters” ka nënvizuar se gjoba në fjalë njofton një erë të re në sjelljen e Kinës ndaj gjigandëve të teknologjisë pasi vitesh me një qasje liberale.

Irani ka gjetur një partner strategjik për të balancuar presionin amerikan dhe sanksionet e vazhdueshme të imponuara nga Perëndimi. Partner është Kina që ka pranuar të nënshkruajë me Teheranin zyrtar një marrëveshje partneriteti strategjik me afat 25 vjet. 

Marrëdhëniet tona me Iranin nuk do të ndikohen nga situata aktuale por do të jenë permanente dhe strategjike

Ambasadorët e Bashkimit Evropian kanë rënë dakord të sanksionojnë katër zyrtarë kinezë dhe një organizatë, lidhur me dyshimet për shkelje të të drejtave të njeriut dhe abuzime në Xinjiang. Ministrat e Jashtëm të BE-së do të votojnë për këtë më 22 mars.

Sanksionet janë praktisht ndalim i udhëtimit dhe ngrirje e aseteve financiare. Emrat e zyrtarëve kinezë nuk janë bërë ende të ditur.

"Masat kufizuese janë kundër shkeljeve serioze të të drejtave të njeriut dhe abuzimeve të miratuara", i tha një diplomat i BE-së agjencisë Reuters.