greqia

Fotoalbumi i postuar këtu është një fotoreportazh historik i ikjes së madhe të shqiptarëve drejt Greqisë. Fotot janë të janarit 1991 dhe kanë për autor Spiro Staveri.

Qeveria greke parashikon të rikthejë pensionet për minoritarët grekë nga Shqipëria, të cilat ishin hequr para më shumë se dy vjetësh. Bëhet fjalë për një kompensim social, me vlerë 260 euro, që do të jepet për gjithë të moshuarit në Greqi, të cilët nuk kanë patur siguracion. Shumica e tyre janë homogjenë nga Shqipëria dhe ish Bashkimi Sovjetik, ka saktësuar ministri grek i punës dhe sigurimeve shoqërore, Jorgos Katrugalos.

Pa një strategji të përbashkët për të menaxhuar fluksin e emigrantëve nga Lindja, Maqedonia dhe Greqia do ta ndajnë kufirin me një gardh me tela si një mënyrë për të kufizuar hyrjen e emigrantëve. Ushtria maqedonase ka nisur prej pak ditësh ndërtimin e gardhit në zonën e Idomenit për të ndalur intervenimin e emigrantëve që duan të kalojnë në Europën Qëndrore.
500 forca janë angazhuar në vendosjen e kolonave në një largësi 3 metra nga njëra-tjetra me një lartësi më shumë një metër.

Që prej datës 18 nëntor helikopterë të ushtrisë greke patrullojnë kufirin jugor me Shqipërinë në kuadër të masave të lajmëruara nga ministri i Mbrojtjes Panos Kamenos për të shtuar ndjenjën e sigurisë te banorët e zonës.

Destabiliteti politik që ka shoqëruar Athinën vitet e fundit, duket se i ka dhënë terren një rebelizmi të verbër që shfaqet gjithmonë e më shpesh në shoqërinë greke. Skena të tilla dhune marrin përmasa në ngjarje më vëmendje të madhe publike siç ishte derbi i futbollit të ligës së parë greke mes Panathinaikos dhe Olimpiakos.
Ende pa nisur loja tifozët hodhën fishekzjarre në fushë, duke dhënë shkëndijën e parë të anarkisë që mbizotëroi më pas brenda në stadium dhe jashtë tij.

Ambasadori shqiptar në Greqi Dashnor Dervishi në një intervistë për Independent Balkan News Agency zbulon se kushti i palës shqiptare për të arritur një marraveshje për çështjen e kufirit detar dhe varrezat e ushtarëve grekë është nënshkrimi i akteve nënligjore që do të bëjë të mundur edhe një marrëveshje për njohjen nga Greqia të kufijve tokësore të Shqipërisë

Shtetet e Europës Perëndimore po shqyrtojnë përjashtimin e Greqisë, Italisë dhe Spanjës nga zona Shengen. Plani që konsiderohet si radikal, synon mbrojtjen e tyre nga rreziku i sulmeve terroriste, ndërlidhur me kulmimin e krizës së refugjatëve.Sipas gazetës britanike Daily Mail, ideja ka mbështetjen e Belgjikës, Francës, Gjermanisë, Luksemburgut dhe Holandës. Ato synojnë të rikonturojnë zonën e qarkullimit të lirë dhe krijimin e një “mini-Shengeni”, me rregulla shumë të rrepta kontrolli.

Qeverisë greke i është dhënë afat deri në fillim të javës së ardhshme për të konkluduar në një marrëveshje me kreditorët. Zëdhënësi i Komisionit Europian, deklaroi se ministrat e financave të eurozonës ka udhëzuar grupin e ekspertëve, Euro Working Group, që të mblidhet jo më vonë se fillimi i javës së ardhshme, me qëllim që të merren vendimet e domosdoshme. “Shpresojmë që masat të finalizohen brenda ditëve të ardhshme”, deklaroi në Bruksel zëdhënësi Margaritis Schinas.

Një shpërthim bombe në një lagje të Athinës ka shkaktuar vetëm dëmtime materiale. Bomba shpërtheu të hënën paradite në një vilë të braktisur në lagjen Marusi, ku strehoheshin prej kohësh elementë anarkistë.
Tri makina që ishin parkuar aty afër u shkatërruan plotësisht, ndërsa u dëmtuan edhe godina fqinje, si dhe u thyen vitrina dyqanesh.
Asnjë organizatë nuk ka marrë ende përgjegjësinë për shpërthimin, ndërsa policia ndodhet në vendngjarje për të mbledhur porova materiale.

Rituali Farmakos(pharmakos) ishte një lloj festivali apo ceremoniali, ku grekët e vjetër sakrifikonin më të shëmtuarit. Zakoni zuri vend sidomos gjatë periudhës së asaj që njihet si murtaja, për të cilin flasin shkrimet e vjetra të grekëve, gjatë shekujve 8-5 p.e.s. Çdo qytet zgjidhte më të deformuarit, të shëmtuarit dhe i likujdonte, dëbonte nga qyteti, apo edhe i hidhte nga ndonjë lartësi për t’i vrarë. Besimi me të cilin motivohej ky zakon që flet për prirjet eugjenike te grekët e vjetër ishte se bota e nëndheshme popullhej nga demonë, shpirtra që personifikonin frikën e njerëzve.