Blloku Ekonomi
Pandemia, BE-ja miratoi 723 mld euro, mbeten pa shpenzuar 500 miliardë euro për Rimëkëmbjen
Fondi i Rimëkëmbjes i Bashkimit Europian, me të cilin supozohej të stimulohej ekonomia e vendeve anëtare pas pandemisë së Covid-19, nuk është shpërndarë as në një të tretën e tij.
Plani i Rimëkëmbjes, me një vlerë prej 723 miliardë eurosh përfundon në vitin 2026.
Vendet anëtare po kërkojnë nga Komisioni të zvogëlojë burokracinë që po i pengon ata të marrin pjesën e tyre nga ky fond ose t'i dekurajojnë që të aplikojnë për të.
SHBA, shqetësim për dominimin e prodhimit kinez
Sekretarja e Thesarit e SHBA-së, Janet Yellen, ngre shqetësimin e dominimit në rritje të prodhimit kinez. Yellen vuri në dukje rrezikun e mbiprodhimit nga prodhuesit kinezë, të cilët kanë eklipsuar kompanitë amerikane.
Ulet me 20% borxhi i jashtëm i Rusisë
Qeveria e Rusisë dhe bizneset e saj e kanë reduktuar në mënyrë të vazhdueshme borxhin e jashtëm. Të dhënat zyrtare flasin për një rënie të buxhetit me 20% vitin e kaluar, duke arritur pikën më të ulët në më shumë se një dekadë.
Në raportin e saj, i cituar nga RT, Banka Qendrore ruse thotë se që nga 1 janari i këtij viti, "borxhi i jashtëm i Federatës Ruse arriti në 316.8 miliardë dollarë, duke u ulur me 68.2 miliardë dollarë, ose me 17.7%, gjatë vitit [2023]".
Paratë e shqiptarëve janë të pastra. Pse i duhej amnistia fiskale kryeministrit?
Ka nisur së fundmi një debat mbi mënyrën sesi maten dhe vlerësohen investimet e huaja në Shqipëri. Kështu, ekspertë të ndryshëm kanë vënë në dukje faktin se përgjatë vitit që lamë pas blerjet në pasuri të patundshme nga jorezidentë kapën shifrën e 325 milionë eurove.
Përtej faktit se kjo raportohet si investim i huaj direkt, duhet thënë se një pjesë e madhe e blerjeve u takon shqiptarëve me pasaportë të huaj.
Një trilion dollarë hidhen në plehra çdo vit
Më shumë se një miliard vakte ushqimore hidhen çdo ditë, ndërkohë që më shumë se 730 milionë njerëz jetojnë në kushtet e urisë në mbarë botën.
Rreth një e pesta e ushqimit shpërdorohet, shpesh për shkak të mbingopjes ose të planifikimit të dobët, ndonjëherë nga mungesa e kushteve të ruajtjes.
Këto janë disa nga rezultatet e një raporti të OKB-së për mbetjet ushqimore, të cilat në total arrijnë një kosto prej rreth 1 trilion dollarë në vit.
Paratë e vështira të naftës ruse
Pavarësisht sanksioneve të Perëndimit, ekonomia ruse tregoi rritje në dy vitet që pasuan ndërhyrjen ushtarake në Ukrainë. E megjithatë, nuk është aq e lehtë sa duket. Firmat ruse të naftës përballen me vonesa deri në disa muaj për t'u paguar për naftën e papërpunuar dhe karburantin pasi bankat në Kinë, Turqi dhe Emiratet e Bashkuara Arabe janë bërë më të kujdesshme ndaj sanksioneve dytësore të SHBA-së.
Mes Fulgencio Batistës dhe Nestor Lakobës
Kryeministri Edi Rama ka folur sot në Konferencën Kombëtare për Arsimin Profesional gjatë së cilës shpërndau direktiva për biznesin, por edhe e analizoi situatën ekonomike në vend nga një optikë optimiste.
Bankat perëndimore, kundër planeve të BE-së për asetet ruse
Disa banka perëndimore po lobojnë kundër propozimeve të BE-së për të rishpërndarë miliarda euro të fituara nga asetet e ngrira ruse, me frikën se kjo mund të çojë më vonë në procese gjyqësore të kushtueshme.
Pak ditë më parë, liderët e Bashkimit Evropian i hapën dritën jeshile një plani që bën të mundur të përdoren deri në 3 miliardë euro në vit për furnizimin me armë të Ukrainës, në përpjekje për të forcuar luftën e Kievit kundër Rusisë, e cila i zotëron ende asetet e ngrira.
Centralet bërthamore në Bullgari/ Spostohet Rusia, SHBA merr rolin e furnizuesit
Rusia po humbet kontrollin mbi rrjetin energjetik të Bullgarisë dhe vendin e saj mund ta zërë Amerika.
Bullgaria, e cila ndërtoi stacionin e saj të vetëm bërthamor me mbështetjen e Bashkimit Sovjetik pothuajse 60 vjet më parë, tani po pret mbështetjen e SHBA-ve, falë dërgesave të të cilave shpreson të kthehet ndër vendet e para të ish-Traktatit të Varshavës që i japin fund varësisë prej dekadash nga Rusia.
Pse nuk tregohen cinikë Kastrati dhe Dulaku të mbrojnë në Arbitrazh 200 mln eurot e Bazës së Sarandës?
Në fjalën e mbajtur para Asamblesë Kombëtare të Partisë Socialiste, kryeministri Edi Rama ka prekur për herë të parë çështjen e portit të Limjonit në Sarandë, vendosur nën sekuestro preventive nga GJKKO, nën arsyetimin se ka shkelur sigurinë kombëtare.