60 vjeçari irakian merr hak për djalin e vrarë, shtie dhe vret 7 terroristë të ISIS-it në Tikrit

Al Kaeda i vrau djalin e madh para 8 vitesh, ndërsa ISIS i vrau djalin 18 vjeçar në fillim të janarit. Kupa e durimit është mbushur për një 60-vjeçar irakian, që ka qëlluar për vdekje shtatë militantë islamikë me kallashnikov, në një pikë kontrolli në qytetin Tikrit. Sipas mediave të huaja, Basil Ramazani, 60-vjeç, qëlloi mbi rojet dhe vrau shtatë prej tyre para se të qëllohej për vdekje të dielën në mëngjes. Terroristët e ISIS-it kanë ekzekutuar në fillim të muajit janar djalin e tij Ahmed Ramazani, 18 vjeç, të akuzuar së bashku me shtatë të rinj të tjerë, të cilët akuzoheshin për bashkëpunim me forcat irakiane të sigurisë.

a.k