Biden tërhiqet nga vaksinimi i detyrueshëm për punonjësit e kompanive të mëdha

Administrata Biden është tërhequr nga urdhri për vaksinimin e detyrueshëm të punëtorëve në kompanitë e mëdha. Në fillim të nëntorit, Administrata e Sigurisë dhe Shëndetit në Punë (OSHA) njoftoi një vaksinimin e detyrueshëm testimin për kompanitë me të paktën 100 punonjës. Rregulli, i cili do të kishte prekur më shumë se 80 milionë punëtorë amerikanë, fillimisht u vendos të hynte në fuqi më 4 janar.

Por shumë shtete dhe grupe biznesi e kundërshtuan rregullin në gjykatë. Më 13 janar, Gjykata e Lartë e pezulloi këtë urdhër, me argumentin se OSHA kishte tejkaluar autoritetin e saj.

“OSHA nuk ka vendosur kurrë më parë një detyrim të tillë. As Kongresi”, citojnë mediat amerikane vendimin e gjykatës. "Në të vërtetë, megjithëse Kongresi ka miratuar një ligj të rëndësishëm që adreson pandeminë COVID-19, ai ka refuzuar të miratojë ndonjë masë të ngjashme me atë që OSHA ka shpallur këtu."

Gjykata la në fuqi vaksinën e detyrueshme për ofruesit e kujdesit shëndetësor që marrin fonde federale të Medicare ose Medicaid. Ky rregull prek 10.4 milionë punëtorë.