Rezolutat venë e vijnë. Ka parti politike në Serbi që duan të lëshojnë sovranitetin e vendit
Serbia e Aleksander Vuçiçit ngjan se po zhytet në një klimë toksike politike, ku mosmarrëveshja për pushtetin po ndan vendin. Kjo u duk që gjatë fushatës elektorale të fundit me mënyrën sesi palët iu adresuan njëra-tjetrës, ndërkohë që marrëdhëniet u acaruan pas zgjedhjeve kur vëzhgues ndërkombëtarë nisën të kritikonin procesin dhe të flisnin për manipulime elektorale.
Sot kemi një rezolutë të Parlamentit Europian që i cilëson zgjedhjet të deformuara dhe kërkon vlerësim ndërkombëtar të tyre. Mirëpo kryeministrja serbe, Ana Brnabiç, ka deklaruar në rrjetin social “X” se:
Rezolutat venë e vinë. Kjo nuk është e fundit, por do të kujtohet përgjithnjë se pati parti politike në Serbi dhe njerëz që kërkuan abrogimin e sovranitetit të vendit
Kështu, elita drejtuese e Beogradit sot, po e lidh pushtetin e vet me shpresën e fundit që Serbia të jetë e pavarur, një nocion ky i ngulitur si prerogativë ekzistenciale e këtij shteti që në finale duket se që këtu e gjeneron krizën permanente në marrëdhëniet me fuqitë e mëdha.
Comments
Ore kaq te lodhur paskan qene
Ore kaq te lodhur paskan qene keta te europes kur ishin zgjedhjet tona sa pertuan te firmosin nje rezolute?
Add new comment