Për një kandidat të përbashkët je dakord?

Ka dalë sot me një koment të vetin për vendimin e GJKKO-së për çështjen Beleri, kryeministri Edi Rama. Ndër të tjera ai citohet:

Referimi nga ana e GJKKO-së e ngërçit që krijohet në vazhdimësinë e përkohshme të detyrës nga ana e kandidatit humbës, përderisa faktikisht kryebashkiaku i zgjedhur mbetet në paraburgim, ndërkohë që kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit, e bën qartësisht të lexueshme dhe lehtësisht të kuptueshme nevojën e daljes nga ky ngërç përmes ndërprerjes së vazhdimësisë së qëndrimit në detyrë të kandidatit humbës, bazuar në praktikat më të mira europiane për sigurimin e shërbimeve publike në bashkinë e Himarës.

Si përfundim, ky vendim i arsyetuar i GJKKO është një konfirmim i padiskutueshëm ligjor i “çështjes Beleri” si një çështje e drejtësisë, assesi e politikës apo kurrësesi e organeve të qeverisë qendrore. Po ashtu arsyetimi i këtij vendimi krijon një premisë pozitive për adresimin e ngërçit të lartpërmendur

Pra: 

1. Z. Rama pranon se Fredi Beleri është fitues.
2. Z. Rama fshihet pas vendimeve të tilla sepse ka fituar atë që druhej më shumë: betimin e Belerit, të cilin mandej duhet ose ta shkarkonte, ose të priste vendimin e gjykatës.
3. Zoti Rama po i thotë Jorgo Goros nuk më duhesh më.
4. Zoti Rama po synon të gjejë një zgjidhje diplomatike për zgjedhjet në Himarë dhe sipas të dhënave të ndryshme diplomatike, ai i ka propozuar kryeministrit grek një kandidat të përbashkët.
5. Zoti Rama është një njeri me inflacion dinjiteti, aq sa një pjesë i rrjedh në ushtrimin e detyrës si kryeministër.