Autogoli i sanksioneve/ Scholz: Gjermania nuk është gati

Gjermania nuk është gati të shkëputet nga varësia e gazit rus. Kancelari Olaf Scholz tha në një fjalim në Bundestag se mjë ndalim i menjëhershëm i importeve ruse të energjisë do të shkaktonte një recesion ekonomik në Gjermani dhe në mbarë Evropën.

Ne do t'i japim fund kësaj varësie [nga nafta, qymyri dhe gazi rus] sa më shpejt që të mundemi, por ta bëjmë këtë nga një ditë në tjetrën do të thotë të zhysim vendin tonë dhe të gjithë Evropën në recesion

tha kancelari duke paralajmëruar se "qindra mijëra vende pune do të ishin në rrezik, industri të tëra do të ishin në prag të kolapsit".

"E vërteta është se sanksionet që janë vendosur tashmë kanë goditur rëndë shumë qytetarë, dhe jo vetëm në pompën e gazit," vazhdoi Scholz, duke argumentuar se sanksionet "nuk duhet të godasin vendet evropiane më shumë se udhëheqjen ruse".

Deklarata e Scholz përfaqëson një refuzim të hapur të thirrjeve të bëra nga disa vende të BE-së, veçanërisht në Evropën Lindore, për një ndalim të shpejtë të importeve ruse të energjisë në përgjigje të luftës së Moskës në Ukrainë.

Por Scholz tha se procesi i shkëputjes nga varësia energjetike ruse tashmë ka filluar.

Në afat të shkurtër, ne po sigurojmë burime shtesë të gazit, naftës dhe qymyrit ... Ne po diversifikojmë burimet tona të furnizimit, tashmë në muajt e ardhshëm. Duke bërë këtë, ne po ndërtojmë terminalet ekzistuese të gazit natyror të lëngshëm në Evropën bregun perëndimor, dhe ne do të ndërtojmë terminalet tona LNG shumë më shpejt se sa kemi deri më tani