Shfaqja e paralajmëruar e Omicron dhe Afrika e Jugut si "atdheu" i mutacioneve

Shfaqja e variantit Omicron në Afrikën e Jugut nuk është rastësi. Kjo sipas bioinformatikanit Tulio De Oliveira, i cili e ka parë prej kohësh këtë vend si terren të favorshëm për varianteve të reja, për shkak të numrit të lartë të të infektuarve me virusin HIV.

Në qershor, një studim i kryer nga De Oliveira dhe kolegët u fokusua te një paciente afrikano-jugore me HIV, e cila mbeti pozitive për COVID për 216 ditë - dhe në atë kohë, shkencëtarët zbuluan gjithsej 13 mutacione unike të virusit nga mostrat e saj. Edhe pse pacientja u shtrua në spital menjëherë pasi rezultoi pozitive, ajo kurrë nuk u sëmur rëndë nga koronavirusi dhe kur medikamentet e saj antiretrovirale u zëvendësuan rreth gjashtë muaj pas studimit, ajo e pastroi infeksionin e saj me koronavirus dhe e vuri nën kontroll HIV-in e saj brenda pak kohësh.

Sidoqoftë, studimi i vazhdueshëm i biomostrave të pacientit zbuloi një total prej 30 ndryshimesh gjenetike, duke përfshirë disa që mund të ndikojnë në mënyrën se si virusi reagon ndaj vaksinave ose trajtimeve.

De Oliveira, i cili paralajmëroi Organizatën Botërore të Shëndetësisë për ekzistencën e variantit Omicron që qarkullon në Afrikën e Jugut, i cili që atëherë është përhapur në Evropë dhe në Shtetet e Bashkuara, po sheh të shfaqet një model i ngjashëm me këtë variant.

Studimi i De Oliveira u anashkalua sidomos në Perëndim. Ai sugjeron se ndërsa pacientët me HIV ose AIDS nuk janë në rrezik shumë më të madh për forma të rënda të Covid-it sesa pacientë të tjerë me sistem imunitar të kompromentuar, ata munden, në situata të tilla si Afrika e Jugut ku shumë njerëz kanë HIV ose të pazbuluar ose të pakontrolluar, të jenë pritës të mutacioneve dhe varianteve sepse virusi mund të mbijetojë më gjatë në trupat e tyre.

Kur hulumtimi fillestar u publikua gjatë verës, De Oliveira u tregua i kujdesshëm duke thënë se këto gjetje mund të "të jenë një mundësi e artë për të kontrolluar epideminë e HIV-it dhe për të mbrojtur botën nga variantet".

Mbeten shumë pyetje për vetë variantin Omicron dhe akoma më shumë për lidhjen e tij me HIV.