Sandri di edhe të gënjejë ( Video)

Ministri i Brendshëm, Sandër Lleshaj me gjasë pas dushit që mori nga kryeministri për njoftimin e procedimeve penale nga policia të 25 protestuesve mes të cilëve edhe Edmond Tupen dhe Robert Aliaj, doli në parlament dhe përgjënjeshtroi gjithçka.

Lleshaj tha se policia nuk ka bërë asnjë procedim dhe se kanë qenë mediat që kanë publikuar një lajm të pavërtetë. Por këtu ai që gënjen hapur është vetë ministri i Brendshëm, Sandër Lleshaj dhe këtë e përgënjeshtron vetë njoftimi i policisë të mërkurën, ku në komunikimin e brendshëm të shpërndarë për mediat cilësohen emrat dhe akuzat për të cilat referohen në prokurori materialet.