Rilindja e Drezdenit
Drezdeni, perla e Saksonisë, është një nga qytetet më të shkatërruar të Luftës së Dytë Botërore. Në shkurt të vitit 1945, në atë që mund të quhet një hakmarrje për Londrën ndër të tjera, forcat ajrore amerikane dhe britanike hodhën për dy ditë dhe dy net, 2 400 tonë eksploziv dhe 1 500 tonë bomba zjarrvënëse . Temperatura nga zjarret arriti në 3000 gradë Fahrenheit me pasojë shkatërrimin total të qendrës baroke dhe vdekjen e 25 mijë njerëzve. Me mbarimin e luftës, qyteti ra nën kontrollin sovjetik dhe në këtë kohë nisi puna për rindërtimin e tij. U deshën vite punë dhe një angazhim edhe nga vullnetarë që të pastroheshin mbetjet e ngurta, ndërkohë që arkitektët u vunë në punë për të skicuar pamjen e re të qytetit. Fotot e mëposhtme tregojnë një evolucion të asaj që ndodhi pas shkatërrimit, që është në fakt një transformim i vërtetë.
Add new comment