shba

Pavarësisht nga ç’thonë politikanët e ndryshëm shqiptarë rreth dekriminalizimit, apo nga veprimet e jashtëzakonshme të tyre në parlament, lepuri fle diku tjetër. Së afërmi, pritet të vijnë në Shqipëri përfundimet përfundimtare të Komisionit të Venecias mbi reformën në drejtësi, dhe në këto përfundime, pritet që të mos atakohen dy entitete të reja, të cilat mund t’i futen me themel luftës kundër korrupsionit të lartë dhe bashkëveprimin e tij me krimin e organizuar.

Të sugjeruara e mbështetura fort nga Uashingtoni e Berlini, ja cilat janë këto dy entitete të reja:

Ndërkohë që në SHBA, kompania Apple po zhvillon një betejë ligjore me FBI-në për të shmangur dekodimin e një aparati që qëllime hetimore, një lajm tjetër që vjen nga jashtë, e përforcon më shumë pasigurinë që ka krijuar komunikimi elektronik. Brazili ka ndërmend të vendosë në punë një kabëll nënujor për komunikime elektrornik me Europën, i cili shmang SHBA-të. Kabëlli do të kushtojë 250 milionë dollarë dhe do të financohet nga komercializimi i tij, pra nga përdorimi i të interesuarve.

“Sa herë që SHBA ka kërkuar që të mbyllë një punë të pistë diplomatike, prej vitesh një vend i panjohur ka ngritur besnikërisht dorën: Shqipëria”. Kështu niste artikulli i “Los Angeles Times”, i datës 10 nëntor 2013 kur në Shqipëri sapo kishte plasur lajmi se qeveria e kryeministrit Edi Rama, vetëm 3 muaj në pushtet, kishte pranuar të merrte armët kimike të Sirisë.

Pranimi i ish-të burgosurve ujgurë në Guantanamo dhe grupit disident të muxhahedinëve ishin dy punët pista të SHBA-së që “LA Times” rendiste në artikullin e saj.

Arabia Saudite është një ndër aktorët kryesorë të luftës që zhvillohet në Siri. Axhenda e saj është shumë e qartë, ndoshta më e qarta ndër të gjitha axhendat: largim i Bashar Al Asadit nga pushteti dhe ndërprerja e një aksi shiit në Lindjen e Mesme. Në një intervistë për revistën e njohur gjermane “Spiegel”,  ministri i Jashtëm saudit,  Adel al-Jubeir, ka deklaruar se vendi i tij mbështet Procesin e Vjenës dhe se në persepktivë është e qartë se Siria do të jetë pa Assadin.

“Reuters” njofton për një ndodhi “të çuditshme”: një spital në SHBA ka paguar hakerat për të rimarrë kontrolin e sistemit kompjuterik, pas një sulmi kibernetik. Më tej akoma, pagesa u bë në Bitcoin, në vlerën ekuivalente me 17 mijë dollarë. Subjekt i lajmit është Qendra Mjekësore Presbiteriane në Hollywood e cila ka realizuar këtë ndërhyej me anë të njerëzve që operojnë jashtë ligjit. “E shpejtë dhe efiçente”, kështu cilësohet rruga e gjetur për të zgjidhur një problem shumë serioz.  

Lojë apo shqetësim i vërtetë nga Donald Trump? Mediat amerikane, disa prej tyre të paktën, i kanë përfshirë të dy skenarët si të mundshëm; para disa javësh u fol se Trump ishte njeri i demokratëve në fushatë që synon te rrënimin e fushatës republikane. Por sot, presidenti aktual, Barack Obama, ka dalë me një qëndrim që e konsideron Trump një zgjedhje të pamundur, pasi amerikanët janë të zgjuar. “Ata e dinë se të jesh president është një punë serioze. Nuk është si të drejtosh një talk show, apo reality show, nuk është marketing.

Vizita katër orëshe e John Kerryt në Tiranë, la pas një lajm të vetëm të trajtuar gjerësisht në mediat shqiptare dhe ato të huaja: Shqipëria do të pranojë edhe 2000 muxhahedinë të opozitës iraniane, ndonëse siç tha kryeministri shqiptar në prononcimin për shtyp “do t'i pranojmë por për këtë nuk folëm në bisedën me Sekretarin amerikan të Shtetit”. Vëmendja në këtë pikë dëshmon për atë se çfarë është realisht Lajm nga Shqipëria në ngjarje politike të këtij niveli. Të tjerat janë thjesht llogje të Tiranës politike.

Mediat e huaja i bënë jehonë vizitës së sekeretarit amerikan të Shtetit, John Kerry në Tiranë dhe një marrëveshje të mbyllur me qeverinë shqiptare për strehimin në Shqipëri të 2 mijë muxhahedinëve iranianë. Iefimerida.gr raporton se nuk është hera e parë që qeveritë shqitarë marrin përsipër të strehojnë muxhahedinë. I prari që pranoi një kërkesë të amerikanëve për strehimin e 210 muxhahedinëve të opozitës iraniane ishte ish-kryeministri Berisha në Maj të vitit 2013. Edi Rama ra dakord të pranojë 2 mijë nga 2 mijë e 800 të tillë  që gjenden aktualisht në bazën amerikane “Liria” të Irakut.

Një hollësi që mund të ketë kuptim, nisur nga trajtimi që disa media i bënë vizitës së John Kerryt në Tiranë. U nënvizua me forcë se sekretari amerikan i Shtetit nuk do të takonte Ilir Metën, që mban detyrën e kryetarit të Kuvendit. Edhe gjatë vizitës së Victoria Nuland, pak muaj më parë u soll në vëmendje ky fakt. E vërteta është se axhenda e një zyrtari kaq të lartë si Kerry, nuk është se mund të lexohet gjithnjë me syzet simbolizuese të koniunkturës politike në Tiranë. Por duhet thënë se sot LSI-ja dhe as Kuvendi, nuk u prononcuan, as e përshëndetën vizitën e Kerryt.

Siguria kibernetike konsiderohet së fundmi si thembra e Akilit për sigurinë e Shteteve të Bashkuara të Amerikës. Administra Obama e ka ngritur këtë shqetësim në nivelin më të lartë dhe Presidenti amerikan deklaroi para pak ditësh se “siguria e Amerikës do të thotë edhe të përmirësosh sigurinë online”. Në një shkrim të revistës “Foreign Policy”, shkruhet se ai që deri më dje konsiderohej si avntazh strategjik, sot po kthehet në kërcënimin kryesor. Interneti me të gjitha shërbimet që derivojnë prej tij, e kanë kthyer SHBA-në në qendër sulmesh globale, të cilat sa vijnë e sofistikohen.