rusia

Ministri turk i Mbrojtjes, Hulusi Akar ka deklaruar se Turqia shpreson në një takim të afërt mes presidentit rus, Vladimir Putin dhe atij ukrainas, Volodymyr Zelenskiy. Komentet Akar i bëri pas takimit konsultativ të Perëndimit në bazën amerikane të Ramstein në Gjermani. 

Ne shpresojmë se pavarësisht vështirësive, të dy liderët do të jenë në gjendje të takohen në ditët e ardhshme falë propozimeve të presidentit tonë Erdogan

është shprehur Akar. 

Shtetet e Bashkuara të Amerikës kanë organizuar dhe drejtuar sot një konferencë me 40 vende të ndryshme me synim armatosjen e Ukrainës. Konferenca është zhvilluar në bazën ajrore amerikane të Ramstein në Gjermani, një sinjal ky që tregon ndryshime të mëdha në mjedisin e sigurisë në kontinent. Sekretari amerikan i Mbrojtjes, Lloyd Austin ka deklaruar se synimi është që të ndihmohet Ukraina të fitojë kundër një invazioni të padrejtë të Rusisë. Por edhe për të mundësuar që Ukraina të ndërtojë një mbrojtje efektive për të nesërmen.

Sekretari britanik i Mbrojtjes, Ben Wallace, ka deklaruar se Rusia ka humbur në fushatën ushtarake në Ukrainë, 15 000 trupa në vetëm 9 javë.

Vlerësimi ynë është se rreth 15 000 trupa ruse janë vrarë gjatë ofensivës së tyre

citohet Wallace.

Bashkimi Europian nuk do të vendosë embargo të përgjithshme ndaj naftës ruse për shkak se brenda bllokut ka kundërshtime. Të paktën këtë raporton agjencia ruse e lajmeve “Tass”, sipas së cilës një lajm të tillë e ka përcjellë Përfaqësuesi i Lartë i  BE-së për çështjet me Jashtë dhe Politikën e Sigurisë, Josep Borrell. 

Do të jetë shumë e vështirë të arrihet konsensus ndaj dërgesave ruse të naftës apo rritjen e tarifave, për shkak se disa vende anëtare kanë njoftuar tashmë se do të vënë veton ndaj një vendimi të tillë

Presidenti i Rusisë Vladimir Putin, ka folur për një çlirim të Mariupolit. Në një takim me ministrin e Mbrojtjes, Sergey Shoigu, Putin ka kërkuar që operacioni ushtarak mbi kompleksin industrial “Azovstal” të ndërpritet. Sipas agjencisë së lajmeve “Tass”, Putin ka kërkuar që impianti të rrethohet dhe të mos lejohet që asgjë të  mos dalë jashtë.

Prej 24 shkurtit, ditë kur Rusia nisi në Ukrainë atë që e quan operacion special, Perëndimi i është kundërpërgjigjur duke furnizuar me armë Kievin dhe duke vendosur sanksione mbi ekonominë ruse.

SHBA-të nga njëra anë dhe Europa nga ana tjetër kanë unifikuar qëndrimin përballë Rusisë, lidhur me atë që e cilësojnë agresion ushtarak në Ukrainë.

Presidenti ukrainas, Volodymyr Zelensky, i kërkoi homologut amerikan, Joe Biden, të vendosë Rusinë në listën e zezë të shteteve që sponsorizojnë terrorizmin, një masë që Shtetet e Bashkuara nuk e morën as gjatë Luftës së Ftohtë.

Lajmin e bën të ditur Washington Post, duke cituar burime në dijeni me kërkesën.

Peshkimi është biznes fitimprurës në Rusi dhe lidhet ngushtë me projeksionin e Kremlinit dhe Presidentit Vladimir Putin për pushtetin në det.

Rusia është një nga prodhuesit kryesorë në botë të ushqimeve të detit dhe ishte eksportuesi i tetë më i madh në Shtetet e Bashkuara vitin e kaluar, me më shumë se 1.2 miliardë dollarë shitje.

Por nuk dihet saktësisht se sa arrin të zbarkojë në SHBA me anë të Kinës, e cila nga ana e saj dërgoi 1.7 miliardë dollarë peshk në SHBA vitin e kaluar.

Evropa nuk është ende e bashkuar sa duhet për ta bërë Ukrainën më të fortë dhe për ta dobësuar Rusinë. Kryeministri slloven, Janez Jansha, thotë se BE-ja duhet të dërgojë "ndihmë ushtarake" në Ukrainë.

"Unë mendoj se reagimi evropian ndaj agresionit rus ishte shumë më i bashkuar dhe shumë më i fortë se sa pritej në Kremlin, po sërish nuk ishte mjaftueshëm i fortë. Duhet të përqendrohemi në ndihmë ushtarake për Ukrainën, sepse përndryshe, kjo luftë do të vazhdojë”, shtoi Jansha.

Drejtori i shërbimit amerikan të inteligjjencës, William Burns ka deklaruar se kërcënimi i Rusisë për të përdorur armë bërthamore taktike apo me veprim të kufizuar në Ukrainë, është marrë seriozisht dhe nuk mund të injorohet. Sipas tij, CIA ka evidenca praktike që përforcojnë këtë shqetësim i cili mund të shëndërrohe në skenar operativ për shkak të dështimit të dukshëm të Vladimir Putin për të arritur objektivat e vet në Ukrainë.

Askush prej nesh nuk mund të marrë lehtë kërcënimin për përdorimin e armëve bërthamore taktike