Blloku Politikë

Pak ditë përpara zgjedhjeve të 14 majit në gazetën greke “Kathimerini” është shfaqur një shkrim i autorit Stavros Tzimas që vë theksin te gara në Himarë. Shkrimi megjithatë shoqërohet me një fotografi nga Dropulli. Tzimas pranon se socialistët e Edi Ramës kanë më shumë gjasa të fitojnë, pavarësisht akuzave të shumta për korrupsion dhe faktit se komuniteti ndërkombëtar nuk po identifikon një alternativë. Situata elektorale në Himarë për Tzimas paraqitet kështu:

Socialistët kanë hequr dorë nga termi ndryshim. I përdorur së tepërmi, termi në fjalë nuk kumton më asgjë me kuptim: nga të vijë ndryshimi në një vend ku nuk ka asnjë ide?

Në një postim të vetin në Facebook, ish-numri dy i Forcës Detare, Artur Meçollari, sjell në vëmendje një çështje që mund të sjellë pasoja për Shqipërinë. Fjala është për negociatat me Greqinë për delimitimin e ujërave detare, për të cilën të dyja vendet kanë rënë dakord ta çojnë në Hagë për gjykim ndërkombëtar. Problem që shtron z. Meçollari lidhet në të vërtetë nga një mungesë e plotë transparence nga qeveria shqiptare.

Në një intervistë televizive, ekonomisti Dritan Shano, ka bërë këtë vërejtje që synon të kumbojë fort për veshët e më të paditurit.

SHBA ka shpallur non-grata për minim të demokracisë, Sali Berishën. Kjo është aq e rëndë sa per ta kuptuar, kujtojmë që SHBA-të nuk kanë shpallur non-grata, as Enver Hoxhën. Interesi i Shqipërisë është një marrëdhënie e mirë me SHBA-në dhe Britaninë e Madhe.

Kryeministri i Shqipërisë ka vetëm një bast në këto zgjedhje: Shkodrën. Jo sepse ka ankthin e progresit në qytetin e Veriut, por sepse me marrjen e Shkodrës, z. Rama do të ketë mundësi të poshtërojë sipas mendësisë së vet, Sali Berishën, dhe kështu do të izolojë frikën e tij nga kundërshtari kryesor politik sot.

Poshtërimi i kundërshtarit është shprehje frike dhe siç është thënë e përsëritur, nuk ka asgjë të mençur në të ashtuquajturat fitore totale. Megjithatë nga ana formale z. Rama është në rregull: ai hyn për të fituar dhe ka të drejtë ta pretendojë një gjë të tillë.

Në një debat televiziv nënkryetari i Bashkisë së Tiranës, Arbi Mazniku, shpjegoi sesi përballohet blerja e një apartamenti në kryeqytet: 

Çmimi mesatar i apartamenteve në Tiranë është 1187 euro, çmimi është 94 mijë euro dhe të ardhurat mesatare mujore të një njeriu në Tiranë janë 650 euro, të ardhurat vjetore 7800 euro. Një njësi familjare me dy veta, janë 15600 euro dhe me këtë nivel i duhen 18 vjet për ta paguar shtëpinë. Ndërkohë me rrogën e re prej 900 eurosh tani bëhet për 13 vjet

Në një deklaratë të tijën në Greqi, kryeministri i Shqipërisë, Edi Rama tha ndër të tjera se Serbisë nuk i duhet bërë presion për sanksionet ndaj Rusisë, për shkak se Serbia varet nga gazi rus. Ky është një argument komod. Mirëpo edhe Gjermania varej nga gazi rus, edhe Hungaria, edhe Ukraina, e megjithatë askush nuk pësoi kolaps për shkak të sanksioneve.

Në faqen e Facebook të kryeminstrit shpërndahet sot një video e re lejtmotivi i së cilës është dallimi mes Shqipërisë së qeverisë së PS-së dhe asaj para saj.

Në pjesën e dytë të video thuhet se Shqipëria po bëhet përditë e më e fortë, pagat po rriten si asnjëherë më parë, ekonomia po zhvillohet apo edhe bashkitë po ashtu.

Kjo e gjitha meritë e Partisë Socialiste, premtim ky gati profetik përkundrejt dyshes Meta-Berisha që përfaqësojnë prapakthim.

Në një takim elektoral në zonat e Elbasanit, Damian Gjiknuri, numri dy i Partisë Socialiste, ka vënë në dukje rëndësinë e votës pro PS-së në zgjedhjet lokale të 14 majit, për të shmangur siç u shpreh ai, një votë opozitare që do të prishte bashkëpunimin mes qeverisë dhe bashkisë.

Z. Gjiknuri ka shpjeguar se historia e marrëdhënieve qeveri-bashki kur ka kahe të ndryshme politike në drejtim është negative, pasi ndodh siç u shpreh ai “bashkia kthehet në bunker politik”.

Skënder MInxhozi ka këshilluar sot në distancë kolegët e vet në media që të mësojnë ta shohin si duhet rrezikun “Berisha”. Nisur nga një lapsus i Berishës për emrin e një kandidati – a thua kanë rëndësi kandidatët në këto kohë – Minxhozi vë në dukje se ironizimi i Berishës në këtë rast është gabim, pasi ish-kryeministri nuk është problem si një politikan sklerotik. Përkundrazi, MInxhozi na kujton se Berisha ka shumë energji dhe se ai përfaqëson një rrezik pasi nuk ka ndryshuar asgjë nga stili i vet.