Blloku Politikë

Është shfaqur sot në një takim me përfaqësues të biznesit të madh kryeministri Edi Rama, të cilit i ka ardhur goja sërish pas stuhisë me FBI-në, ku mbeti për disa javë memec dhe vuv. Dhe mbeti i tillë duke rrezikuar shumë, sepse të gjithë panë se jeta vazhdon dhe është më e mirë pa ndotjen akustike të gënjeshtrave të këtij njeriu, se madje problem psiko-social i këtij vendi është pikërisht pushteti i tij.

E ashtuquajtura dramë parazgjedhore në Shqipëri u konsumua si të gjitha ato që kemi parë: në zgjedhje do garojnë po ata që kemi parë vërdallë këto dekada. Pavarësisht se çfarë komente bëri Ilirjan Celibashi. 

Skena është po ajo: PS përballë PD+LSI dhe një parti me vulë PD-je që apelon mesazhin e bashkimit për të konfonduar deri në fund elektoratin dhe për të ruajtur një rezervë riintegrimi nesër. 

Silva Caka, sekretare për marrëdhëniet me publikun në Partinë e Lirisë deklaroi në studion e lajmeve të MCN Tv se në koalicionin mes PL dhe “Rithemelimit” nuk ka asnjë kompleks në lidhje me përcaktimin e vendeve në listën e Këshillave Bashkiak.

Duke vijuar më tej me shpjegimin e saj, Caka tha se në vazhdën e vendimeve të KQZ dhe KAS u pa e udhës të mos lihet pa përfaqësim dhe garë asnjë figurë potenciale dhe se kjo nuk do të thotë që kjo është një tërheqje e PL.

Më tej, Caka tha se koalicioni fiton së paku 31 bashki dhe ndër to dhe bashki të mëdha.

Në një përgjigje për MCN Tv, Agjencia për Media dhe Informim e drejtuar nga Endri Fuga dhe ndoshta krijuar për t’i gjetur edhe atij një punë drejtori, financohet me 230 milionë lekë, për të trajtuar problemet e informimit dhe transparencës për vendimet e institucioneve.

“Zëri i Amerikës” raporton për vendimin e gjykatës përmes të cilit u vu në sekuestro baza e Sarandës. Sipas gjyqtarëve:

Pas vizitave në SPAK të Bardhyl Kollçakut dhe Artur Meçollarit njoftohet se prokuroria antikorrupsion ka vënë në sekuestro preventive bazën ushtarake detare të Sarandës, që i është kaluar me koncesion subjekteve private. Çështja është shndërruar në dosje penale pas kallëzimit të Meçollarit që ka njotuar se kalimi i pronës është bërë pa e nxjerrë bazën nga Plani i Përhapjes. Në krye të kësaj xarbe: Olta Xhaçka, ish-ministre e Mbrojtjes. Xhaçkës i ka ardhur fletë thirrja për në SPAK, një lajm i mirë ky pse administron kështu dëshminë e dikujt që është fshehur gjatë pas Kryeministrit. 

Në një lidhje televizive në Tiranë, Artan Grubi, zv.kryeministër i Maqedonisë së Veriut, ka deklaruar ndër të tjera se:

Do të arrijmë heqjen e kufirit me Shqipërinë. Kjo do të mundësojë shumë më tepër se lëvizje të mallrave e të njerëzve.  

Do të mundësojë që njerëzit të njihen më tepër, martesat të bëhen më të shpeshta midis shqiptarë të Shqipërisë dhe shqiptarëve të Maqedonisë së Veriut. Shqiptarët e Maqedonisë do mund të blejnë prona në Durrës, apo Tiranë.

Takimet e Yuri Kim me përfaqësues të politikës ishin lajmi i ditës. Kështu u përcoll në disa media. Turi i ambasadores amerikane në seli të partive politike shqiptare. Zonja Kim ka takuar Damian Gjiknurin, numër dy i PS-së, Ilir Metën dhe Enkelejd Aliebeajn. 

Një opinion i djeshëm i Peter Lucas në një ndër gazetat më të vjetra amerikane, “Boston Herald”, apelonte që gjyqi i Charles McGonigal, ish-operativit të FBI-së në Neë York të zhvillohet në Tiranë.

Sepse aty janë dëshmitarët…dhe aty McGonigal u bë i pasur pa vënë në dijeni FBI-në

Gjatë mocionit me debat dje në Parlament, kryeministri Edi Rama paralajmëroi, apo la të kuptohej se në ShBA është duke u përgaitur një tjetër shpallje non grata për një tjetër njeri të politikës shqiptare. Ky ishte të paktën nënteskti kërcënues. 

Zoti Rama duket vetëm në këtë betejë, të paktën publikisht. Ai nuk ka me vete ambasadoren amerikane që arridi deri aty sa ndërhynte brutalisht në zhvillimet e opozitës. Por ai po flet si dikush që ka informacion në ShBA.