Blloku Politikë

E gjendur përballë akuzave për shtimin e hapësirave të mbjella me kanabis dhe lidhje të strukturave policore me kultivimin dhe trafikun e lëndëve narkotike, qeveria ka kërkuar mirëkuptim për luftën e vështirë me këtë fenomen dhe më kryesorja ka propozuar që për këtë çështje të ketë një lloj konsensusi meqë politika provoi se është e aftë ta arrijë  dakordësinë si në rastin e reformës në drejtësi.

Opozita ka paraqitur sot opinionin e saj për Ligjin e Prokurorisë Speciale, e njohur ndryshe si SPAK, organ që  hetojë çështjet e korrupsionit të zyrtarëve të Lartë. Relacioni pasqyron disa kundërshti që kanë të bëjnë me varësinë e strukturave të kësaj Prokurorie nga qeveria apo agjencitë në varësi të saj.

Prononcim i Kryetarit të Partisë Demokratike Lulzim Basha pas mbledhjes së grupit.

Grupi Parlamentar i Partisë Demokratke është mbledhur sot për herë të parë që nga zgjedhjet e Dibrës. U përfolën debate e kërkesa për mbledhje të forumeve, por pas tij, kryetari i partisë, Lulzim Basha përcolli mesazhin politik të vijës së deritanishme që e lidh humbjen me faktorë jashtëpolitikë.

Shqipëria ka marrë mirënjohjen e Sekretarit amerikan të Shtetit, Xhon Kerry për strehimin e muxhahedinëve. Në një konferencë në Uashington, Kerry foli për një traditë të shqiptarëve në pritjen e grupeve vulnerabël.

Rezultati suprizë i zgjedhjeve në Dibër ka shtuar tensionin brenda opozitës, që akuzon mazhorancën se i bleu zgjedhjet me paratë e parcelave të kanabisit. Një deklaratë që tregon tensionin në radhët e politikës  është ajo e deputetit të Partisë Demokratike, Flamur Noka, në Komisionin e Sigurisë. Ai tha se policia është e përfshirë në mbjelljen e kanabisit dhe se përplasjet për pazaret e drogës ku janë të implikuara edhe segmente të shtetit do të sjellin viktima.

Kryeministri Edi Rama ka përcjellë sot një mesazh të qartë rreth debatit të krijuar mbi regjistrimin në shkollat e larta. Ai ka zgjedhur të takojë një grup të maturantëve ekselentë, të cilët siç kemi parë këto muaj, janë nga ata që preferojnë të marrin teserat e PS-së me ceremoni të posaçme. Duke folur para tyre, Edi Rama theksoi se reforma e re favorizon më të mirët, ndonëse kjo qasje e delegon besimin për cilësi te sistemi i shkollave të mesme, ku është identifikuar problemi i analfabetizmit funksional.

Gazetarët e emisionit investigativ Fiks Fare zbuluan sesi familjarë të kandidatit të Partisë Socialiste, Muharrem Rama, ofronin vende pune në këmbim të votës për qytetarë të ndryshëm në zonat e kësaj bashkie. Nga investigimi i Fiks Fare u zbulua se fillimisht qytetarët duhej të paraqiteshin në shtabin elektoral të PS-së dhe të shënonin emrin si votues të PS-së që do të paguheshin në këmbim të votës.

Dje kandidati i i “së majtës” fitoi 56% të votave në bashkinë e Dibrës. Pothuaj të njëjtën përqindje morën partitë mështetëse të tij 11 vjet më parë – në zgjedhjet e 2005-ës. Siç duket qartë edhe nga grafiku shoqërues, një pjesë e votuesve dibranë janë të prirur të votojnë këdo që është në pushtet – “të majtët”, kur ata janë në pushtet, dhe anasjelltas.

E.Z.

Muharrem Rama, kandidati i majtë për zgjedhjet e bashkisë së Dibrës fitoi garën ndaj rivalit të tij Sherefedin Shehu. Avantazhi i Ramës në 118 kutitë e numëruara Rama është 4 160  vota dhe kësisoj, kandidati i koalicionit të majtë do të jetë kryetari i ri i bashkisë së Peshkopisë. Votimi i djeshëm u shoqërua nga akuza për blerje votash nga të dy palët politike. Ndërsa PD akuzoi se banorët e një fshati në Dibër kapën një fugon me miell që do shpërndahej në këmbim të votës, nuk munguan as akuzat për fotografimin e votës nga të dyja palët.

Sot zhvillohen zgjedhjet për pushtetin vendor në Dibër, pasi ish-kryetari i Bashkisë, Shukri Xhelili, u largua pas një skandali seksual.

Por siç pritej dhe ndjehej situata ka degraduar në një ballafaqim mes kontigjenteve gjithfarëshe me të cilat adhamudhët e Tiranës, luajnë politikë në periferi.