Blloku Politikë

Çamët e PDIU-së kanë marrë një tjetër tortë të pushtetit pas mbështetjes së Partisë Socialiste për fitoren në Dibër. Panorama thotë se Partia e Idrizit do të drejtojë Entin Kombëtar të Banesave.

Burime i thanë gazetës se mëngjesin e sotëm ka dhënë dorëheqjen Doris Andoni drejtoresha e Entit Kombëtar të Banesave. Në vend të saj është emëruar një përfaqësuese e Partisë për Drejtësi, Integrim dhe Unitet.

Vendimi kontravers i qeverisë për të rikthyer importin e plehrave është besëprerje ndaj zgjedhësve. Kështu komenton për gazetën “Shekulli” Agron Alibali projektligjin për Menaxhimin e Integruar të Mbetjeve që i propozohet për miratim kuvendit nga mazhoranca që  4 vite më parë e ktheu në kalë të betejës së betejës së saj opozitare.

Në artikull theksohet edhe heshtja e ambasadorëve për një ligj të tillë që ka ngjallur reagimin e disa shoqatave ambjentaliste dhe përfaqësuesve të shoqërisë civile.

Gazeta Shekulli shkruan se ish-kryeministri i Britanisë së Madhe, Toni Bler ka deklaruar se do të mbyllë firmën e tij të konsulencës, dhe kësisoj vihet në pikëpyetja edhe aistenca e tij si këshilltar pranë Edi Ramës.

Pas negociatave PS-LSI ligji për sigurinë publike apo si njihet ndryshe ligji i kamerave që është në komisione parlamentare ka pësuar ndryshime në 8 nene. Me kryesoret janë heqja e detyrimit për të gjithë bizneset për të instaluar kamera si edhe vendosja e rregullave për administrimin e materialeve të filmuara prej tyre.

"TemaTv"

Reagime të ashpra ka shkaktuar një video e 4 ditëve më parë ku policë të bardhë qëllojnë për vdekje një të 40-vjeçar me ngjyrë të paarmatosur në Oklahoma të Shteteve të Bashkuara. Nga imazhet e marra nga një helikopter i policisë,  duket personi me ngjyrë që shkon me duart lart drejt makinës së tij. Fillimisht ai bie pa ndjenja dhe më pas qëllohet për vdekje nga policia.

Zgjati vetëm 3 vjet zotimi solmen i Edi Ramës për ndalimin e importit të plehrave. Gazeta “Shekulli” ka risjellë një fjalim të kryeministrit Rama, për ndalimin e importit të plehrave, të cilin qeveria e miratoi menjëherë pas ardhjes në pushtet, por që 3 vite më vonë e amendon për të lejuar importin e mbetjeve.

*   Një pjesë e fjalës së kryeministrit në seancën plenare, datë 3 tetor 2013, gjatë diskutimi të projektligjit “Për disa ndryshime në ligjin nr. 10463, datë 22.09.2011 “Për menaxhimin e integruar të mbetjeve”, të ndryshuar”.

Nga Edi Rama

Tri pikat e debatuara mes Tiranës zyrtare dhe Athinës, ligji i luftës, problemi çam dhe delimitimi i zonave detare, mbeten në tryezë pa asnjë moment përafrimi. Demarshet e para disa muajve të ministrit të Jashtëm grek, Nikos Kotzias, përfunduan pa rezultat, sa kohë që kërkesa kryesore e qeverisë shqiptare ishte heqja e ligjit të luftës, e cila mund të jetë edhe në funksion të aleancës së PS-së me PDIU-në.

Në një intervistë për “Albanian Daily News”, ambasadorja e Greqisë në Tiranë, Eleni Sourani ka konfirmuar qëndrimin e Greqisë për këto çështje.

“Albanian Daily News” i ka marrë një intervistë ambasadorit rus në Tiranë, Aleksander Karpushin. Intervista e realizuar nga gazetarët Genc Mlloja dhe Denisa Hunci i ka qëndruar larg diskutimit për temën e Kosovës, duke u përqendruar në pasojat e Samit të G20 në Kinë, pozicionit të Rusisë në marrëdhëniet ndërkombëtare, raportet e saj me vende të Ballkanit dhe shtysat për bashkëpunimn me Shqipërinë.

Faqja “lapsi.al” raporton sot se Klement Balili është parë dje në hotelin “Santa Quaranta” ku zhvillohej një dasëm. Policia sipas kësaj faqeje nuk ka ndërhyrë për të arrestuar personin që është shpallur në kërkim, i cili madje ka qenë në tavolinë me kreun e PS-së së Tepelenës, Dino Selimi. Këto të dhëna referon “lapsi.al”.