Blloku Politikë

Sipas raportit të Guardia di Finanza-s për vitin 2015 (botuar në gazetën italiane Corriere della Sera), në Shqipëri u mbollën vjet 243 mijë bimë kanabis sativa – një trefishim ky në dy vjet (shih grafikun shoqërues të Guardia di Finanza-s). Në vitin 2013, mbi 90% e bimëve të kanabisit ishin përqendruar në Lazarat. Ndërsa në vitin 2015 ishin shpërndarë në vende të tjera.

Me një orë ku dëgjohet tik – taku, një këmbanë që bie njëherë në këtë të djelë dhe bariu i progresistëve, kryeministri Edi Rama, ju fton në komunikim. Rubrika e re, e quajtur Komunikimi i Javës, është marrë sot, në puntatën e parë, me zgjedhjet në Dibër. Duke fërkuar këmbët dhe duke i dhënë trupit sa para mbrapa, me një gromësimë të lehtë, tiku nervor i përhershëm i Edi Ramës edhe para selfo-intervistave si kjo, e vërteta e Dibrës na shfaqet kështu me zë dhë me figurë. E vërteta u takon fitmtarëve, pasi edhe ata dëgjohen më së shumti në këto kohë.

Mbajeni hapur televizorin këto ditë. Ndiqeni me vëmendje. Lëvizja Socialiste për Integrim po zhvillon zgjedhjet për kryetar, ku merr pjesë shkëlqesia e tij, Ilir Meta, i cili në vitin 2004 kur themeloi partinë caktoi si normë statutore zgjedhjen vetëm për dy mandate. Kanë kaluar 12 vjet, por dëshira e anëtarësisë nuk e lë Ilir Metën të shqitet nga partia e për pasojë as nga Shqipëria. Dekor në këtë maskaradë demokracie është Shezai Rrokaj, profesor gjuhësie, i cili në ndryshim nga sa pritet nga akademikët, ka dëshmuar frymë të lartë partishmërie.

Shenjtërimi i Nënë Terezës dhe procedurat e nisura nga Vatikanit për shenjtërimin e priftit kardinalit katolik Stepinac kanë zgjuar ndjeshmëri në qarqe jo vetëm fetare, por edhe mediatike e mesa duket edhe politike në Ballkan.

Gazeta konservatore greke "Kathimerini" shkruan se Patriarkana Ekumenike e Stambollit ka reaguar ashpër, po ashtu edhe Beogradi. Në një lëvizje simbolike Patriarku Bartolomeu vizitoi kampin e Jasenovaç në Kroaci ku u masakruan nga gjermanët mbi 50 mijë serbë, 80 mijë hebrej dhe 30 mijë romë.

Çështja DIA dhe Katriot Ismailaj janë kthyer në vëmendje pas dëshmisë së dhënë nga ish-juristi i kompanisë, Romeo Karaj që akuzon administratorin e DIA-s se ka gënjyer për partneritetin me një kompani amerikane dhe ka manipuluar shifrat e mbledhjes së borxheve të CEZ.  

Faktet e bëra publike nga ish-juristi i Ismailajt nuk rëndojnë vetëm pozitën e këtij të fundit, por edhe të ministrit Gjiknuri, i cili u shpall si heroi i marrëveshjes së mirëkputimit mes CEZ dhe qeverisë shqiptare.

Vera ishte e mbushur me teatër politik dhe karagjozë që negociuan për veten në emër të atdheut. Edhe vjeshta duket me supriza. Nuk po na i kursen LSI-ja, pjesë e Aleancës për Shqipërinë Europiane.

Partia e Ilir Metës është  forca politike që operon me matematikën 1+1 = 2, por kjo nuk e pengon të  prodhojë shfaqje  të tipit demokraci dhe garë, aq më tepër kur bashkë me matematikën kjo parti po promovon edhe akademikë të linguistikës, si profesor Shezai Rrokaj. Ai do të sfidojë Ilir Metën në garën për kryetar të LSI-së në 6 nëntor ku do të votojë e gjithë anëtarësia.

Ambicja e Ilir Metës për të qenë president i vendit ka kohë që përflitet dhe tashmë duket se ka ardhur koha që të hidhet edhe në publik si formulim i planit të koalicionit të majtë për një Shqipëri Europiane. Dikur njeriu me bllok, tani aleat i domosdoshëm, "pronari" i LSI -së duket se ka punuar mjaftueshëm që edhe PS të kuptojë se çfarë duhet të bëjë.

Kur qeveria po shijonte frytet e një fitore dërrmuese në Dibër dhe ministri i Brendshëm ishte në apogjeun e një fushate televizive në parcelat e kanabisit, rënia e avionet Piper inë bregdetin e Ishmit e shndërroi shfaqjen në një komedi politike me në krye kryeministrin dhe pas tij ministrin e Brendshëm. çorientimi u pa qysh në filim kur ish-ministri Flamur Noka bëri publik lajmin. Të kapur në befasi, kryeministi la sallën e kuvendit, ministri Tahiri nisi telefonatat dhe kryetari i kuvendit ndërpreu seancën e kuvendit.

Ambasadori amerikan në Tiranë Donald Lu ishte një nga aktorët vendimtarë në miratimin e reformës në drejtësi. Donald Lu doli madje në një protestë me disa të ashtuquajtur qytetarë për të kërkuar miratimin e një drafti që po negociohej.

Ka një fakt të njohur për këtë qeveri. Pas Edi Ramës, ministrat apo zyrtarët më të fuqishëm të saj janë:

Ministri i Brendshëm Sajmir Tahiri, ministri i Shëndetësisë, Ilir Beqaj, ministri i Energjetikës, Damian Gjiknuri dhe kreu i OSHEE-së, Ardian Çela.

Pseja e kësaj fuqie siç mund të merret me mend nuk qëndron te “mendaj politike” e këtyre Bletëve Punëtore. Por ndoshta atë mund ta kërkojmë herë pas here tek akuzat e medias, të opozitës, apo edhe te prishja e ngjyrës së fytyrës së Ilir Metës. Kuptohet pas të gjithave qëndron konvertimi në 6 zero…