Blloku Politikë

Sot është qarkulluar në media një status në Facebook i anëtarit të Komisionit Qendror të Zgjedhjeve, Bledar Skënderi. Ky i fundit ngre shqetësimin se qëkurse katër anëtarë të komisionit vendosën të mos njohin dekretin e Presidentit për shfuqizimin e dekretit për caktimin e datës së zgjedhjeve, ka nisur një sulm i paprecedent.

Ligji është Bibla ime, e unë ushtar i Atdheut!

Vendimet e mia dhe të kolegëve janë në çdo rast të ankimueshme

shkruan Skënderi.

Raportuesi për Shqipërinë në Parlamentin Gjerman, Manuel Sarrazin në një intervistë për DW ka dhënë opinionin e tij mbi krizën politike në Shqipëri duke bërë një analizë tjetër nga ajo e grupit CDU/CSU.

Sipas tij rrethanat e përgjimeve të publikuara nga Bild nuk mund të jenë të njëkuptimta dhe po ashtu duhen provuar dhe zbardhur, por sipas tij gjithçka po ndodh është në kuadër të një lufte për pushtet.

Fletëthirrja e Prokurorisë për Lulzim Bashën nuk është se çuditi opinionin mbi zbulimin që organi i akuzës mund të ketë bërë rreth kësaj çështjeje me natyrë patriotike. Por në terma publiçitarë ngriti dukshëm humorin e mazhorancës dhe liderit të saj që e ka bërë argument të fushatës së tij lart e poshtë në Shqipëri.

Nuk dihet nëse zoti Rama ka ndonjë informacion më shumë se Prokuroria mbi këtë temë, pasi në një kafe zyrtare me elektoratin e tij ka deklaruar se lobimi rus në SHBA-a i Partisë Demokratike gjatë periudhës zgjedhore të vitit 2017, është një pastrim i pastër parash.

Mediat raportojnë sot se në kuadër të operacionit policor të zhvilluar kundër pjesëtarëve të një fisi në Elbasan, janë arrestuar edhe dy gazetarë. Sipas raportimeve të deritanishme Suela Musta, anëtare e Autoritetit të Mediave Audiovizive dhe Zylyftar Bregu, pedagog i gazetarisë, ish-anëtar I AMA-s, akuzohen se kanë favorizuar dhënien e liçencës për televizion kabllor në Elbasan për personat e fisit në fjalë.

Presidenti i Republikës duket se po paralajmëron shpërndarjen e Parlamentit teksa me një letër zyrtare i kërkon Komisionit Qendror të Zgjedhjeve numrin zyrtar aktual të mandateve parlamentare. Meta i kujton KQZ-së se ka shpallur rezultatin e zgjedhjeve të vitit 2017 me vendim të posaçëm ndërkohë që situata e prodhuar nga procesi elektoral në fjalë ka ndryshuar me bojktoin dhe dorëzimin e mandateve nga përfaqësues të opozitës.

Presidenti i vendit Ilir Meta ka komentuar edhe sot zhvillimet politike duke shfaqur ndoshta të parin qëndrim që ngre pikëpyetje mbi legjitimitetin e Parlamentit. 

Presidenti është zgjedhur nga parlamenti jo nga ky, nga një parlament plotësisht legjitim, por Presidenti i takon Republikës dhe Republika i takon vetëm shqiptarëve, besoj se jam shumë i qartë

tha ai gjatë një komunikimi me gazetarët. 

Teksa parlamenti miratoi me 100 vota pro dhe 7 kundër rezolutën për shkeljet e Presidentit, kryeministri  parashtroi para deputetëve teorinë e tij unikale pse zgjedhjet pa opozitën janë demokratike.

Zoti Rama e quan veten viktimë dhe pushtetin e tij pasojë. Por sipas tij ky fatalitet që buron nga aktet e kundërshtarëve fatmirësisht është në të mirën e kombit. Në të mirën e Kombit sepse sipas zotit Rama fati i Shqipërisë mbetet në duart e një kryeministri dhe mazhorance të provuara për mirëqeverisjen e gabimeve pa dashje.

Zgjedhjet e 30 qershorit duket se do të jenë asgjë më shumë se fasada e një vullneti të njëanshëm politik. Komisioni Qendror i Zgjedhjeve është ndarë në qëndrimet e veta për sa i përket dekretit të fundit të Presidentit të Republikës që shfuqizon datrën e zgjedhjeve të caktuara me një dekret të mëparshëm. Kryetari i Komisionit, Klement Zguri ka deklaruar se institucioni duhet të ndalë punën e nisur për zgjdhjet sepse dekreti i kreut të shtetit është botuar në Fletoren Zyyrtare:

Kryeministri ka folur sot në Parlament për krizën duke përsëritur ato që ka thënë thuajse çdo ditë.

Zhvillimet politike në Shqipëri i ka komentuar në një intervistë pr Deutusche Welle, korrespondentini gazetës Frankfurter Allgemeine Zeitung, Matthias Rüb. 

Në komentet e veta për situatën, gazetari në fjalë thotë se dekreti shfuqizues i datës së zgjedhjeve është kushtetues, se zgjedhjet pa opozitën në këtë moment nuk do të ishin të pranueshme dhe se për qeverinë shqiptare tashmë ka edhe një problem tjetër: