Blloku Politikë

Zhvillimet politike në Shqipëri i ka komentuar në një intervistë pr Deutusche Welle, korrespondentini gazetës Frankfurter Allgemeine Zeitung, Matthias Rüb. 

Në komentet e veta për situatën, gazetari në fjalë thotë se dekreti shfuqizues i datës së zgjedhjeve është kushtetues, se zgjedhjet pa opozitën në këtë moment nuk do të ishin të pranueshme dhe se për qeverinë shqiptare tashmë ka edhe një problem tjetër:

Me shfuqizimin e datës së zgjedhjeve nga Presidenti, socialistët kanë hapur edhe një tjetër debat, atë mbi moralin e zotit Meta, duke qenë se gruaja e tij është bashkëkryetare e opozitës dhe kësisoj kreu i shtetit sipas shumicës po bëhet palë me kundëërshtatët e mazhorancës.

Rudina Hajdari që përfaqëson opozitën e re në parlament me mbështetje të hapur nga ambasada amerikane u ndal te ky moment që socialistët e përkufizojnë si konflikt interesi.

 Veton Suroi ka shkruar sot një opinion për krizën politike në Shqipëri. Është një gjë e mirë që opinionistë nga Kosova shprehen për zhvillimet në Shqipëri, sikundër e anasjellta. Përvoja e këtyre viteve ka dëshmuar se shkëmbimet e opinioneve ushtrojnë një presion pozitiv sepse qasja nga jashtë ka të mirën se ruan një distancë emocionale.

Surroi e krahason procesin zgjedhor të 30 qershorit në Shqipëri me atë që ndodh në Veriun e Kosovës, gjë që duhet të jetë thjesht e papranueshme.

Presidenti i Këshillit Evropian Donald Tusk deklaroi se Bashkimi Evropian duhet të hapë negociatat për anëtarësimin e Maqedonisë Veriore dhe Shqipërisë, por ky vendim nuk do të merret brenda ditëve të ardhshme, pasi disa shtete anëtare e pengojnë këtë.

"Unë personalisht besoj se vetëm një vendim mund të merret: për të filluar negociatat me Maqedoninë Veriore dhe Shqipërisë, siç rekomandohet nga Komisioni Evropian”- tha Tusk, pas bisedës në Bruksel me Presidentin e Maqedonisë Veriore, Stevo Pentarofski.

Pak ditë më parë kryeministri Edi Rama deklaroi në një takim me simpatizantë të Partisë Socialiste, se ai e ka ditur që presidenti Ilir Meta do të anullonte zgjedhjet.

Unë jam tre hapa para tyre gjithnjë

u mburr Kryeministri.

Ilir Meta bëri daljen e dytë publike brenda 48 orësh ku mbrojti sërish vendimin për shfuqizimin e datës së zgjedhjeve, duke thënë se kishte të dhëna se  për shkak të interesave të grupeve brenda dhe jashtë  situata vendit mund të shfrytezohej për akte qe do cënonin stabilitetin dhe rendin publik.

Ai foli për një darkë sekrete me Edi Ramën ku i komunikoi vendimin  për të shfuqizuar dekretin, pasi  kryeministri nuk kishte rënë dakord për të ofruar një datë.

Qeveria e z. Rama ka ndërmend të stabilizojë situatën politike përmes Kushtetutës dhe jurisprudencës. Së fundmi po qarkullon një material në anglisht që trajton dhe analizon aktin e Presidentit të Republikës për shfuqizimin e dekretit për caktimin e datës së zgjedhjeve , që thuhet se u është dërguar ambasadave të ndryshme.

Nëse lexon materialin që është një renditje dhe asryetim i vendimit të fundit të Komisionit Qendror të Zgjedhjeve aty vëren lehtësisht nivelin e juristëve të PS-së, apo atyre që mbrojnë qëndrimin e saj përmes një kontradikte flarante.

Dy deklaratat e zëdhënëses së Komisionit Europian, Koçijançiç dhe kreut të radhës së OSBE-së, Lajçak që populli shqiptar të votojë brenda afateve, reflektoi pozicionin e tyre afër qeverisë lidhur me krizën. Nuk dihet sa ky pozicion është i ndikuar nga ambasadorët, të cilët Rama i thirri dje në zyrë për t’u kërkuar mbështetje. Nga zyra për shtyp e kryeministrit, por edhe nga selitë e huaja diplomatike nuk pati ndonjë njoftim mbi këtë takim, por mediat e huaja kanë zbardhur detaje.

Në orët e fundit në Shqipëri kanë ndodhur shumë gjëra që duket se po çojnë vendin drejt një krize apo kolapsi institucional me pasoja. Është thënë dhe shkruar shumë për atë që po bën opozita shqiptare, por nëse analizën e situatës do ta vendosnim në kontekstin e qëllimit për të mos lejuar zbatimin e reformës në drejtësi, atëherë mund të arrijmë në konkluzionin se shkaktari kryesor për prishjen e reformës në stadin e tanishëm është Kryeministri. Edhe pse pretendon se është kampioni i saj. 

Të gjithë juristët e njohur të vendit kanë komentuar së fundmi se dekreti i presidentit mund të gjykohet për vlefshmërinë e tij vetëm nga gjykata.

Edi Rama ka vepruar ndryshe. Ai ka autorizuar Komisionin Qendror të Zgjedhjeve që të shpallë pavlefshmërinë e dekretit, edhe këtu me anë të anëtarëve të zgjedhur prej partisë së vet.

Kryetari i KQZ-së, Klement Zguri, ka braktisur mbledhjen dhe vendimin e ka marrë Denar Biba.