Blloku Politikë

Një formacion i quajtur Aleanca Qytetare për Mbrojtjen e Demokracisë, krijuar për të organizuar paralizimin e zgjedhjeve më 30 qershor ka dalë sot me një mesazh të artikuluar nga Kryetari i Patisë Demokratike në Elbasan, Aurel Bylykbashi.

Kur Kolegji Zgjedhor vendosi në vitin 2011 se vendimet e Komisionit Qendror të Zgjedhjeve për zgjedhjet lokale në Tiranë ishin korrekte, Partia Socialiste asokohe në opozitë dilte në protestë me thirrjet kundër Sashenkës dhe Tomës, dy ndër gjykatësve. 

Sot kemi një situatë të ngjashme. Kolegji Zgjedhor me gjykatës që kanë probleme ka dhënë një vendim që i shkon për shtat socialistëve në pushtet. Do të ishte çudi e kundërta dhe sikur të kishte ngjarë me siguri që do dëgjonim kryeministrin të deklaronte se është më i vendosur se kurrë për reformën në drejtësi. 

Siç kishte paralajmëruar Presidenti Meta doli në një konferencë për shtyp një ditë pas vendimit te Kolegjit Zgjedhor, që rrëzoi kërkesën e Partisë së Unitetit Kombëtar, duke lënë në fuqi 30 qershorin.

Meta deklaroi se vendimi i Kolegjit Zgjedhor ishte truk procedurial i marrë në presion e shantazh dhe si i tillë nuk mund të prodhojë një efekt juridik për dekretin e zgjedhjeve.

Ilir Meta, kur mori pafajësinë për videon me Dritan Priftin, theksonte jo pa qëllim natyrën absolute të vendimit referuar votimit 5 me 0 që morën gjyqtarët e çështjes. Si për ironin edhe vendimi i Kolegjit Zgjedhor që mbajti në fuqi 30 qershorin u mor me të njëjtat numra, 5 me 0. Në të dyja rastet ka dyshime të forta se drejtësia ka qenë e ndikuar nga presioni politik.

Pushteti ka lëshuar të gjithë zëlëshuesit e vet për të dhënë sihariqin: fitore!

Fitoi 30 qershori, ra Presidenti. Do të ketë zgjedhje më 30 qershor.

Po çfarë u fitua dhe kush fitoi?

Shqiptarët, Shqipëria, e ardhmja?

Jo, padyshim që jo. Fitoi PS-ja? As kjo parti nuk ka fituar. Fitoi Edi Rama? Po. Z. Rama e rregulloi që të fitojë të drejtën për të dhënë shfaqjen teatrale “Zgjedhje më 30 qershor”. Por zgjedhje me një emër në fletë votimi nuk ka. Ka votime.

Mediat e pushtetit raportojnë së fundmi se Kolegji Zgjedhor ka rrëzuar kërkesën e Partisë për Unitet Kombëtar të drejtuar nga Idajet Beqiri për çregjistrim nga zgjedhjet lokale të 30 qershorit. Kërkesa ishte bazuar mbi arsyetimin se Presidenti ka dekretuar anullimin e datës 30 qershor, duke marrë si të mirëqenë faktin se vetëm kreu I shtetit dekreton një datë zgjedhjesh. Komisioni Qendror i Zgjedhjeve në fillim dhe tani Kolegji Zgjedhor kanë hedhur poshtë kërkesën e Beqirit, duke dhënë kështu rrugë për argumentin se me të bie edhe dekreti i anullimit të zgjedhjeve. 

Të vetmit që vijojnë të bëjnë fushatë në Shqipëri janë dy njerëz, Edi Rama dhe Erion Veliaj. Tek tuk edhe ndonjë Taulant Balla apo Tërmet Peçi, të cilët bëjnë  rolin e borive të prishura.

Dy të parët, ose më saktë kryeministri luan me kartën e presionit duke u treguar njerëzve burgun dhe Kodin Penal , pa harruar të bëjë edhe zëdhënësin e SHBA-ve dhe BE-së për ndalimin e daljes jashtë vendit të atyre që do prekin zgjedhjet.

Ka nja dy ditë që qarkullon në mediat që jetojnë në xhepin e pushtetit një “lajm” për zgjedhjet e vitit 2011. Kur sipas këtij interperetimi pushteti I vidhte votat e fitores Edi Ramës, asokohe kryetar bashkie në Tiranë. Temë në fjalë e ka marrë edhe një faqe, realstory.al, tekstin e së cilës e kanë riqarkulluar disa media të tjera.

Thuhet ndër të tjera në këtë teskt:

Kryeministri Edi Rama vijon të hedhë grepat për të peshkuar shqiptarët. Sot ai publikon foton e mësipërme me komentin e mëposhtëm: 

Majtas Gjirokastra e djeshme e atyre që duan të na kthejnë mbrapa, me ulërima e me dhunë dhe djathtas, Gjirokastra jonë sot që kërkojmë një mandat të ri për të vazhduar përpara, me projekte e me punë

Jo pa qëllim Presidenti Ilir Meta, i ka kthyer përgjigje shkresës së kryetarit të Komisionit Ulsi Manja,  lidhur me dekretin për shfuqizimin e datës së zgjedhjeve. Kujtojmë që zoti Manja është një nga personazhet që ka dalë në përgjimet e Bild.

Meta e quan “proces të rremë”, procedurat e nisura nga ky komision për të rrëzuar dekretin e tij për anulimin e zgjedhjeve, duke theksuar se një proces i tillë është i “orientuar verbërisht politikisht” dhe se nuk i shërben aspak zgjidhjes së krizës.