Blloku Politikë

Kryejministri Edi Rama ka folur sot në një konferencë për shtyp zhvilllimet e djeshme me protestën e PD-së. Rama ka deklaruar se është i gatshëm të ulet në dialog me opozitën ndërkohë që ka komentuar edhe rrahjen e sekretarit Organizativ të PD-së, Sahit Dollapi. Sipas Ramës ky ishte një incident i panevojshëm që prishi perfeksionin e shfaqjes së djeshme. 

21 janari është një datë simbol për Partinë Socialiste, një lloj reference e revolucionit të Rilindjes ndaj autokracisë së ish-punistit Sali Berisha.

4 “Dëshmorët” që u vranë me duar në xhepa nga plumbat e Gardës, tani nuk janë veçse disa dordolecë që patën çmimin e tyre në rikthimin e PS dhe zotit Rama në pushtet, kuptohet me ndihmën e Ilir Metës dhe partisë së tij. Pushteti vrastar i Sali Berishës siç e kanë etiketuar socialistët tashmë është vitrinë e Rilindjes.

Kryeministri Edi Rama ka propozuar që njësitë e qeverisjes vendore të ndërpresin procedurat e prokurirmit për vitin 2019 përmes një vendim pezullimi të përkohshëm. Sipas vendimit që është miratuar nga Këshillli i Ministrave nga ky urdhër përjashtohen prokurimet me vlerë të vogël dhe procedurat e prokurimit që kanë si objekt produktet ushqimore.

Pezullimi i prokurimeve ishte në fakt një kërkesë e Partisë Demokratike për qeverinë tranzitore ndërkohë që kryeministri duket se ka hequr formalisht një mundësi abuzimi në zgjedhje.

U quajt takimi i liderëve. Samiti i Brdo Brijunit që u zhvillua në Tiranë mblodhi bashkë drejtuesit e Ballkanit Perëndimor në shenjë angazhimi për integrimin.

U miratua një deklaratë, ndërkohë që dy presidentët Hashim Thaçi dhe Aleksander Vuçiç nuk kanë lënë rast t’u ikë për të bërë deklarata që në fakt lidhen me shqetësimet e tyre personale. Thaçi qenka shqetësuar se Europa po vepron pa SHBA-në, ku me gjasë SHBA janë një tik nervor i shqiptarëve liderë sesa ndonjë arsyetim strategjik.

Thirrje Bashkimit Europian ta konsiderojë anëtarësimin e vendeve të Ballkanit Perëndimor një proces me rëndësi gjeopolitike bënë sot nga Tirana 8 presidentitët e vendeve të rajonit. Në deklaratën e përbashkët në përfundim të samitit të Brdo-Brijunit theksohet se ky hap lidhet jo vetëm me sigurinë e rajonit, por edhe të Europës.

Beogradi zyrtar është katandisur tashmë në një recitues monoton të të vetmes vjershë që di: Shqipëria e Madhe. Ministri i Jashtëm serb, Ivica Daçiç, ka deklaruar për televizionin publik serb se Edi Rama dhe Hashim Thaçi po krijojnë Shqipërinë e Madhe, ndërkohë që Serbia po përpiqet të ndjekë një politikë konstruktive.

Carlo Bollino, një gazetar i pavarur por që batohet padashje për nga pushteti – kuptohet pa humbur objektivitetin – shkruan sot për arsyet se përse komuniteti ndërkombëtar nuk po negocion për krizën aktuale. Normalisht çështja kryesore është trajtimi i krizës si i tillë, pastaj arsyet e negociatorëve. Por mesa duket ka disa gazetarë që entuziazmohen nga indiferenca e shtirur e komunitetit ndërkombëtar për arsye nga më të ndryshmet.

Afërsia mes italianes Federica Mogherini dhe kryeministrit të Shqipërisë dihet. Vetë ky i fundit e ka promovuar me përqafimet dhe vlerësimet e larta që ka shprehur sa herë është takuar me shefen e BE-së.

Për zotin Rama janë kohë të vështira, pasi doli bllof me negociatat dhe angazhimin e tij në dialogun Kosovë-Serbi.  Tashmë ai është i angazhuar në një fushatë për të bindur opinionin se qeveria e tij i ka përmbushur detyrimet dhe se janë forcat euroskeptike që po e pengojnë zotin rama të marrë dritën jeshile.

Gazeta “Zëri” në Kosovë ka publikuar sot një deklaratë të kryeministrit të Kosovës, Ramush Haradinaj, sipas të cilit ka dyshime të besueshme që kryeministri I Shqipërisë, Edi Rama, të ketë qenë pjesë e planit për Kosovën.

Ekziston një dyshim i bazuar, se Presidenti Hashim Thaçi, kryeministri i Shqipërisë Edi Rama dhe presidenti serb Aleksandër Vuçiç kanë biseduar për shkëmbim të territoreve se bashku nën udhëheqjen e Përfaqësueses së lartë, Frederika Mogerinit. Ekziston ky dyshim pavarësisht se unë nuk mund ta konfirmoj

Baton Haxhiu është kapur në befasi nga kërcënimi i Meslida Dodës për një shishe kokës, duke marrë pozën e atij që nuk ndihet më rehat në studio. Ka ndodhur në Opinionin e Blendi Fevziut, marka kryesore e sherrit banal në televizionet shqiptare.