Blloku Politikë

Komisioneri për të Drejtën e Informimit dhe Mbrojtjen e të Dhënave Personale ka marrë në datën15 nëntor të këtij viti një vendim që hedh dritë mbi praktikën e vendimmarrjes në institucionet shqiptare. Komisioneri ka detyruar Ministrinë e Shëndetësisë të japë informacionin e kërkuar nga një subjekt privat si dhe ka gjobitur sekretarin e Përgjithshëm të Ministrisë, Geraldina Prodani me 1.5 milionë lekë të vjetra për keqpërdorim të detyrës dhe cenim të së drejtës për informim.

Parlamenti shqiptar do të hetojë edhe për katër muaj për presidentin Ilir Meta. Komisioni Hetimor për shkarkimin e tij, drejtuar nga nënkryetari Alban Zeneli, ka kërkuar shtyrjen e hetimeve për shkak të Gjendjes së Jashtëzakonshme.

Mediat kanë përcjellë momente nga tensioni skenik i kryeministrit me bashkëpunëtorë të tij. Njëherë duke shtyrë zv.kryeministrin Erjon Braçe, njëherë tjetër duke urdhëruar kryetarin e Bashkisë së Tiranës të marrë furçën e të lyejë një pallat, një herë tjetër duke i treguar vendin ministit të Brendshëm. 

Kryeministri ka paralajmëruar sot përmes rrjetit social tuiter mediat. Përmes këshillave urdhëruese dhe kërcënimeve, Edi Rama ka mbyllur ligjërimin e shkurtër duke deklaruar se do të bëjë atë që nuk ia pret mendja kujt.

shkruan z. Rama.

Nuk dihet se çfarë apo kush e ka mërzitur z. Rama, por është e qartë se kaosi në menaxhim që ka dalë zbuluar po vë në diskutim qetësinë sociale.

A ka një përgjigje reale se përse duhet një Komitet i Rindërtimit? Pse duhet një strukturë e ndërthurur mes qeverisë dhe aktorëve jashtë saj për të mbledhur dhe menaxhuar fondet për lehtësimin e pasojave të tërmetit? Gazetari Marin Mema që është pjesë e këtij komiteti foli disa herë për transparencën e fondeve. Kreu i një fondacioni, Arbër Hajdari, po ashtu ka folur për transparencën. Elvis Naçi, bamirës, imam dhe një lloj ylli televiziv i besimtarëve myslimanë shqiptarë ra dakord me kryeministrin se paratë duhet të kanalizohen në një drejtim.

Pas tërmetit qeveria, më saktë kryeministri Edi Rama, ka krijuar një komitet për rindërtimin. Në krye do të jetë Arben Ahmetaj.

Tryeza e krijimit ka qenë pak e pazakontë, janë parë aty gazetarë, biznesmenë, ministra, bamirës.

Binzesmenti Artan Dulaku ka deklaruar se në Durrës disponohen 3500 banesa të lira dhe ato mund të shiten për të pastrehët. Z. Dulaku ka sqaruar se sipas Shoqatës së Ndërtuesve ndërtimet në Shqipëri janë bërë mirë dhe konform normave teknike dhe se nuk ka asgjë të vërtetë në spekullimet e bëra në media.

3 muaj bas betimit si kryebashkiake e Durrësit, Valbona Sako jep dorëheqjen, duke lënë pa titullar një tjetër bashki të vendit. Shkak u bë ky koment i saj për pasojat e tërmetit tragjik të 26 Nëntorit, ku theksonte se ishte e kënaqur me bilancin e viktimave, pasi sipas saj numri mund të ishte edhe më i madh.

Vendimin për të dhënë dorëheqjen Sako e njoftoi vetë në rrjetet sociale duke shpjeguar se e kishte të pamundur të përballonte stresin që I kishin krijuar komentet negative mbi deklaratën e saj.

Kryeministri Edi Rama i ka bërë thirrje partive opozitare dhe personalisht liderit të demokratëve Lulzim Bashës, që “të ulemi pa humbur kohë në tryezë për të dëgjuar idetë dhe propozimet e tyre konkrete”.

Në tre postime në Twitter, shefi i qeverisë shkruan:

U bëj apel forcave opozitare të ulemi pa humbur kohë në tryezë për të dëgjuar idetë dhe propozimet e tyre konkrete. Në këto rrethana të jashtëzakonshme duhet mbiprodhim energjish pozitive për fatkeqët që kanë humbur gjithçka e mbarë popullin që meriton përkujdesje psikologjike.

Çfarë është emergjencë në këto ditë ku Durrësi dhe Thumana u ngjajnë zonave të bombarduara dhe ky pikëpyetjet mbi sigurinë e ndërtesave që kanë mbetur në këmbë janë të mëdha? Tani që mjegulla e raportimit po qartësohet, harta e dëmeve në ndërtesa po zgjerohet edhe në Tiranë, Shijak, Kavajë e Laç.

Lëkundjen e njëpasnjëshme të pastërmetit me gjasë kanë shkurtuar jetëgjatësinë e shumë objekteve të tjera të neokapitalizmit që nuk dihet mbi ç'kritere janë vlerësuar dhe vijojnë të vlerësohen si të sigurta.

Gjatë një interviste televizive dje, ish-kryeministri Sali Berisha ka publikuar kontratën e blerjes së tokës nga bashkëshortja e kryeministrit aktual, Edi Rama për shtëpinë e vet në Surrel. Tha Berisha ndër të tjera: 

Kemi të bëjmë me saraje dhe jo vilë. Janë 58 metra gjatë themelesh. Unë banoj në një pallat që ka gjithësej 46 metra gjatësinë e themeleve dhe banojmë 70 familje se është me shumë kate. Pallati ka 47 metra kurse sarajet e kreut të Meduzës janë me një gjatësi themelesh 58 metra. Duken sarajet e Surrelit nga maja e Tomorit.