Blloku Politikë

Kryeministri i Shqipërisë Edi Rama ka qenë para pak ditësh pjesë e një mbrëmjeje në Londër, organizuar me synimin e promovimit të shitjes së atyre që quhen pasaporta të arta.  Krahas kryministrit të Shën Luçias në Karaibe, atij malazez, një ministri maltez dhe disa ambasadorëve nga Antigua, Barbuda dhe Qipro, Edi Rama ka premtuar 10 vjet pushime. Pra 10 vjet pa taksa në këmbim të blerjes së pasaportave për 100 mijë dollar dhe investimeve.

Presidenca ka njoftuar sot se javën që vjen do të publikojë një material video që sipas saj zbulon intrigën antikushtetuese që është tentuar t’i bëhet Gjykatës Kushtetuese. Përmes një njoftimi në Facebook, këshilltari I Presidentit, Tedi Blushi shkruan se:

Nuk dihet se çfarë përmban kjo video, por publikimi i saj nga presidenca është fisheku i fundit në një luftë politike që e ka delegjitmuar reformën në drejtësi ende pa nisur.

Gjykata Kushtetuese nuk njeh si anëtare të KED, Arta Vorpsin. Në faqen zyrtare, Gjykata Kushtetuese ka listuar anëtarët që plotësojnë kushtet ligjore për të qenë anëtarë të Këshillit të Emërimeve në Drejtësi. Në listë bie në sy mungesa e Arta Vorpsit. Ndërkohë, pjesë e listës është Marsida Xhaferllari, Elsa Toska dhe Fiona Papajorgji, të cilat u betuan dje te presidenti i republikës.

Kryeministri Edi Rama ka thënë sot ndër të tjera në Parlament: 

Mediat pranë qeverisë shkruajnë se i Derguari i Posaçëm i ShBA-ve, Richard Grenell ka dhënë mbështetje për Shengenin Ballkanik. Por zoti Grenell ka kërkuar që në këtë nismë të bëhet pjesë edhe Kosova. 

Ne besojmë se që kjo nismë të jetë e suksesshme, ajo duhet të përfshijë të gjithë në rajon, përfshirë qeverinë e Kosovës. Administrata Trump është e përqendruar për të ndihmuar gjithë rajonin të krijojë mundësi ekonomike dhe punë për të rinjtë

citohet ai. 

Kryeprokurorja në detyrë Arta Marku thuhet se ka dorëzuar para Këshillit të Lartë të Prokurorisë, një sondazh të kryer me stafin e vet sipas të cilit rezulton se “populli” e do Arta Markun në krye të organit të akuzës. Në prezantimin e vet para KLP-së, Marku ka pranuar ndër të tjera se ajo ka kompetenca të kufizuara me ndryshimet e tanishme kushtetuese dhe ligjore, ndaj edhe kështu shpjegohen dështimet e saj. Mirëpo pyetja që shtrohet këtu është se nëse situate ligjore është kështu përse rikandidon zonja Marku?

Presidenti i Republikës, Ilir Meta ka njoftuar sot zyrtarisht zhvillimin e ceremonisë së betimit të anëtarëve të rinj të Gjykatës Kushtetuese. Presidenti i referohet nenit 129 të Kushtetutës duke thirrur për betim vetëm Elsa Toskën, Marsida Xhaferllarin dhe Fion Papajorgjin, dy kandidate të zgjedhura nga Kuvendi dhe një nga vetë kreu i shtetit. Meta ka lënë jashtë ceremonisë Art Vorpsin, e zgjedhur nga Këshilli i Emërimeve në Drejtësi, duke i dhënë goditje një procedure të ngatërruar nga vetë shumica në pushtet.

Veprimi i sotshëm i Arta Vorpsit për të kryer betimin si anëtare e Gjykatës Kushtetuese para noterit, është vetëm një epsiod i radhës në serinë e atyre akteve që karakterizojnë shumicën aktuale. 

Kryetari i ri i Delegacionit të Parlamentit Europian në Komitetin e Stabilizim-Asociimit Shqipëri-BE, Manolis Kefalogiannis ka dhënë një intervistë për faqen online, European Western Balkans përmes së cilës ka përsëritur mesazhin se rruga europiane mbetet e hapur për Shqipërinë dhe Maqedoninë e Veriut. Ai është pyetur disa herë për Shqipërinë ndaj së cilës ka bërë thirrje që ta shohë integrimin si mundësi bashkëpunimi dhe jo si pedan për të zhvilluar luftë të brendshme.

Kryeministri Edi Rama ka dalë sot në një intervistë për të dhënë një mesazh kundër Albin Kurtit dhe Lëvizjes Vetëvendosje. Në një analogji me qëndrimet ndaj Aleancës Kuqezi në vitin 2013, Rama ka sulmuar një grupim me qasje nacionaliste që ka ditur si asnjë forcë tjetër në arealin politik shqiptar të mobilizojë rininë.