Blloku Politikë

Shqipëria e Edi Ramës po ecën në mënyrë të pakthyeshme drejt përplasjes me një dështim në procesin e negociatave. Është diçka që nuk duhet uruar në asnjë rrethanë por duket tanimë qartë nga këmbëngulja e Hollandës për një Jo dhe nga kushtet e Gjermanisë. Shpresa e fundit e kryeministrit Rama është artikuluar në formën e tezës së “Europës Strategjike”, duke kërkuar te procesi i zgjerimit një rishikim procedure dhe relativizim të kërkesave ndaj kritereve strikt teknike për të parë te Ballkani Perëndimor një rajon që duhet të jetë detyrimisht brenda Europës.

Kryetari Grupit Parlamentar të Partisë Socialiste Taulant Ball aka zhvlerësuar sot një votë kundër të Hollandës për integrimin e Shqipërisë. Z. Balla ka strehuar argumentimin e tij tek aspekti teknik i procesit, që është vendimi i Komisionit Europian.

Zëvendësambasadori rus në Tiranë, Andrej Shugurov ka deklaruar në një intervistë për kanalin Fax News se kërkesat e qytetarëve shqiptarë për vaksinën ruse kundër CoVid-19 kanë qenë të larta.

Dritan Hila, një ish-diplomat dhe aktualisht gazetar, shkruan për shfaqjen e flamurit turk në fasadën e korpusit universitar.

Është vetëm flamuri i Republikës Turke

shkruan Hila që sqaron popullin shqiptar se këtu nuk ka asgjë të keqe. Madje me një ton prej pedagogu rekomandon kombin që të gjejë udhën e të dalë nga provincializmi për të mos kërkuar probleme aty ku nuk ka.

Presidenti ukrainas Vladimir Zelenskiy ka depozituar së fundmi një projektligj për shkrirjen e Gjykatës Kushtetuese për shkak se kjo e fundit rrëzoi një draft të tijin kundër korrupsionit. Gjykata çmoi se ligji në fjalë shkel Kushtetutën dhe në këtë kuadër presidenti ka kundërvepruar me kërkesën për shkrirje. Kreu i Gjykatës, Alexander Tupitsky ka deklaruar se një akti i tillë ka shenjat e një grushti shteti.

Presidenti Meta mbështet idenë e referendumeve, sa herë nevojitet ndryshimi i Kushtetutës. Në tryezën me temë "Nisma Kombëtare për Referendumin", Meta tha se 22 vjet pas referendumit të fundit që është mbajtur në Shqipëri, nuk mund t’u besohet më politikanëve kur është fjala për ndryshimet në ligjin themeltar të shtetit.

Damian Gjiknuri, i mirënjohuri i politikës së votave, ka deklaruar sot në një intervistë televizive se:

Kërkesa në Venecia nga presidenti, e qëllimshme dhe e rrezikshme, mund të destabilizojë vendin. E gjitha është politike, aktorët politikë lëvizin sipas interesave të veta politike

Jozefina Topalli  i kthehet politikës aktive. Ish-kryetarja e Kuvendit dhe nënkryetare e PD-së për disa vite me radhë ka zyrtarizuar sot pasdite partinë e saj të re.  “Lëvizja për Ndryshim” është alternativa politike me të cilën Topalli synon të shkojë në zgjedhjet e 25 prillit.

Gjatë fjalës së saj prezantuese, Topalli tha se tre kryetarë partish nuk mund të mbajnë peng 3 milionë shqiptarë, ndërsa e shfaqi hapur pakënaqësinë me opozitën që ka bërë Lulzim Basha.

Edi Rama duket se ka joshur – ndoshta me qeverisjen e tij – edhe një drejtues të nje partie politike tradicionalisht të djathte si kryetari i Ballit Kombëtar, Adriatik Alimadhi. I cili citohet të jetë shprehur se është gati për aleancë me të majtën nëse: 

Edi Rama na ndjek

Ku? Kush e di!

Maxhoranca nuk ka ndërmend të presë përgjigjen e Komisionit të Venecias lidhur me Kodin e Ri Zgjedhor. Një ditë pasi presidenti iu drejtua me disa pyetje Venecias lidhur me kushtetueshmërinë e ndryshimeve të reja ligjore të miratuara nga Parlamenti pak javë më parë, kryeministri Rama thotë se nuk ka kohë për të pritur përgjigjen, pasi do të nisë zbatimi i ligjit. Rama nuk i kurseu akuzat në adresë të kreut të shtetit.